GORGY RULA:
Makukumpleto na ni Vhong Navarro ang seven-day quarantine sa Taguig City Jail, at kapag ma-clear naman siya sa medical, ililipat na raw ito sa kanyang selda kasama ang iba pang inmates.
Ayon kay Atty. Maggie Abraham-Garduque, na nakapanayam namin sa DZRH nung Nobyembre 25, 2022, Biyernes ng gabi, ipinagdasal daw nilang lahat na papanig kay Vhong ang resolution sa Petition for Bail na dininig nung nakaraang buwan.
Natapos na raw ang hearing nito at hinihintay na lang nila ngayon ang resolution.
Iyun daw ang ipinanalangin ng buong pamilya at malalapit na kaibigan ni Vhong para makasama niya ang kanyang pamilya sa darating na Pasko.
"If the Petition for Bail will be granted, then yes. If not, then the family can visit every Saturday and Sunday based on Taguig City Jail rules.
"We’ll be praying that the Petition for Bail will be granted. So, that Vhong can celebrate Christmas with the family," pakli ni Atty. Maggie.
READ: Vhong Navarro, walang kasamang pamilya nang ilipat sa Taguig City Jail
Ramdam daw niyang malungkot si Vhong sa mga nangyayari. Kaya napapadalas daw ang pagdalaw niya para may nakakausap ito.
Ang mga abogado lang kasi ang allowed na dumalaw sa kanilang kliyente ng araw-araw. Kaya lagi raw niya itong kinakausap.
Kuwento pa ni Atty. Maggie, napapabilib din siya kay Vhong dahil ito pa raw ang nagpapalakas sa kanila. Ipinaubaya na raw kasi Vhong ang lahat sa Panginoon at lagi raw niyang ipinagdasal na manaig lang ang katotohanan.
Ani Atty. Maggie, "Alam mo paradoxically, siya pa yung nagsasabi sa akin lagi na magdasal, lalabas din iyung totoo.
"Iyan ang lagi niyang sinasabi sa akin kapag pumupunta ako dun. And he’s very confident with his legal team.
"It’s a pressure actually on our part, whenever we’ll able to talk to Vhong, sasabihin niya lagi sa amin na, 'May tiwala ako sa inyo. Attorney, magdasal tayo, at ipinagdadasal ko lagi na bigyan kayo ng wisdom at lakas ng pangangatawan ng Panginoon para lumabas ang totoo.' Ganyan si Vhong.
"It’s not us actually giving him the strength, but mostly it’s Vhong, e. Siya lagi ang nagsasabi sa akin every time na pumunta ako dun.
"'Attorney, you did good in the trial, and lagi po akong nagdadasal. Lagi ko kayong ipinagdadasal na bigyan kayo ng wisdom at lalabas din yung totoo.' Iyun ang lagi niyang sinasabi sa akin."
READ: Bianca Lapus reveals son Yce deeply affected when he visited dad Vhong Navarro at detention facility
JERRY OLEA:
Itong paglipat kay Vhong sa Taguig City Jail ang pinangangambahan ng pamilya ni Vhong lalo na ang asawa niyang si Tanya.
Kaya nagkaroon daw ng hearing dito para matiyak lang ng korte na safe si Vhong at walang dapat ipag-alala ang kanyang pamilya.
May mga natatanggap daw kasi si Tanya na mga text messages tungkol sa magiging kalagayan ni Vhong kapag ililipat na ito ng Taguig City Jail.
Pahayag ni Atty. Maggie, "Allegedly, sinasabi ni Tanya na may mga messages daw. I think that was the reason why the judge called the warden of Taguig City Jail to ensure the facility of the security, that the worries of the family will not happen.
"There are a lot also of worries on his part, kasi hindi naman natin alam kung ano ang madadatnan niya sa Taguig City Jail.
"But in fairness naman, prior to the transfer, there was a hearing that was conducted by the court.
"The judge called the representative of the Warden of Taguig City Jail, and the judge inquired as to the security and protection facilities of the Taguig City Jail, to be able to ensure na maproteksyunan at ma-secure natin si Vhong while he will be detained in City Jail.
"Kasi as of the moment nga po, wala pa ring result yung Petition for Bail that we filed. Natapos na po yung mga hearings, but as of now po wala pa po yung resolution."
Ang laki raw ng ipinayat ni Vhong, pero malakas naman ang pananalig nitong malalagpasan nila ito. Pati ang asawa nitong si Tanya ay pilit nagpapakatibay para sa buong pamilya.
"Physically, medyo bumagsak talaga yung katawan niya," sabi ni Atty. Maggie.
"Hindi naman natin maiiwasan that he will be thinking a lot of things also. Taguig City Jail is a new confinement for him, kasi galing nga siya sa NBI."
NOEL FERRER:
Apektado siyempre ang pamilya lalo pa’t magpa-Pasko pa, kaya our heart goes to Tanya, the wife. Ang sabi nga ni Atty. Maggie,
"Of course we cannot discount the fact na may lungkot sa pamilya. These are very trying times to the family.
"But, I believe even the wife, si Tanya, I was able to talk to her, and in fact she was able to appear in court also during the motion for reconsideration on to ensure that the transfer from NBI to Taguig City Jail…
"Yung mga worries nila as to security and protection, pina-appear po siya ng korte, and Tanya was able to appear in court to tell the judge ano yung mga na-receive niya na mga messages and her worry as to the security of Vhong.
"After that, I was able to talk to her and malungkot siya, pero she’s being strong for Vhong and for the whole family."
MORE HOT STORIES