GORGY RULA
Magsisimula na bukas, May 15, si Matteo Guidicelli bilang bagong miyembro ng Unang Hirit sa GMA-7.
Sabi naman ni Matteo, bagay na bagay sa kanya ito dahil morning person daw talaga siya.
“Yes. I’m a morning person. I like to wake up early in the morning. I’m excited for this morning journey,” pakli ni Matteo sa nakaraang mediacon niya bilang bagong Kapuso.
Kaya napapangiti siya nang tanungin ng PEP Troika na paano kung mapuyat na siya sa pag-aalaga ng baby nila ni Sarah Geronimo.
Matagal na rin naman daw siyang handa nang maging daddy. At sana, this year na raw ito.
Pero bukod sa Unang Hirit, in-announce na rin ang iba pa niyang gagawin sa GMA Public Affairs.
Bukod sa Black Rider na pagsasamahan nila ni Ruru Madrid, excited ang mga taga-GMA Public Affairs sa docu specials na gagawin ni Matteo.
“Hindi pa namin puwedeng sabihin kung anu-ano yun, but he gave us so many ideas for what we’re going to do when we have big specials lined up where he will be really out in the field for weeks on end. And this is going to be, you know, big as in parang film, yung one and half hour docus na full length na filming. So, watch out for that,” bahagi ng pahayag ng First Vice President of Public Affairs na si Ms. Nessa Valdellon.
Nilinaw na rin namin kay Ms. Nessa kung sa GMA Public Affairs lang ba committed si Matteo, at hindi siya makakagawa ng project sa Entertainment TV?
Nung pinag-uusapan na kasi ang paglipat ni Matteo sa GMA-7, may narinig na kami kung anong programa ang ibibigay sa kanya.
Ang isa sana sa gusto nilang gawin ng aktor ay ang Magandang Dilag na maging leading man ni Herlene Budol. Pero mukhang sa GMA Public Affairs talaga committed si Matteo.
Ipinasa ni Matteo ang tanong na yun kay Ms. Nessa ng GMA Public Affairs.
“Ma’am Nessa, loyal po ako sa inyo, e. Kayo na po ang sumagot niyan,” napapangiting pakli ni Matteo.
“He has so much on his plate, parang Monday to Saturday, busy na siya,” sagot ni Ms. Nessa.
Ang GMA Public Affairs ang nag-ayos ng paglipat ni Matteo sa GMA-7, at base sa mga naka-line-up na programang gagawin ng aktor, wala siyang magagawang show sa Entertainment TV.
“It went on for almost a year I think. And we’re just so happy that he’s here, and he’ll be in Unang Hirit by Monday.
“So, abangan niyo yun,” sabi pa ni Ms. Nessa Valdellon.
JERRY OLEA
Kung mabibigyan ng pagkakataong makasama ang ibang Kapuso stars, sino pa ang gustong makasama ni Matteo?
“Si Solenn. Si Ryan Agoncillo, si Dingdong Dantes. I’m very excited to work with the younger ones, sina Ruru Madrid, ‘no? Si Kuya Kim at lahat-lahat po,” sagot ni Matteo.
NOEL FERRER
Possibilities are endless lalo pa’t napaka-creative at inclusive at progressive ng GMA Public Affairs na aside from the News Magazine format na Unang Hirit, may docu specials pa si Matteo at magkakapelikula pa.
Matatandaang hindi na rin bago si Matteo sa GMA, kasi nanggaling na rin siya rito dati.
Pero ngayon, isa na siyang pamilyadong tao and hopefully soon will join the league of Dingdong, Ryan and Kuya Kim bilang tatay.
Ang ganda siguro kung sila ang mga bagong popshies ng GMA na hindi lang pang-host kundi pang-sitcom din ala Palibhasa Lalake.
Basta, welcome sa nagbabalik-Kapuso na si Matteo! Enjoy this stint, alam naming marami ka pang puwedeng ipakita at talento at kasiyahang maibibigay!!!