GORGY RULA
Ilang beses din namin kinulit si John Estrada bago siya nagbigay ng pahayag kaugnay sa isyu nila ng asawa niyang si Priscilla Meirelles.
Nag-post lang siya sa kanyang Instagram account na tila nagpapahiwatig na okey na silang mag-asawa.
Read: John Estrada posts intimate photos with Priscilla Meirelles amid marital-problems issue
Kaya kinulit ko siya uli through text nung nakaraang Sabado, April 8 na baka puwedeng magbigay naman siya ng statement o sagutin niya ang ilang katanungan ng PEP Troika.
Nagkaayos na ba sila ni Priscilla? Wala nang problema, at okay na sila?
Makahulugan ang kanyang pahayag na ipinadala sa PEP Troika.
Aniya, “There are some people who could hear you speak a thousand words and still not understand you.
“And there are others who will understand without you even speaking a word.”
May kasunod pa sana akong tanong sa kanya. Pero nag-text siya uli ng, “Tama na yan ha friend hehe. Happy Easter bukas.”
Kaya tumigil na kami sa pangungulit sa kanya.
Noon pa man ay ayaw na talaga ng aktor na magsalita tungkol sa isyu nila ni Priscilla.
Ang mahalaga ay mukhang nagkaayos na silang mag-asawa. Kaya mas gusto na lang niyang manahimik.
NOEL FERRER
Katulad ng mensahe ng Easter—may kapatawaran, pag-aayos, at pagbuhay na mag-uli ng mga relasyon, sana’y muling mabuhay ang pag-ibig kina John at Priscilla dahil we wish them and everyone only the best!
Happy Easter sa lahat!!!
JERRY OLEA
Makabuluhang Pasko ng Pagkabuhay!
Nawa’y buhay na buhay pa ang pag-ibig sa puso nina John at Priscilla!
Na-train si John ng namayapa niyang manager na si Tito Douglas Quijano na mas mabuting manahimik na lang upang huwag lalong lumaki ang isyu.
Kani-kanya na lang tayo ng pag-unawa sa mahiwagang pahiwatig ni John!