GORGY RULA
Significant para kay Meryll Soriano ang pagsapit ng 40th birthday niya nitong Disyembre 9, 2022, Biyernes.
Ang career niya ay nasa pamamahala na ng Crown Artist Management (CAM) ni Maja Salvador.
Read: Maja Salvador, now president & CEO of her own artist-management company
“I think it’s just a new chapter,” sambit ni Meryll noong Disyembre 8, Huwebes, sa Studio 28 Lounge ng BGC, Taguig City.
“Di ba, lagi nilang sinasabi, life begins at 40? And when you’re 20, you don’t understand that. When you’re 30, you don’t understand that.
“But I want to understand that this time. So, dahil papasok na ako sa 40, excited ako. Excited ako kasi, you know, I dedicated my last three years on being a mother.
“And parang I’m also thirsty and I want something for myself. So I think this is the perfect way to, you know, explore again with CAM sa creativity ko, sa passion ko.”
Read: Meryll Soriano turning 40 finally fulfills dream to be film director
Kumbaga, revival ito ni Meryll sa kanyang sarili. Renaissance, or rebirth.
Dagdag ng premyadong aktres, “Talagang medyo nalunod ako sa pagiging nanay. Because talagang sobrang intense yung parenting namin ni Joem [Bascon] kay Gido.
“Wala kaming yaya. You know, nag-pandemic, and we really chose not to have a yaya. So ngayon, kailangan na namin ng yaya. Hindi na namin kaya! Ang likot!
“So, parang I really am looking to find myself again. Yung ako na dati pero ako na bago.
“So yun, I’m just you know being a woman at this time after being talagang enclosed sa mundo ng pagpapadede.
“Hanggang ngayon kasi, breastfeeding ako. So, you know, I just really also want to explore yung bagong opportunities sa buhay ko as a woman, as a mother, and as an artist.”
JERRY OLEA
Suportado ni Joem Bascon ang bagong kabanata ng buhay at career ni Meryll.
Pahayag ng aktres, “Andiyan, security detail ko. Ha! Ha! Ha! Ha! No, I mean… he’s happy I think. Sabi nga niya, ‘Go, mama! It’s time!’
“Kasi, nakikita din niya yung mga gusto ko pang gawin, gusto ko pang i-explore. Saka nakita niya kung gaano ako kapagod. And kung gaano ko daw ka-deserved ito.
“So, he’s super-duper supportive. Kahit naman saan, super-supportive si Joem sa akin. So I’m just really happy na ganun.”
Read: Meryll Soriano on rekindled love with Joem Bascon: "Winelcome ko nang bonggang-bongga"
Pinagkaabalahan ni Meryll ang YouTube channel niya. Kinarir niya ang pagba-vlog.
Pagtatapat ni Meryll, “Nagpahinga po ako ngayon. Kasi, medyo nakakapagod pala siya. Kasi parang I did one year and five months without miss ng Sunday.
“So, masaya po ako dun sa aking content which is motherhood, parenting, and family. And I really enjoyed doing it.
“Kaya lang sa edad ni Gido na talagang wala akong masingit na oras to do it, yun ay nakakapagod.”
Mahirap talagang pagsabayin ang motherhood at pagtatrabaho, lalo pa’t dalawa na ang mga anak niya.
Pag-ayon ni Meryll, “Kasi siyempre po kay Eli noon — si Eli kasi 15 years old na — siyempre nung kay Eli noon, wala namang lock-in.
“So I can go to work, mag-pump during the day, tapos umuwi nang meron siyang milk. And kaya po hiningi ko kay Joem kung puwedeng mag-breastfeed ako and talagang huwag munang mag-work.
“Kasi nga, yung dati, three weeks ang lock-in. So, hindi talaga kaya. So yun, kaya ko po nagawa rin yung Dear Mama Meme sa YouTube, kasi siyempre sanay po akong mag-work, sanay akong maging creative.
“So at least kahit papaano nagkaroon ako ng outlet. But talagang… ibang klase yung na-experience kong motherhood this time.
“Siyempre also with the pandemic, walang nakakadalaw pang mga lolo’t lola. So, talagang intense yung naging experience namin ni Joem, which is, you know, I’m really grateful.
“Kasi talagang hands on kami, and kay Eli noon, andun ang mama ko, andun yung buong bahay and it was very relaxed at the time.
“So, ngayon talagang grabe pala! Grabeng hirap!” natatawang himutok ni Meryll.
Pero medyo OK na ngayon ang sitwasyon, kaya puwede na siyang magtrabaho.
“Yes po. I think dinedicate namin yung ilang years na yun and now it’s time also na maging secure din siya na wala ako,” saad ni Meryll.
“Kasi ahhm syempre pag nag-work na, medyo busy na. Pero dahil relaxed na rin po, puwede na namin siyang isama sa Cebu, so OK din. Kasi hanggang ngayon, breastfeeding ako.”
Ilang taon na ba si Gido?
“Magtu-two years na po sa December 17, at ang plano po talaga ay hanggang dun na lang, but we’ll see,” sabi ni Meryll.
May plano na ba sila ni Joem na magpakasal?
“Meron pong plano,” paghagikgik ni Meryll.
“Siyempre ngayon lang po ay we’re working because siyempre, ahh medyo kailangan naming… parang punan yung mga nawala nung pandemic.
“So, ang priority po namin of course ay ang mga anak namin. But of course in the long run, sa dulo’t dulo, kami rin po naman. So, hindi kami nagmamadali.”
Gusto nila na very private lang at sa kanila lang muna sakaling magpakasal na sila?
“I think wala naman po kasi talagang concrete na plan. Kasi parang… kung papaano tomorrow, ma-feel namin na it’s time, then you know we’ll do it,” pagngiti muli ni Meryll.
“I think kaya nagwo-work din yung relationship namin ni Joem is because we’re very private. Hindi namin masyadong sinasambulalat yung buhay namin.
“Because, you know, individually we’re very private people kasi talaga. So, ngayon nagtugma talaga yung privacy namin. Parang it’s something na very precious to us.”
Read: Joem Bascon asked when he will marry Meryll Soriano
NOEL FERRER
Mahal ko iyang sina Meryll at Joem, at noong ginagawa pa lang nila ang pelikulang Culion (2019), isa na ako sa nagdasal na sana’y magkatuluyan sila dahil nakita ko talaga (at alam ko at ramdam ko) na mahal na mahal nila ang isa’t isa.
At hindi lang iyan, grabe ang passion nila sa mga bagay-bagay, trabaho at prinsipyo — swak na swak sila talaga. Kaya mahal ko ang dalawang iyan!
Marami rin kaming pinagsamahan at mahal na tao na pare-pareho.
Nasa tamang lugar ang puso nila. At hangad ko ang kanilang forever na kaligayahan!