JERRY OLEA
Tagos sa puso ang rendition ni Ice Seguerra ng Cebuano love song na "Usahay," na ipinost niya sa kanyang Facebook page noong Enero 14, 2023.
Kuwento ni Ice, “Pasado na ba ang Bisaya ko? Hihi Itong Usahay, kasama ng Matud Nila, ang mga una kong natutuhang kanta nung bata pa ako.
“Naaalala ko, nung mga six years old ako, nag-show kami sa Cebu. Sabi ng mama ko, dapat daw aralin ko yung mga kanta na yun kasi mas maa-appreciate daw yun ng audience sa Cebu.
“Medyo nabaluktot talaga ang dila ko nung inaaral ko yung lyrics kasi laking Tagalog talaga ang mga magulang ko.
“Pero nung narinig ko yung music, sobrang nagustuhan ko na yung mga kanta. Since hindi ko siya maintindihan, tinanong ko yung mga kaibigan kong Bisaya kung anong meaning.
“Nung nalaman ko, lalo akong na in-love. Mas masarap nang kantahin.
“Kaya sa Becoming Ice in Cebu sa Feb 18, I will sing the 2 Visayan songs that have been immortalized in the hearts of people.”
Napakaraming fans sa Kabisayaan ang nag-comment sa pag-awit ni Ice ng "Usahay," kaya lalong na-excite ang singer sa pagtatanghal ng Becoming Ice sa Pebrero 18, Sabado ng 8:00 p.m., sa Pacific Grand Ballroom ng Waterfront Cebu Hotel and Casino, Cebu City.
Aniya, “Sa totoo lang, I love performing for the Cebuanos. Yes, medyo nakakakaba kasi in my many years of performing there, makikita mo na they really know what they want out of a performance.
“They really listen, kaya pag nagkamali, lagot. Pero kapag na-appreciate nila yung music and performance, sobrang all out din sila para ipakita yung enjoyment nila.”
Na-enjoy ni Ice ang radio tour niya sa Cebu para sa promo ng Becoming Ice.
Aniya, “Na-miss ko yung ganito! Yung umiikot talaga sa radio stations para mag-promote. Ang sipag ko before sa mga ganitong promotion because I feel closer to the fans.
“Before social media and Spotify, we used to go to different provinces to promote our albums. Sa isang araw.
“Tapos meron pang record bar tours and mall tours kung saan pagkatapos ng performance, the fans who who bought my album will have their copies signed.
“Minsan tumagal ng more than four hours yung album signing, nagsara na yung mall, nandun pa rin kami. It's definitely more tiring, yes, but the experience, not just for me but especially for the fans, is more memorable. Iba pa rin talaga ang physical connection.”
Guests sa post-Valentine concert ni Ice sina Martin Nievera, Bayang Barrios, Mike Villegas, Cooky Chua, Frenchie Dy, at ang VisPop idols na Oh! Caraga band at Jerika Teodorico of “Labyu, ‘Langga” fame.
May special participation sina Vic Sotto at Sylvia Sanchez.
“I feel so blessed to be surrounded by friends and colleagues who share my dream to continue celebrating my 35 years in the industry through a post-Valentine concert in Cebu,” post pa ni Ice sa FB.
“I honestly feel like this is a homecoming because the last time I did a Cebu concert was way back in 2014. Almost ten years din, kaya masayang masaya along makaperform ulit. Can't think of a better way to come back than through BECOMING ICE.
“My hope is sana, through this concert, mas lalo nyo pa kong makilala on a personal level and to continue being there as I venture into my next 35 years.”
Magkatuwang si Ice at ang wifey niyang si Liza Diño-Seguerra sa creative and stage direction nito. Producer din sila sa ilalim ng Fire & Ice, at co-producer ang Nathan Studios kung saan isa sa founders si Sylvia Sanchez.
Siyanga pala, sa Cebu binili ni Ice ang kanyang unang gitara.
Read: Ice Seguerra recalls Liza Diño "grabe ang lagapak" after FDCP stint; Liza now busy with own company
NOEL FERRER
Setyembre 17 ang birthday ni Ice. Iyong birthday at 35th anniversary concert niyang Becoming Ice ay ginanap noong Oktubre 15, 2022 sa The Theatre at Solaire.
Kabilang sa mga panauhin sa Becoming Ice sina Vic Sotto, Martin Nievera, Regine Velasquez, Chito Miranda, Juris, Sitti, Princess Velasco, Cooky Chua, Bayang Barrios, at Lolita Carbon.
May special participation doon sina Gary Valenciano at Sylvia Sanchez, at nagpasiklab din ang Drag Queens na sina Precious Paula Nicole, Eva Le Queen, Brigiding, Turing, Viñas de Luxe, at Marina Summers.
This week ay nakatutok muna sina Liza and Ice sa pre-Valentine extravaganza na Divine Divas: The Ultimate Drag Experience na tampok sina Viñas Deluxe, Precious Paula Nicole, at Brigiding.
Gaganapin ito sa Pebrero 10, Biyernes ng 8:00 p.m., sa New Frontier Theater sa Cubao, Quezon City.
Producers sila nito sa ilalim ng Fire & Ice, at joint venture din ito with Nathan Studios. Sina Liza at Ice din ang pasimuno sa creative and stage direction nito.
Sa Pebrero 12, Linggo ng 6:00 p.m., may meet-and-greet naman si Ice sa Activity Center ng Ayala Malls Central Block sa Cebu.
Siyempre, may sneak peek dito sa mga pwedeng maganap sa Becoming Ice Live in Cebu.
All the best! (Grabe ang sipag din ng Tatang kong Martin Nievera!)
GORGY RULA
Sinilip ko uli sa YouTube ang "Usahay" na version ni Jake Zyrus, na in-upload nung nakaraang taon.
Binabaan na kasi ito ni Jake para magboses-lalaki. Maganda naman, pero mas gusto ko pa rin ang dati niyang boses.
Sa totoo lang, kahit naging trans man na si Jske, puwede naman kahit mananatiling Charice Pempengco ang boses. Iba kasi talaga ang boses niya nun.
Hindi kagaya kay Ice na isa na ring trans man, pero ang boses ni Aiza pa rin ang napapakinggan natin.
Kaya patuloy pa ring sinusuportahan si Ice, dahil kahit may mga binago siya sa kanyang pagkatao na tinanggap natin, nandiyan pa rin ang ganda ng boses niya na noon pa minahal ng sambayanan.