GORGY RULA
Mainit na isyu sa Metro Manila Film Festival (MMFF) 2022 Gabi ng Parangal ang pang-iisnab ng mga hurado sa pelikulang Family Matters.
Ligwak ito sa limang nominado para sa best picture. Maliban sa pagtatamo ng Gatpuno Antonio J. Villegas Cultural Award, sa apat na kategorya lang ito nominado.
“Iba-iba ang perspective ng jury, siguro to enrich the discussions,” paliwanag ng veteran director na si Laurice Guillen sa mediacon nitong Enero 9, 2023, Lunes ng hapon sa tanggapan ng MMDA sa Orense St., Mandaluyong City.
Si Direk Laurice ang chairman ng Board of Jurors ng 48th MMFF, with Congressman Jojo Garcia as co-chairman.
Ang iba pang mga hurado ay sina FDCP Chairman Tirso Cruz III, Congressman Dan Fernandez, Raquel Villavicencio, Ino Manalo, Alex Cortez, Noah Tonga, Atty. Victor Pablo Trinidad, at Lucky Blanco.
Pagpapatuloy ni Direk Laurice, “And this year in particular, we adapted the definition of National Artist for Film na si the late Eddie Romero dun sa definition ng criteria.
“What is a good film? What is a good story? What is a good direction? All of that.
“Parang kahit na nanggagaling kami sa iba’t ibang perspective, meron kaming pinagkakasunduan na ano ang magandang editing? So, meron talaga kaming discussion.
“And I must say since this is the first time na nag-jury ako, and in particular head ng jury sa MMFF, I can say that the choices were really collegial.
“Hindi lahat ng choices ko ang nanalo. But I cannot say na hindi because we had a really good discussion.
“So it was very collegial and we had a general agreement after discussion on which were the films that were more outstanding than the others.
“Based on that, any of those films could have won. Kasi hindi naman yun right out of the blue, binoto.
“Talagang we were all in the deliberations. Lahat ng jurors, nag-attend ng deliberations whether Zoom or live.
“Tapos bawa’t isa, nagkaroon ng pagkakataon na sabihin kung ano ang tingin niya dun sa pelikula, including mga individual categories — sa editing, sa performances, sa writing, sa script. Nagkaroon ng ganun.
“Kasi kung minsan, meron kang nagustuhan, may na-overlook ka na something na during the discussion of someone else, matatandaan mo yun.
“So it was truly collegial that way, and I think that as the chairman of the jury, that was my responsibility — to make sure that the preference and the vote of everyone was considered.”
Iyong deliberations ng mga hurado, sa pagpili ba ng winners o pati sa nomination?
“Before we deliberate, magsasalita ka muna. Ano ang tingin mo dito sa pelikula? Ano’ng tingin mong merits and demerits? Ano’ng maganda dun?” tugon ni Direk Laurice.
“Ano ang parang bitin ka dun? Each one, nagsalita. So aware kami kung ano ang mga pinag-uusapan, before we chose our top.
“And based on the top, nasa rules naman iyan ng jury. So based on that, namili kami ng the top, and then everything else is secret voting na yan, ranking is already.
“I think yun ang rules sa MMFF. There’s no secret about that.”
Ang Family Matters ay idinirek ni Nuel Crisostomo Naval, mula sa panulat ni Mel Mendoza-del Rosario.
Kabilang sa cast nito sina Noel Trinidad, Liza Lorena, Nonie Buencamino, Agot Isidro, Mylene Dizon, Nikki Valdez, JC Santos, James Blanco, at Ian Pangilinan.
Read: Puzzling: MMFF 2022 jurors snub Family Matters in many categories
JERRY OLEA
Sa tuwi-tuwina ay may question sa resulta ng winners ng MMFF.
“Tradisyon” na nga raw iyong negative comments.
Sabi ni Atty. Romando “Don” Artes, Metropolitan Manila Development Authority (MMDA) and MMFF 2022 Over-all Chairman, “Hindi po namin kayang i-please lahat.
“Ang masasabi ko lamang po, kami po sa MMFF Executive Committee, hindi po kami nakikialam sa Board of Jurors. Alam po ni Direk Laurice yan.
“Noong deliberation, nag-hi lang ako. Then, labas na kami. Ang participation lang po namin diyan ay i-tally iyung mga boto. Wala po kami sa deliberation proper.
“Meaning, hindi po kami nagpa-participate diyan. Wala ho kaming kahit isang salita na binibitawan during deliberation to influence or anything. Talagang hands off po kami.
“So any negative comment, we cannot please everybody po. Iyon lang po ang masasabi ko.
“What we can assure the public is that, iyan po ay dumaan sa proseso at sa tamang proseso. Pinag-usapan po iyan, dineliberate po iyan.
“Kung ano po ang napagbotohan, maa-assure po namin na iyun po ang naging resulta ng awards.”
Paano ba pinipili ang mga hurado sa MMFF?
Sagot ni Atty. Artes, “Yung board po kasi, depende rin sa availability. Alam naman po natin na time-consuming ang pagbo-Board of Jurors. Unang-una, papanoorin mo yung walong pelikula sa loob lamang ng three days.
“Imagine-in ninyo kung gaano kahirap yun na manood ng dalawa o tatlong sine sa isang araw. So we have to be thankful din doon sa mga tumatanggap ng responsibility.
“And of course, yun pa, yung masa-subject ka sa criticism. Kasi nga, may matatalo at matatalo na pelikula.
“So yun, ang maaano lang namin is, may tamang proseso na sinusunod. At we can assure the public na sinunod po ang proseso na iyan sa pagpili.
“Kung ano man ang naging resulta, iyan po ay collective decision ng Board of Jurors. Hindi po isang tao ang nag-decide niyan kung hindi nag-decide po ang Board of Jurors as a collegial body.
“At kung ano po yung pinakamataas ang score, iyon po ang nabigyan ng award.”
NOEL FERRER
Looking forward tayo sa first Summer MMFF na may ibang set ng entries at kakaibang jury sa unang awards night na gaganapin sa April 11, 2023.
Basta sana, mahikayat pa ang magagandang pelikula na i-submit sa unang Summer MMFF na ito, na sana’y hindi lang kikita kundi kikilalanin sa husay — hindi lang sa summer kundi through time.
Yung classic MMFF kumbaga.