JERRY OLEA
“Parang ano kami ni Maris sa loob… Miss Universe!”
Bulalas iyan ng 1st Summer MMFF best supporting actress na si Kaladkaren nang makachikahan namin sa may lobby ng New Frontier Theater nitong Abril 11, 2023, Martes, habang hinihintay niya ang sasakyan pauwi.
Nagwagi ang transgender woman na si Kaladkaren para sa pelikulang Here Comes The Groom.
Dalawa ang katunggali niya — ang co-star na si Maris Racal, at si Ana Abad Santos ng Love You Long Time.
Read: 2023 Summer MMFF Gabi ng Parangal: Romnick Sarmenta and Gladys Reyes win top acting honors
Bago tawagin ang nagwaging best supporting actress ay nasa backstage na sina Maris at Kaladkaren, dahil silang dalawa ang presenters sa kategoryang best actor.
Lahad pa ni Kaladkaren, “Trending daw ako sa Twitter?! Parang ano kami ni Maris sa loob, kasi di ba magpe-present kami ng award?
“Para kaming Miss Universe, magkahawak kami… hala, eto na pala! Tapos sabi niya, ‘Ate, ikaw yan!’ Sabi ko, ‘No, sissie, ikaw yan.’ Tapos biglang… ‘Kaladkaren!’
“Haaahhh!!! Haaaahhhh?!?! Tumakbo ako… tumakbo ako sa stage! Kasi nga, kami na pala ni Maris yun, magpe-present kami ng award sa best actor, so pinapunta kami sa likod.
“So, nung tinawag ako, nagulat ako. Haaahhhh?! Haaahhhh?!?!
“Magkakapit kami ni Maris. Sinabi ko kay Maris na ano, ‘Maris, I really share this with you!’
“Tapos sobra… alam mo si Maris, sobrang sweet na bata, ‘No, ate, deserved na deserved mo yan. This is your moment.’
“Sabi ko, ‘Hindi. I really share this with you. Tayong dalawa ito,’ sabi ko. ‘I wouldn’t have done this without you, without Enchong, without Xilhouete, without Direk Chris. Para sa ating lahat!’”
Ang Here Comes The Groom ay idinirek ni Chris Martinez.
Maliban kina Maris at Kaladkaren, nasa cast ng pelikula sina Enchong Dee, Keempee de Leon (best supporting actor), Gladys Reyes, Eugene Domingo, Awra Briguela, Miles Ocampo, Tony Labrusca, Nico Antonio, Iyah Mina, Fino Herrera, at Kim Atienza.
NOEL FERRER
Very significant ang best supporting actress nomination and win ni Kaladkaren.
Maliban doon, siya rin ang karapat-dapat magwagi nilang best acceptance speech.
@pepalerts Kaladkaren makes history! #2023SummerMMFF Best Supporting Actress winner for#HereComesTheGroom ! Congratulations,@kaladkaren! #EntertainmentNewsPH #PEPNews #NewsPH ? original sound - PEP.ph
Habang si kapatid na Ferdy Lapuz naman ang Star of the Night sa kanyang agaw-eksenang summer outfit na tumerno sa dalawang lifesavers sa stage na midway through the awards ceremonies ay pinaalis na rin.
Sana, makatulong ang award ni Kaladkaren, ang 3rd Best Picture, at Special Jury Prize sa box-office performance ng Here Comes The Groom na katulad ng ibang pelikulang Pilipino ay dapat nating suportahan.
Everything summed up, ang Here Comes The Groom ang may pinakamaraming nominations sa 1st Summer MMFF, ha, at dapat silang makabawi rin!
GORGY RULA
Nakaka-touch at tama yung sinabi ni Kaladkaren na hindi lang ito pagpapakilala sa kanyang trabaho bilang aktres kundi sa kanyang pagkatao bilang transgender woman.
Sabi nga niya, “Alam niyo po, itong parangal na ito ay hindi lamang recognition ng aking trabaho, kundi pati na rin po ng aking pagkatao.”
Ibinahagi rin niya ang naturang award sa mga transgender people, drag artists, at members of the LGBTQIA+ community.
“I wanna remind all of you that we are more than enough,” sabi pa ni Kaladkaren.
Binanggit na rin ng aktres na si Iyah Mina, ang kauna-unahang transgender best actress na nanalo sa Cinema One Originals para sa pelikulang Mamu; And A Mother Too (2018).
Read: Alwyn Uytingco among winners of Cinema One Originals Film Fest 2018
Kaya correction na rin ito sa ilang nagsulat na si Kaladkaren ang kauna-unahang transgender woman na pinarangalan ng acting award sa local film industry.
Bale pangalawa si Kaladkaren sa Pinoy showbiz.