GORGY RULA
May aabangang launching sa NET25 ngayong taong ito.
Ibinalita ng presidente ng NET25 na si Mr. Caesar Vallejos sa PEP Troika na pinaghahandaan na nila ang isang youth-oriented show na pinamagatang Kada 25 o Kada Beinte Singko.
Dito nila ilulunsad ang mga bagong mukha ng kabataang magiging exclusive talents ng NET25. Sila ang ilan sa bagong talents na iha-handle ng talent management arm ng naturang istasyon, ang NET25 Star Center.
Read: Eric Quizon, kinuhang head para sa talent management arm ng NET25
Pahayag ni Ka Caesar, “This is a select group of talents, teenagers. It’s a combination of boys and girls.
"They have varied talents. They have in singing, dancing, hosting, and all of that. I’m sure, you remember yung That’s Entertainment.
“We wanted to innovate concepts. But as a peg, those are the types of programs that we think can appeal to the younger audience as well.”
Mahigit 200 daw ang nag-apply at meron na silang napiling nasa shortlist, pero hindi pa niya masabi sa ngayon kung sinu-sino ang mga napili.
Pero kampante silang promising ang mga mapipiling talents dahil nandiyan si Ma’am Wilma Galvante na bihasa na sa ganitong proseso, at si Eric Quizon na siyang nagha-handle ng NET25 Star Center.
“We believe that… of course that’s advantage of having our Content Consultant Miss Wilma Galvante, and we know that her experience in looking for, discovering new talents, would be a plus factor, in addition to the heading of Eric Quizon as the head of the NET25 Star Center.
“So ito, mas maraming mga bagets at maraming mga ipapasabog kasi alam naman natin hindi naman nagtatagal yung iba, gusto lagi ng ating mga manonood na makakita ng mga bago.
“This is the group of fresh, diverse talents composed of boys and girls who have… some of them, they have appeared on television but some are really fresh, which have the talents that they can share to the Filipino audience,” dagdag niyang pahayag.
Maingat ang mga taga-NET25 sa pagpili ng bagong talents para sa Kada 25. Isa sa kinu-consider nila ay ang tunay na karakter ng bawat talent, dahil pawang wholesome ang mga programa ng naturang istasyon.
Marami pa silang ginagawa para matiyak na akma ang napili nilang artista para sa mga programa ng NET25.
“For all the talents of the NET25 Star Center, we are continuously vetting pa. So, we are choosing 25, but there’s a wealth of talents. So, from 25 siyempre, namimili kami more than that.
“There’s a lot and we hope to launch them soon. But now, the final 25 or maybe the final 50 are still in the final process of polishing, fine tuning, before we are able to launch them,” sabi pa ni Ka Caesar.
Itong Kada 25 ay isa lamang sa mga pasabog ng NET25, dahil marami pa raw silang dapat abangan. Kabilang dito ang weekly show na Magandang Araw na ihu-host ni Ara Mina at isang public service program ni dating Senate President Tito Sotto na pinamagatang Reality Check.
NOEL FERRER
Nilinaw rin ni Ka Ceasar na hindi kailangang miyembro ng Iglesia Ni Cristo ang mapipili nilang talents ng Kada 25.
“For Kada 25 or Kada Beinte Singko, it is not a requirement if you are a member of INC, similar to other shows of NET25.
“When you look at the programming of NET25, we accept and we respect the beliefs of different talents. But we just have to adhere to the values that you have.
“What are those values? The old traditional values of respect, love, honor, we are positioning NET25 to be a general entertainment channel that offers wholesome family programming.
“If you abide by that premise of by that positioning, whatever belief or religion or color, nature of beauty or talent, we are inclusive.
“That is why it is important for ask to do a lot of due diligence and vetting. That’s why you can feel that we cannot divulge the names right now, because it undergoes a certain process.”
All the best, NET25!!!
JERRY OLEA
Nang ilunsad ang streaming app na Juanetworx bago mag-Ghost Month last year, balak na magkaroon ng youth-oriented program doon na mala-That’s Entertainment.
Nagpalit ng pangalan ang Juanetworx at naging Juan Networks Studio pero hindi pa rumaratsada ang kanilang streaming service.
Ang ALLTV na dapat sana’y magpu-full blast sa first quarter ng 2023, pinag-pause muna ang frontliners na Wowowin, Toni, at M.O.Ms. Magpapalakas muna ng signal.
Read: Ilang programa ng ALLTV, pansamantalang magpapaalam sa ere
Ang GMA-7, waging-wagi sa ratings. Hilahod ang mga kalaban.
Ariba ang kanilang mga panghapong teledrama, payanig ang Fast Talk With Boy Abunda, tuluy-tuloy ang pamamayagpag ng Family Feud.
Hindi nila kailangan ng mala-That’s Entertainment na programa. Aba! More and more ang mga talentadong singer at artista na inaasahan nating magiging Kapuso na rin this year!
Ang NET25, hindi pa rin kalakasan ang signal kaya iyong ratings nila ay bahagya nang maramdaman natin. Kung ano’t ano man, good luck sa mga programa ng NET25.