JERRY OLEA
Lumampas na sa $1.7B ang worldwide gross ng Avatar: The Way of Water. Nasa ikapitong puwesto na ito sa talaan ng Top Lifetime Grosses (hindi adjusted sa inflation).
Nang magtapos ang 48th Metro Manila Film Festival (MMFF) noong Enero 7, 2023, Sabado, kinabukasan ay bumalik sa local cinemas ang Avatar sequel.
“There’s no place like Pandora. The motion picture event of the year, Avatar: The Way of Water is finally back in CINEMAS,” post ng Cinema Exhibitors Association of the Philippines (CEAP) sa kanilang Facebook page.
“Return to the awe-inspiring world from the mind of James Cameron, best seen in IMAX and 4DX.”
Naabot ng MMFF 2022 ang target nitong P500M na ticket sales, at na-extend pa ang ilang festival entries particular ang topgrossers na Deleter ni Nadine Lustre, Partners In Crime nina Vice Ganda at Ivana Alawi, at Family Matters nina Noel Trinidad at Liza Lorena.
Read: MMFF 2022, naabot ang P500M target; 1st Summer MMFF, tuloy na ngayong 2023
Tatlong pelikula ang nag-open noong Enero 8, Linggo, sa local cinemas. Ang mga ito ay ang biopic na Whitney Houston: I Wanna Dance With Somebody, ang sci-fi horror film na M3GAN, at ang bagong pelikula ni Joaquin Domagoso na That Boy In The Dark.
Napabalita noon sa FB page ng CEAP na mag-o-open din by January 8 ang romantic action-comedy na Shotgun Wedding, kung saan bida sina Jennifer Lopez at Josh Duhamel.
Bukas, Enero 11, Miyerkules ay mag-o-open naman sa local cinemas ang action-thriller film ni Gerard Butler na Plane.
Sa susunod na Miyerkules, Enero 18 naman ang playdate ng Girlfriend Na Pwede Na nina Kim Molina at Jerald Napoles, I Love Lizzy nina Carlo Aquino at Barbie Imperial, at psychological thriller film na Nocebo kung saan kasama si Chai Fonacier.
Read: Pinoy pride Chai Fonacier shows riveting performance in Eva Green starrer Nocebo
Marami na rin siyempre ang nag-aabang sa superhero film na Ant-Man and the Wasp: Quantumania na nakatakdang ipalabas sa Pebrero.
NOEL FERRER
These movies… they will always entice us to watch, if only to help our industry get up, at tuluyan na ngang sumigla at sumaya ulit!
But speaking of movies, kahit medyo sumemplang ang pelikula niyang Triangle Of Sadness nang ipalabas sa mga sinehan dito, go, go, go Dolly de Leon pa rin tayo.
Golden Globes will be on January 10, Tuesday, 8:00 p.m. Eastern, which means 9:00 a.m. dito sa Manila bukas, Miyerkules.
Kaya sama-sama tayong magdasal sa tagumpay ng ating kababayang si Dolly de Leon sa kanyang Best Supporting Actress nomination sa Golden Globe.
So exciting!!!
GORGY RULA
Nakakatuwa lang dahil kampante na ang mga tao manood sa sinehan. Ipinakita nila iyon sa nakaraang MMFF.
Pagkatapos niyon ay dumagsa uli sila sa pagbabalik ng Avatar: The Way of Water. Ayon sa aming nakalap sa ilang reliable source, naka-P35M pa ito noong Linggo.
Noong Lunes naman ay naka-P12M pa ito kahit may pasok na.
Ang nakakalungkot lang, hindi na talaga nakabawi ang That Boy in the Dark na nag-open sa 58 sinehan noong Sunday. Hindi ko lang alam kung ilan na lang ang naiwang sinehan, dahil sa unang araw ng showing pa lang ay lugmok na ito sa takilya.
Read: Daddie Wowie masama ang loob sa nagsasabing "scam" ang awards ng alagang si Joaquin Domagoso
Sana, magaganda ang mga kasunod na pelikula natin. Pero nakakaduda pa rin. Mabuti pa ang mga naiwang MMFF movies, meron pa ring nanonood.