GORGY RULA
Biglang na-excite si Pauleen Luna nang nag-request si Talitha kung anong theme ng birthday party ang ibibigay sa kanya.
Magpa-five years old na si Tali sa November 6, 2022, Sunday.
Ang dami na niyang alam. Nakakabasa na siya nang diretso, at alam na ng bata kung ano ang gusto niya.
Maghahanda raw sila ng maliit lang na party para kay Tali kasama ang pamilya at baka ilang classmates at kaibigan.
"May small party siya sa bahay. Konti lang kami kuya haha!" text ni Pauleen sa PEP Troika.
Naaliw lang daw siya nang nag-request mismo si Tali ng maliit lang na party at nag-suggest pa na Unicorn ang theme.
Wala na raw hininging birthday gift si Tali, dahil gusto lang daw nito ng maliit na party.
Lalong natutuwa ang mag-asawang Pauleen at Vic Sotto kay Tali dahil lalo pa raw bumabait ang kanilang anak.
Nakasanayan na rin nito ang regular na taping sa Love, Bosleng and Tali, na parang bahagi na ng madalas niyang ginagawa.
Ayaw nang isipin ni Pauleen na masundan pa si Tali dahil sobrang happy na sila sa kanilang nag-iisang anak.
Pero ang galing ng bagets dahil minsan ay isinisingit pa nito sa kanyang spiel sa kanilang programa na gusto niyang magkaroon ng baby sister.
- Pauleen Luna works behind the camera as Vic's "makeup artist," Tali's "acting coach"
- Pauleen Luna at Vic Sotto, nag-panic sa "I want to be an actress" dialogue ni Tali
- Pauleen Luna sees no problem with Vic Sotto’s children calling her by her name
JERRY OLEA
Gaya ng nasabi ko noon pa… The family that works together, stays together.
Habang lumalaki si Tali, lalong tumitibay ang pagmamahalan nina Pauleen at Bossing Vic.
Nasa Panginoon na kung iaadya niyang maging ate si Tali.
NOEL FERRER
Hindi kailangan ng pressure. Kung nanaisin at biniyayaan ng Diyos ng isa pang anak sina Bossing at Poleng, OK!
Pero kung si Tali ay destined na maging huling anak na nila, OK rin!
Mukhang nag-e-enjoy ang pamilya nila sa pagsasama-sama sa trabaho. Kasi, parang hindi naman yun trabaho dahil extension lang ng buhay nila.
Iba na kasi kung trabaho na ang turing nila rito.