JERRY OLEA
Masaya si Acting MMDA Chairman Atty. Romando “Don” Artes sa box-office results ng 48th Metro Manila Film Festival (MMFF).
“Iyong two days natin, napakaganda ng box office. We can say na it’s successful,” pahayag ni Chairman Don nitong Disyembre 27, 2022, Martes ng gabi, sa bukana ng New Frontier Theater bago mag-umpisa ang MMFF 2022 Gabi ng Parangal.
Si Atty. Don ang concurrent chairman ng MMFF 2022 Executive Committee.
Pagpapatuloy ni Chairman Don, “Dahil yung first two days natin, or even yung first day alone, na-surpass niya yung first day ng mga international film.
“In fact yung topgrosser, halos kalahati or 50 percent ng gross nung first day gross ng isang international movie. And yung total is more than double ng first day gross ng isang international movie.
“So, in terms of box-office success, medyo we can say na certified box-office hit ito after pandemic.”
May slight drop sa third day ng filmfest?
“Yeah, slight drop yesterday and today, and we expect naman na mababalik yan over the weekend and the holidays,” pag-ayon ni Chairman Don.
“Ganoon naman lagi yan.”
Maaabot kaya ng MMFF 2022 ang target total gross na P500M?
“It’s safe to say na maaabot natin yung P500M na projection natin for this year,” sambit ni Chairman Don.
No comment si Chairman Don kung totoong isang pelikula (Partners In Crime) lang ang humamig ng more or less ay kalahati ng total gross ng walong entries ng MMFF 2022.
Pagkatapos ng festival, maglalabas ba ang ExeComm ng figures kung magkano kinita ng official entries?
“Yung total lang, pero we don’t give yung individual na results ng gross receipts ng bawat isang pelikula. We don’t do that.”
Andiyan pa rin ang isyu na natatanggal sa ilang sinehan ang ibang mahihinang entries.
“Ganoon naman talaga to accomodate yung mga malalakas na pelikula. Pero what we can guarantee is hindi abrupt yung pagbawas ng sinehan,” sabi ni Chairman Don.
“We try to balance it as much as possible. Na sa isang lugar, hindi mawawalan yung lahat ng pelikula.
“At talagang mini-minimize namin yung pagbabawas as much as possible.”
After the awards night, mabibigyan ba ng karagdagang sinehan ang mga premyadong pelikula?
“Definitely. Kasi tumataas naman ang gross pag nananalo ng major awards.”
Read: Deleter, big winner sa MMFF 2022 Gabi ng Parangal; Ian Veneracion, di nakapagpigil kay Mon Confiado
NOEL FERRER
At mukhang magsisilbing inspirasyon ang Christmas Holiday MMFF para ituloy na sa wakas ang kauna-unahang Summer MMFF na, according to Atty. Don, ay ideally gaganapin sa Sabado Gloria sa Abril and two weeks thereafter.
Atty. Don has served the MMFF in many different capacities. Una, as Executive Director, then naging Head ng ExeComm, at ngayon siya na ang Overall Head at Punong-Abala sa lahat.
Very vocal din ako sa pagsasabing siya ang dahilan kung bakit ako bumalik sa pagsisilbi dahil alam talaga ni Atty. Don ang ginagawa niya, and while he is adept sa nitty-gritty ng festival na ang dami nang dinaanan ay well aware din siya sa big picture na pagsilbihan para sa ating industry by raising funds and shaping minds for better film appreciation.
Gusto rin ni Atty. Don matapos ang student filmmakers’ manual na puwedeng maging hudyat muli ng pagbabalik naman ng MMFF Student Short Films. Sana talaga, magawa lahat ng mga planong ito.
In the meantime, sana mas marami pang mga kababayan natin ang magpatuloy na mahikayat manood ng mga pelikulang lokal sa mga sinehan. Sana talaga!!!
GORGY RULA
Noong Abril 11-22, 2020 pa sana gaganapin ang 1st Summer MMFF, with Quezon City as host city, na siya rin sanang host ng MMFF 2020.
Pero dahil sa pandemya, naudlot ang Summer MMFF, at ang MMFF ay nagkaroon ng virtual edition.
Quezon City ang host ng MMFF this year na ang tema ay “Balik Saya.”
Just in case, handa ang City of Stars na i-host pa rin ang unang edisyon ng Summer MMFF. Di ba, Mayor Joy Belmonte?