JERRY OLEA
Kaabang-abang ang mga ganap kay Selene, ang karakter ni Dimples Romana sa teleseryeng The Iron Heart.
Pinag-usapan ang pakikipagsalpukan ni Selene habang naka-heels last month.
“Oh! This Women’s Month, I think dapat abangan nila ang fighting scenes ko with other women!” pagdidiin ni Dimples sa taping noong Marso 7, 2023, Martes sa The Dales at Terracotta Manor, Brgy. Bonbon, Cebu City.
“So we are actually not fighting against each other dahil ayaw natin yun. We are fighting with one another and with each other side by side.
“I think at this point, it is very important that we understand na pinaka-hindi talaga natin gusto yung mag-aaway-away ang mga kababaihan sa isa’t isa, with each other, di ba?
“So ako, I guess, Iron Heart really makes it a point and shows everybody na kung meron mang dapat, kung makikipaglaban ka ay dapat hindi against each other lalo na pag kayo ay mga kababaihan.”
Worth it ba yung pagpunta-punta niya ng Cebu para sa The Iron Heart?
Mabilis na tugon ng premyadong aktres, “Very worth it po. Kasi, ang sarap din ng pakiramdam that we get to travel.
“Hindi naman po lahat ng pagkakataon ay nabibigay talaga sa mga artistang kagaya namin.
“Pagkatapos po ng pandemic, as you know, no matter how big or small of an actor you are, you never know when you’ll have work.
“So ako, nagpapasalamat na lang ako na tuluy-tuloy po yung trabaho, lalo na that we get to travel to Cebu. It’s a beautiful place.
“Ahhmm the food is great, at alagang-alaga po talaga kami dito ng Star Creatives.”
Bida sa The Iron Heart si Richard Gutierrez. Tampok din dito sina Jake Cuenca, Sue Ramirez, Albert Martinez, Baron Geisler, Diether Ocampo, Maricel Laxa, Meryll Soriano, Heaven Peralejo, Ian Veneracion, Sofia Andres, Pepe Herrera, Ronnie Lazaro, Enzo Pineda, at Christian Vazquez.
NOEL FERRER
Super-unpredictable si Selene sa story arc ng The Iron Heart.
“Kahit ako po, hindi ko alam kung good or bad ako, which I love because that way, I get to, you know, discover dahan-dahan kung saan ako papunta,” paglalarawan ni Dimples sa kanyang karakter.
“Ako rin kasi, alam nyo naman, poster child ako ng being a patient dreamer, e. I’m not the kind of dreamer who rushes everything. I’m not that.
“I actually like for my dreams to simmer a little bit, take a few years bago magkatotoo para alam ko lang yung value niya talaga sa akin.
“So with Selene, I like that process na dahan-dahan siyang nag-a-unravel and nakakatuwa lang, dahil hindi siya mabilis mag-unravel, inaabangan din po talaga nila.”
O, Dimples with Jake Cuenca and Richard Gutierrez, wala bang shade of My Father, My Lover… My Friend? Hehehe!
GORGY RULA
Tuwang-tuwa ang maraming manonood sa dynamics nina Selene at Orcus (Christian Vazquez) sa The Iron Heart.
“E, tuwang-tuwa naman kasi din talaga ako kay Kuya. Ang maganda kasi sa amin ni Kuya Christian, nagkatrabaho na kami sa Bagani,” lahad ni Dimples.
“Siya si Dakim, ako si Babaylan. E, sa Bagani, alam mo, walang hindi magkaibigan dun.
“Ultimo lahat ng mga nandudun sa set, magkakaibigan talaga kami sa likod at sa harap ng kamera. So nagkakulitan na kami.
“E si Kuya Christian kasi, isa pa yan! Tingnan mo, hindi mukhang tumatanda, di ba?
“Kasi, hindi rin niya masyadong sineseryoso ang buhay. Serious siya in life, sa family niya, pero when he had challenges during the pandemic, hindi na yan parang ininda.
“Alam mo yun? He knows how to laugh at himself. He knows how not to be too serious. So I like that.
“So the dynamics of our relationship here on The Iron Heart is almost the same on real life na nagkukulitan kami.
“So wala siyang inhibitions. Hindi kami nahihiya sa isa’t isa kaya nakakapag-alaskahan kaming ganun.
“Kasi pareho kaming hindi pikon. Nakakatakot kasi magkaroon ng ganung kaeksena lalo na kapag pikon yung kaeksena mo.
“So I love the Orcus-Selene arc. I think it’s fresh. I think ang ganda niyang addition because it’s so playful.
“Ibig sabihin, yung mga gangsters pala, puwede silang maglaro ng ganun. Medyo weird lang yung laro nila, nagnanakawan sila ng kotse, nagbabarilan sila.
“Pero I mean, it’s a different world, no? So it is something na medyo may slightly superficial factor, pero masaya siyang panoorin.
“Alam mo yun? Kasi, ‘Sinabi niya yun?’ Or, ‘Eto ba yun?’ Kasi sabi niya, di ba, pinaka-funny sa akin yung nasa pool. “Sabi niya, ‘Ahh, magsu-swimming ako. Picture-an mo lang ako, kung ayaw mo, panoorin mo na lang akong mag-swimming!’
“Bakit ko naman siya gustong papanooring mag-swimming, di ba? But only Kuya Christian Vazquez can deliver.”
Nagkaproblema ba siya, kahit mumunti, sa taping ng The Iron Heart sa Cebu?
Napatango si Dimples, “Opo, nahihirapan po akong magpapayat dito sa Star Creatives. Kasi lagi po kaming pinapakain dito.
“At ang mga artista po ay generous kaya nanlilibre sila lahat. Yun ang pinakaproblema talaga dito, di ba?!”