GORGY RULA
May halong kilig ang sagot ni Cassy Legaspi nang kinumusta ni Dondon Sermino ang Valentine’s Day niya.
Nakatsikahan namin si Cassy sa mediacon ng Sparkle nung Huwebes, February 16, 202, na ginanap sa Novotel Hotel.
Pinu-promote ni Cassy ang musical film na Ako Si Ninoy kung saan isa siya sa lead actress.
Napatigil siya sandali at natawa nang tinanong kung paano niya sinilebreyt ang Valentine’s Day.
“Masaya. Masaya naman po yung Valentine’s Day ko,” napapangiti niyang sagot.
Sinundan ng tanong kung si Darren Espanto ba ang kasama niya.
“Oo,” tila nahihiya niyang sagot.
“Secret. Basta po masaya yung Valentine's dito. Yun lang po ang masasabi ko,” dagdag niyang pahayag.
Read: Cassy Legaspi admits Darren Espanto is boyfriend material
First film ni Cassy itong Ako si Ninoy na magsu-showing na sa February 22. Ang laking challenge pa sa kanya dahil musical pa ito.
Tinanong ng PEP Troika si Cassy kung nung tinanggap ba niya ang project ay naikuwento niya ito kay Darren, at si JK Labajo pa ang kasama niya.
Walang kamalay-malay si Cassy sa isyung namagitan kina Darren at JK. Pero nabanggit daw niya ito kay Darren.
“Ayun nga! D and I are very close. So, nakukuwento ko na, ‘O, you know I have a new movie, ganito ganyan.’
“Tapos musical pa. And that time po si Darren was also doing a musical sa kabila. So, yun sabi ko, it’s so timely.
“Deadma lang po,” pakli ni Cassy.
Tinanong namin kung ano ang reaksyon ni Darren nang sinabi niyang si JK ang kasama niya sa pelikulang ito.
“No po. Dedma lang po talaga. He was very, like… it’s just about me. Like, doing my first movie, and my first musical pa,” saad ni Cassy.
Ang laking challenge daw ito sa kanya dahil talagang kailangang kumanta siya. Tatlong original songs ang kinanta niya rito, at meron pa raw siyang isang musical number na live niyang kinanta nung kinunan ang eksenang iyun.
Pinilit pa naming mag-sample si Cassy ng kanta, pero nahihiya siya.
“Surprise na lang po. Parte po yun sa promo ko. If you want to hear me sing, please watch the movie.
“Grabe po. Iba po yung type of singing ko dun. Wow! Pang-threater. Nagulat din po ako. Wow!” sabi pa ni Cassy.
NOEL FERRER
Sabi pa ni Cassy, “To be honest po. I was very very hesitant to accept the role. But, for me I realized na it’s also a challenging role. A challenging project to be a part of, kasi nga po it’s politics.
“For me and siguro for my image, it’s… kumbaga, nakakagulat lang na I tap into that world.
“But, as for me, I’m very respectful. I respect everyone’s opinion. I’m not really forcing anyone to switch sides or something like that.
"Again, I just wanted to be a part of the film and I took interest because of my character in the story. Kasi yung character ko po has important message to put out there that it’s very near to my heart.
“It’s a message that I’ve been wanting to put out myself but I did have an opportunity to do. So, when I received the inquiry for this movie, my character description, nag-yes agad ako. As in yes right away.”
JERRY OLEA
Kasama rin sa Ako Si Ninoy si Joaquin Domagoso.
Magka-love team sina Cassy at Joaquin sa Kapuso primetime series na First Yaya, remember? Pero noong magpo-promote na ang sequel nitong First Lady ay binuwag na ang kanilang tambalan.
Nabalitaan natin noong nagdadalantao na ang girlfriend ni Joaquin na si Raffa Castro.
Read: Joaquin Domagoso, may two-month-old son na sa kapatid ni Claire Castro
Interesting subaybayan kung saan hahantong iyong namamagitan kina Cassy at Darren. Only time will tell, ika nga.
Panonoorin kaya ni Darren ang first movie ni Cassy, kung saan si Juan Karlos “JK” Labajo ang bida?