JERRY OLEA
Nangunguna pa rin sa Top 10 TV Shows ng Netflix Philippines ang KathNiel series na 2 Good 2 Be True.
Noong Mayo 13, 0222, nag-umpisang mag-streaming sa Netflix ang bagong teleserye nina Kathryn Bernardo at Daniel Padilla. Palabas na rito ang 28 out of 130 episodes nito.
Nanatili sa pangalawang puwesto ang Stranger Things.
Ang first set (7 episodes) ng Season 4 nito ay ini-release noong Mayo 27. Ang second set (2 episodes) ay sa Hulyo 1 ire-release.
Pumuwesto na sa pangatlo ang teleserye nina Alden Richards at Jasmine Curtis-Smith na The World Between Us.
Noong Hunyo 17, Biyernes, nag-umpisa ang streaming ng Kapuso series na ito, which also stars Tom Rodriguez, Jaclyn Jose, and Dina Bonnevie.
May dalawa pang Pinoy series sa Top 10 TV Shows ng Netflix Philippines. Nasa ikaanim na puwesto ang Niña Niño ni Maja Salvador, at nasa pampito ang KathNiel series ding Pangako Sa ‘Yo na ang international title ay The Promise.
Ligwak na sa Top 10 ang Legal Wives nina Dennis Trillo, Alice Dixson, Andrea Torres, at Bianca Umali.
Sa Hunyo 22, Miyerkules, ay streaming na sa Netflix Philippines ang Umbrella Academy: Season 3.
Sa Hunyo 24, Biyernes, ay magpapakitang-gilas na ang Money Heist: Korea — Joint Economic Area.
Abangan natin kung mananatili sa puwesto ang 2 Good 2 Be True kapag andiyan na ang South Korean adaptation ng Money Heist, at ang bagong season ng Umbrella Academy.
Wala isa mang pelikulang Pinoy sa Top 10 Movies ng Netflix Philippines.
Ang mga kasama sa listahang ito ay Spiderhead, Hustle, Charlie’s Angels, Venom: Let There Be Carnage, Centauro, The Ancestral, Days of Thunder, The Healer, Collision, at Interceptor.
Tampok sa sci-fi thriller na Spiderhead sina Chris Hemsworth, Miles Teller, Jurnee Smollett, at ang Filipino-Australian na si Mark Paguio.
Idinirek ito ni Joseph Kosinski, na nagdirek ng Top Gun: Maverick. Halo-halo ang reviews dito.
NOEL FERRER
Habang hindi pa super-apaw ang dami ng mga tao sa takilya ng mga sinehan, sana ay namamayagpag ang suporta sa mga local content sa iba’t ibang streaming platforms bilang alternative.
Pero ang challenge din ay pagandahin pang lalo ang kalidad ng mga output sa streaming sites na nabanggit para hindi masabing compromised o scaled down version ito ng nasa mainstream.
Sana, pagtuunan talaga ito ng pansin, lalo na sa production budget. And in the end, sana makabawi rin talaga ang mga producer na namumuhunan sa plaftorms na ganito.
GORGY RULA
Kaya saan na ba natin ibabase ang lakas ng isang TV show? Ang rating sa free TV o kung alin ang nag-trending sa streaming app?
Nasusubaybayan ko itong 2 Good 2 Be True sa Netflix, at maganda naman ang daloy ng kuwento. Pero bakit parang hindi gaanong napapag-usapan at hindi siya lumalaban sa rating sa free TV?
Nasisilip ko rin ang The World Between Us, na ang bilis din umakyat sa No. 3. Nasa No. 9 pa ito kahapon. Hindi rin pala nagpapabaya ang Aldenatics.
Samantala, pinag-uusapan na sa TikTok ang excitement ng Spanish actors sa Korean version ng Money Heist (La Casa de Papel). Alam daw nilang kayang pagandahin ito lalo ng Korea, kaya inaabangan na rin iyan.