JERRY OLEA
Pabor si Aiko Melendez sa mandatory drug testing.
Pahayag ni Aiko sa Facebook at Instagram ngayong Oktubre 13, 2022, Huwebes ng umaga, “My unsolicited opinion on my brothers in the industry, Senator Robin Padilla and Congressman Richard ‘GOMA’ Gomez take on the MANDATORY DRUG TESTING.
“Kahit naman magkaiba sila ng pananaw tungkol sa issue makikita naman na pareho silang sang ayon na ang illegal drugs ay nakakasira sa buhay di lang ng kabataan but also sa lahat ng nagiging addicted dito no matter the age.
“For me, as a public servant, just as they are, my take on this is that I AGREE on the mandatory drug testing kasi, aminin naman na natin, our industry is one of the most susceptible sectors to drug addiction.
“One, because of the external and internal influences coming from every directions, especially to the youth.
“Two, the hours we keep at work. Ang iba sa amin, sume-segue from one taping/shooting to the next without proper rest na ang sagot sa kangaragan or pagod is drugs that have upper effects.
“Ang dami ko nang nakita and nabalitaan na sa simula pangpagising lang daw hanggang ang ending, nagbebenta na ng mga kagamitan hanggang wala nang kumukuha kasi hindi na maasahan sa trabaho.
“I agree on the mandatory drug test because prevention is always better than cure. Mas maganda maiiwas natin ang paggamit ng droga before it gets to the point of rehabilitation.
“But as what Cong. Richard suggested it should be across the board, not just in our industry. Public and private agencies and firms should also have theirs on a regular basis. Also, I don't think it's a violation to human rights if it is for the good of the majority.
“But as what Sen. Binoe also suggests, employers should shoulder the tests if it is work related. Walang magandang maidudulot ang droga. Bukod sa malulustay ang perang pinaghirapan mo, papangit ka pa kapag nagadik ka.
“Sino ba may gustong makita na nangyayari yan sa kakilala o kasamahan mo sa trabaho?
“And lastly, information drive. Educate. Educate. Educate.”
Si Aiko ay konsehal sa ikalimang distrito ng Quezon City. Tampok siya sa Kapuso drama series na Mano Po Legacy: The Flower Sisters na nakatakdang mag-umpisa sa Oktubre 31, Lunes.
NOEL FERRER
Magiging successful iyan kung ACROSS THE BOARD katulad ng sinabi ni Cong. Richard Gomez. Hindi lang sa industriya natin, kundi sa lahat.
Kung leadership by example, manguna na ang Presidente at Bise Presidente at miyembro ng gabinete, Senado, Congress, at Judiciary.
At sana may mahuli talagang big fish!
GORGY RULA
Halos lahat ng artistang napagtanungan natin ay wala namang problema sa kanila, Pero bakit sa mga artista nakatutok?
Ang artista raw ang itinitingala ng mga tao, kaya dapat magbigay ng magandang ehemplo sa taumbyan. Bakit hindi ang leaders natin?
Sabi nga ni Andrea del Rosario nang mag-promote sa radio program namin sa DZRH ng pelikula nilang May-December-January, “I feel it’s a bit discriminatory.”
Dati ring nasa pulitika ang aktres. May mga alam daw siya pero ayaw na lang niyang magbanggit ng pangalan.
“I feel na merong dapat actually mauna kung gaganunin nila yun. May mauuna dun sa higher level, sa government. Those are the ones that has so much power over our money and everything else.
“Kung gagawin nila yun, dapat unahin muna nila dun… ayokong magbanggit, e. I was there. I’ve experienced being in public service and ang dami ko ring alam mo na nakita na okay, ganito pala yun.
“Kung may uunahin muna, dapat dun muna,” dagdag niyang pahayag.
Si Congressman Ace Barbers ang chairperson sa House Committee on Dangerous Drugs, at nabanggit lang niya ito sa isang interview.
Nasa recess lang ngayon ang Kongreso. Sa kanilang pagbalik, hihintayin na lang nilang maipasa ito para pag-usapan ng mga kongresista.
JERRY OLEA
Inurirat ko sa showbiz veteran na si Manay Lolit Solis ang usaping mandatory drug testing sa mga artista.
“Diyos ko, matagal na nilang dapat ginawa 'yan,” sambit ng 75-anyos na talent manager habang dina-dialysis noong Oktubre 11, Martes, sa isang ospital sa Novaliches, Quezon City.
“'Tapos ngayon pa nila gagawin? Hindi na uso ang drugs ngayon, no?! Di ba?! Sino pa ang magda-drugs ngayon, wala nang showbiz.”
Hindi na kailangang magpa-drug test ng mga artista?
“Oo. Ang ibig kong sabihin, sila naman ang sisira ng buhay nila. Kaya I doubt kung talagang gagawin pa nila 'yan,” pananalig ni Manay Lolit.
“Parang hindi na nga uso ngayon ang drugs, di ba? Parang…”
Nabuhay muli ang naturang isyu matapos maaresto si Dominic Roco.
Read: Dominic Roco kasama sa limang arestado sa drug buy-bust operation sa Quezon City
“Responsibilidad nila iyan sa sarili nila. ‘I wanna do that. I do that, ang sarili ko naman ang magsa-suffer?’
“So bakit ko sila kailangang pakialaman, di ba?”
Aware siyang may mga artistang Pinoy na nagdodroga noon pa mang 1970s at 1980s?
“Oo. Noon pa, di ba? Kaya ang ano, pag gusto mong i-try, i-try mo. Tapos ikaw na ang bahala kung sa pag-try mong iyon, masira ang buhay mo.
“Bahala ka, di ba? Sa sarili mo yun, freedom mo yun. Freedom of choice. ‘Kung gusto kong mag-drugs, e, di mag-drugs ako.’ Parang ganun.”
Handa ba siyang magpa-drug test?
Napabuntong-hininga si Manay Lolit, “Diyos ko, kung anu-ano ngang test na nga ang ginagawa sa akin. Kaya hindi ako natatakot sa threat na iyan na ipapatira sa puwet.”