JERRY OLEA
Reyna o Santa ba ang actress-singer-vlogger na si Donnalyn Bartolome dahil sa pasabog niyang Facebook post noong Enero 3, 2023, Martes?
Feeling lucky si Donnalyn sa FB post niya, “Bakit may sad dahil back to work na? Diba dapat masaya ka kasi may chance ka na pagandahin buhay mo at ng pamilya?
“Trip ko pa nga may work ng January 1 dahil superstition ko may work ako buong taon pag ganun. Dapat grateful kasi may work. If work makes you unhappy, I hope you find a job that will. Yung pakikiligin ka and sheet.
“Anyway, this is just a reminder that having a job is a blessing bessss change mindset, it’s 2023!!”
Dahil diyan, marami ang nagtaguri sa kanya bilang "Queen of Toxic Positivity."
Bumaha naman sa Twitter ang invocation, “Saint Donnalyn Bartolome, Patron Saint of Toxic Positivity & Insensitivity. Pray for us.”
Iyong attitude ni Donnalyn ay reminiscent ng personified emotion na si Joy sa computer-animated film na Inside Out (2015).
“Masaya” ang balitaktakan at talastasan dahil sa Facebook hanash ni Donnalyn. 40K and counting na ang comments!
Isa sa mga komento, “Love the optimism. Pero it doesn't apply sa mga minimum wage earners. And that's the reality.”
Reply ni Donnalyn, “sorry po, pero dumating din ako sa point na sobrang baba ang sweldo.. tapos hindi pa regular, pero hindi ako tumigil. Wag na natin gamitin yung minimum wage issue, may ancestors ako na mababa pa noon sa minimum but that didn’t stop them.
“Hindi reason yun to be unappreciative for having work. Nagsumikap sila to have a better life. Napagtapos niya mga anak niyang apat sa trabaho niya as Janitor.
“Double double man trabaho na tinanggap nila at ganun din ginawa ko nung walang wala talaga.. hindi parin reason yun para maging ungrateful for having work. Pag masipag ka, maparaan, madiskarte.. life will turn around for you.
“Disclaimer: Hindi ko dinedisregard yung minimum wage issue, I pray it improves for people in the situation. Pero wala talagang mangyayari sa buhay natin if magdwell tayo sa negative.”
Sinabihan din si Donnalyn ng isa pang netizen, “try mo magwork sa labas ng pinas donna ung mga 3 years straight tingnan natin kung gusto mo pa rin.”
Sinagot ito ni Donnalyn, “malayo po ako sa family ko kakatrabaho sa pinas, mag10yrs na. Parang OFW situation. Minsanan ko lang sila nakikita.. umaabot years and years. Kaya naman men.. mahirap lang.”
May umayon sa controversial post ni Donnalyn at nag-post ng pictures na masaya siya sa pagbabalik-trabaho, “Ako hindi sad miss donna Nag-“yowwwnnn” si Donnalyn, na may kasamang Smiling Face With Heart-Shaped Eyes emoji.
Ang nasabing emoji ay very positive and warm. Nagpapahiwatig iyon ng paghanga, pagmamahal, or extreme positivity sa isang specific na pinatutungkulan (romantiko man o hindi).
Meron ding nag-comment, “Ako na 6am palang ng January 1 working na, kasi inventory. Bawal tamarin. Dahil madaming bayarin.”
Ang sagot dito ni Donnalyn ay tatlong Roll on Floor Laughing (ROFL) emoji — smiling face crying tears of joy while leaning to one side, as if rolling over with uncontrollable laughter.
Read: Donnalyn Bartolome draws flak from netizens over "back to work" remarks
Ewan kung magiging extremely hilarious din si Donnalyn sa nahalukay na tweet niya noong May 29, 2018 ng 11:14 p.m.
Tweet ni Donnalyn: “How to feel better: Be sad. It is important to be sad. Don’t pretend that everything is okay. Allow ypurself to express your feelings ~ not bottle it up.
“It’s a healthy and normal reaction when something is wrong. It won’t make it right but it will help you move on.”
NOEL FERRER
I had to backread the various reactions to Donnalyn’s post. It may have been well intentioned and well meaning, pero medyo na-expose din ang kanyang medyo simplistic view sa mga bagay-bagay.
Pati ang alaga kong si Kuya Kim Atienza ay napa-react dito.
Ang sabi niya, “To do something you enjoy and get paid for it is a blessing. Some are not blessed this way despite the fact that they try so hard to find work they enjoy.
“They are blessed differently naman. A good wife? Beautiful kids? Good health? Iba iba ang blessings. Ibat iba din ang diskarte sa ibat ibang break sa buhay. Just my 2 centavos. Back to you guys”
Read: Kim Atienza reacts to Donnalyn Bartolome's viral "back to work" statement
Lesson learned ito sa mga magpo-post sa social media out of any reason — yung basta makapag-post lang, magpa-cute o mag-make ng point, “Isip-isip lang.”
GORGY RULA
Umani muli ng batikos si Donnalyn sa Facebook post niya kaugnay sa pagtatrabaho sa Enero 1, unang araw ng Bagong Taon.
Noong Disyembre 25, ang Facebook post ni Donnalyn, “How I’m spending Christmas Day. My brother has been suffering with his mental health for years and I’m so grateful you are still here with me.
“Thank you for fighting, I love you so much. Isa ka sa reason bakit ko ginagalingan at gagalingan pa. Remember when I told you ‘I want you to know I remember why I became a hardworker, it was because you were the smartest one and as the eldest, I had to keep up. I was afraid you wouldn't look up to me so you must know and everyone should too, that I wouldn't be anywhere near where I am if you weren't there for me to look up to so I can be someone you looked up to.’
“So please don’t give up Jay, you are my Christmas!! God please shield him from anything that hurts him.
“To everyone who has loved ones suffering mentally, hold them close, be patient with them, it hurts sometimes but nothing hurts more than losing them.
“I’m not letting you go, Jay! It’s me and you forever! My Christmas is a merry one because you’re with me.”
Ibang-iba ang reactions ng netizens sa Christmas emote ni Donnalyn kumpara sa kanyang unang “payanig” sa 2023.