GORGY RULA:
Lalong na-excite si Gladys Reyes nang malamang maganda ang feedback sa sinasabi niyang dream movie project niya—ang magsama-sama sila nina Judy Ann Santos, Jolina Magdangal, Angelu de Leon, at Claudine Barretto.
Nakatsikahan namin si Gladys sa DZRH nung nakaraang Lunes, April 24, 2023.
Ipinaliwanag niyang sinagot lang niya ang tanong kung ano ang dream project para sa kanya. Akala kasi ng iba, binubuo na ang pelikulang itong pagsasamahan nilang lima.
Sabi ni Gladys, “Nag-umpisa yan nung premiere ng Apag, may nagtanong sa akin kung ano yung dream project ko.
"Sabi ko, gusto talaga sana mapagsama-sama yung lahat na inapi ko.
"Puwera lang si Jolina kasi hindi ko pa naman naapi siya sa mga teleserye, pero siyempre 90s won’t be complete without Jolina din.
"Siyempre, Jolina, Angelu, Claudine, and Judy Ann."
Nabanggit na raw niya ito sa mga kaibigan niya, at interesado naman daw ang mga ito.
"Sa akin, dream project yun. Although, nabanggit ko yun kay Jolina nung mag-guest ako sa Magandang Buhay.
"Nabanggit ko na rin kay Juday, and I think sa isang Viber message ko sa kanya or even before.
"Nung nagkasama kami nung huli ni Claudine, yes, parang nabanggit ko rin sa kanya yan, sa isang guesting namin sa isang series.
"Siyempre, kailangan buuin muna yung material, di ba? Kailangan konkreto yung istorya bago talaga matuloy.
"Very positive naman sila, even Jolina nung last time nag-guest ako sa Magandang Buhay, niloko ko pa siya na, ‘Uy, ha? Pag may tumawag na sa yo, tanggapin mo.’"
May pag-asa na raw matupad ang pangarap niya ngayong may exceptions na sa network war.
"Mukhang positive naman yung ano nila. Yung magiging challenge dun if ever, I think yung schedule.
"Alam naman natin, iba-iba… saka associated yung iba sa kanila in a particular channel.
"Tingnan natin kung possible project. Pero who knows? Uso naman ngayon ang collab, di ba? Nag-collab na nga yung GMA and ABS, di ba?" pahayag pa ni Gladys.
NOEL FERRER:
Ang maganda ay kung ang mga artista mismo ay may stake at willing sumugal sa gagawin nilang pelikula.
Sabi pa ni Gladys, kung meron na raw magandang material na puwede nilang gawing lima, willing siyang mag-co produce.
"As of now, iyun yung pakiramdam ko. I’m willing to co-produce it if ever. Siyempre, malaking tulong kung meron akong katuwang na magpu-produce nun.
"Kasi di ba, kinu-co-prod ko naman yung Moments, e."
Ang tinukoy ni Gladys na "Moments" ay ang talk show niya sa Net25.
"Ako talaga pag may gusto talaga ako... Very hands on ako sa proyekto, e. Siyempre, iba pag hands on ka. Masusunod ka kung ano yung gusto mong mangyari.
"As of now, iyun yung pakiramdam ko. I’m willing to co-produce it if ever. Siyempre, malaking tulong kung meron akong katuwang na magpu-produce nun."
Kung ganoon si Gladys, I’m sure iyung iba rin, magiging open sa ganoon! Let’s see kung matutuloy!!!
JERRY OLEA:
Iyang dream project na iyan ni Gladys, bongga kung horror, di ba? Huwag namang nightmare?!
Sa edad nilang lima na 43 to 45 years, ano ba ang magandang genre o storyline para sa kanila? Action na tipong The Expendables?
Sey ni Gladys, "I have something in mind na baka puwede para sa aming lima yung material na yun. Parang something na pagka-Desperate Housewives nga, di ba, since pareho naman kaming mga nanay na, di ba?
"Kanya-kanyang kuwento ng pagiging isang ina. Puwede namang ang isa, wala namang asawa. Iyung isa, single mom, mga ganun, di ba?
"Yung totoong nangyayari din at the same time, may twist. Siyempre kilala silang lahat bilang dramatista na. Dapat naman something yung hindi nila ini-expect pero yun pala yung kuwento nung movie."
More hot stories on PEP.ph:
- Fil-Am singer na guest sa U.S. concert ni Vice Ganda, nakaranas umano ng pangmamaltrato mula sa assistant ng comedian-TV host
- EXCLUSIVE: Tito Sotto, IBINUKO ang gustong mangyari ng mga Jalosjos sa Eat Bulaga! (PART 1)
- Running Man cast amazed by Manny Pacquiao's PHP2.3 billion Forbes Park mansion
- EXCLUSIVE: Joel Cruz reveals convo with Vice Ganda about challenges of surrogacy