GORGY RULA
Inaasahan ni Paolo Contis na maba-bash na naman siya, pati ang rumored girlfriend niyang si Yen Santos, dahil sa Facebook post niya noong Linggo, June 26, 2022.
Ipinost ni Paolo ang baon niyang lunch sa studio ng All-Out Sundays — kanin at adobo na luto ni Yen.
Sabi ng aktor sa caption: “Ang sarap ng aking baong adobo! May libreng bashing pa yan mamaya! (laugh emoji) #Adobash (laugh emoji) thank yooouu babikwooh…”
Hindi nag-respond si Yen sa post ni Paolo, pero obvious namang ang aktres ang tinutukoy na "babikwooh" ng aktor.
So far, wala pa namang nag-share sa FB friends ni Paolo ng post niyang ito kaya hindi pa ito kumakalat at hindi pa naba-bash o nabibigyan ng negative comments.
Inunahan na kasi ni Paolo kaya maaring natameme na lang sila.
Sinasabi naman ni Paolo na masarap talagang magluto si Yen. Iba raw ang luto ng adobo ng aktres na nung tinitingnan ko sa FB post ni Paolo ay mukhang tinola.
Tila pinag-aralan talaga ni Yen ang pagluluto at nag-iimbento ito ng iba’t ibang klase ng dish, kaya sarap na sarap si Paolo sa caldereta niya, lalo na raw itong adobo.
Hindi pa bumabalik si Yen sa trabaho, at hindi naman masasabi kung babalik na siya sa pag-aartista. Kaya siguro sa pagluluto muna siya nagpu-focus na nae-enjoy naman ni Paolo ang mga natitikman niyang luto ng rumored girlfriend.
JERRY OLEA
Naku, hindi pa natin natitikman ang caldereta ni Yen, tinatakam na tayo ni Paolo sa “adobash”?! Nakaka-Tom Jones!
Ano pa kayang malinamnam na pagkain ang ihahatag ni Paolo mula sa kanyang babikwoooh?!
NOEL FERRER
Puwedeng dalhin ni Paolo ang caldereta at adobo sa shooting nila ni Joross Gamboa ng pelikulang Pangarap Kong Oscars.
Mukhang riot ang pelikula at exciting talaga ang dalawang magaling na artistang ito na magkatrabaho silang dalawa.