JERRY OLEA
Nagwagi si Dimples Romana bilang Best Supporting Actress ng 48th Metro Manila Film Festival (MMFF) para sa pelikulang My Father, Myself.
Kinabog ni Dimples sina Louise de los Reyes (Deleter) at Tiffany Grey (My Father, Myself).
Absent si Dimples sa Gabi ng Parangal noong Disyembre 27, 2022, Martes, sa New Frontier Theater, Cubao, Quezon City.
Forfeited ba ang kanyang cash prize?
Ipinost ni Leo Bukas na publicist ng My Father, Myself ngayong Disyembre 28, Huwebes ng hapon, sa Facebook ang mensahe ni Dimples.
Bahagi ng message ni Dimples, “Biggest pahabol blessing, Father God, I feel unworthy and yet you bless me still with so much more than what I feel I deserve.
“So fitting that Jake, Quinn, Sean and Tiff accepted the award on my behalf because my work as Amanda would not have been as stellar if not for the strong commitment to excellence everyone on set have put out for our film.
“Silang apat kasama pa sina Direk Joel, Nay Len, Mother Dennis and the whole team inspired me to give it my very best to make sure my work is at par with theirs. What a joy to work with people who empower you to do be better always.”
Jake Cuenca, Quinn Carillo, Tiffany Grey, and Sean de Guzman accepting Dimples Romana's Best Supporting Actress trophy.
Ang My Father, Myself ay idinirek ni Joel Lamangan mula sa panulat ni Quinn Carillo. Co-stars dito ni Dimples sina Jake Cuenca, Sean de Guzman, at Tiffany Grey.
Ang "Nanay Len" na tinutukoy ni Dimples ay ang producer na si Len Carrillo ng 3:16 Media Network, at ang "Mother Dennis" ay ang masipag at masigasig na line producer na si Dennis Evangelista.
Pahayag pa ni Dimples, “I remember the phone call I received for this project from Mother Dennis and Nay Len, and it may not be the usual film that would be offered to me but I understood my place as an actress to play the role of Amanda, the wife of Robert who loves him unconditionally with every facet and complexity of his character.
“Amanda was suffering, she was pained and yet she chooses to forgive, to understand BECAUSE SHE LOVES.
“Love is such a powerful tool to push us all beyond our comfort zones and propel us to heights with which we think we’d never reach.
“A risk worth taken. A blessing unforeseen, unexpected but definitely EMBRACED…”
Pinasalamatan ni Dimples ang kanyang pamilya, “none of this would be possible if not for your constant love, support, forgiveness and understanding of my passion as an actor. One day I hope to make you proud.”
Dagdag pa ng aktres, “Sa lahat ng mga Amanda, na patuloy na nagmamahal at umuunawa, yumayakap sa mga taong mahal natin ng Walang pagtatanong, pagaaalinlangan at panunumbat, anuman ang kasarian natin, ang pagmamahal ay pagmamahal. Padayon.”
Nagwagi rin ang My Father, Myself sa mga kategoryang Best Float at Best Child Performer (Shawn Niño Gabriel).
GORGY RULA
Nag-iingat talaga si Dimples kaya hindi siya dumadalo sa mataong okasyon. Gusto man niyang sumali sa ibang promo activities ng My Father, Myself no show siya dahil sa may baby siyang inaalagaan.
Sa MMFF 2022 Parade of Stars noong Disyembre 21 ay hindi siya sumakay ng float. Humabol na lang siya sa programa sa Quezon Memorial Circle.
Read: Dimples Romana, napraning nang um-attend ng My Father, Myself premiere
Sa Gabi ng Parangal kagabi, ang Star for All Seasond na si Vilma Santos ay hindi nag-red carpet dahil umiiwas siyang malapitan ng maraming tao. Sa backstage lang dumaan si Ate Vi dahil takot pa siya pagkatapos niyang magka-COVID.
Read: Vilma Santos, dumalo sa MMFF 2022 Gabi ng Parangal sa kabila ng matinding pag-iingat sa COVID
NOEL FERRER
Congratulations, Dimples!
Isa na naman itong validation ng kanyang husay sa pagganap na hindi na natin matatawaran.
Ang tanong ng marami: bakit hindi man lang na-nominate na best supporting actress ang mga kasali sa Family Matters na sina Mylene Dizon, Agot Isidro, at maging si Nikki Valdez?
Mas masuwerte sa kanila si Tiffany Grey (na dubbed nga ba ang dialogues?) ng My Father, Myself at si Louise delos Reyes ng Deleter.
Nasa taste talaga ng jury iyan! Pero no questions asked sa winner.
Again, congrats, Dimples!