GORGY RULA
Isinakripisyo ng baguhang aktres na si Yukii Takahashi ang kanyang ambisyong maging doktor dahil sa pagpasok niya sa showbiz.
Read: TikTok star Yukii Takahashi, maraming hugot sa buhay kaya madaling umiyak
Ipinakilala si Yukii ng Cornerstone Entertainment sa isang mediacon na ginanap sa The Cliff Restobar sa Quezon City nung nakaraang Martes, June 6, 2023.
Ikinuwento ni Yukii na nag-aaral siya sa La Concolacion College sa Caloocan City, pero natigil siya nung nag-pandemic.
Gusto sana niyang tumuloy sa University of Sto. Tomas para mag-aral ng Medicine, pero hindi raw kakayanin ng magulang niya ang mga gastusin dahil nag-aaral din ang kapatid niyang babae. Dahil dito, nag-decide siyang tumigil na lang sa pag-aaral.
Mabuti na lang at masuwerte siyang nakapasok sa showbiz. Regular na ngayon si Yukii sa FPJ’s Batang Quiapo kung saan ka-partner niya rito ag dating Hashtags member na si McCoy de Leon.
Ka-partner din siya ng isa ring Hashtags member na si Wilbert Ross sa digital series na Ang Lalaki sa Likod ng Profile, na streaming sa Puregold Channel sa YouTube.
Regular din siya sa sitcom sa NET25 na Ano'ng Meron Kay Abok. Kasama rin si YukiI isa pelikula nina Carlo Aquino at Barbie Imperial ng Mavx Productions na I Love Lizzy, at sinundan pa ng Ang Pangarap Kong Oskars ng naturang film production.
Nag-decide si Yukii na huwag nang ipagpatuloy ang ambisyon niyang maging doktor.
“Sa study po, I feel like sobrang magiging matanda na ako nun if babalik man ako nun. Kasi from what I know, I’m gonna study for 13 years para matuloy ko yung gusto ko in that industry.
“I feel like hindi na. Pero second option ko naman po talaga, after ng pagiging doktor is business. I think I will focus more on that so I could really support my family especially my sister,” pahayag ni Yukii.
JERRY OLEA
Binubuyu-buyo sina Yukii at Wilbert sa mediacon ng Ang Lalaki Sa Likod ng Profile noong Mayo 18 sa World Trade Center, Gil Puyat Avenue, Pasay City.
Pero sa interbyuhan sa may function room, pareho sila ng statement na naka-focus muna sila sa kani-kanyang career.
Pahayag ni Yukii, “Sobrang sayang katrabaho ni Wilbert and sobrang magalang. Sana more works.”
Nagbida si Wilbert sa Vivamax movie na Boy Bastos, pero ramdam ni Yukii ang pagiging marespeto nito sa kanya.
Ang sexy ni Yukii, pero hindi siya all-out sa pagpapa-sexy. May mga limitations siya at alam niyang maintindihan ito ng management team niya sa Cornerstone.
“Feeling ko po my management would really respect my decision and my values when it comes to it,” sabi ni Yukii.
“And they know naman who am I as a person and what I can do lang or what I can showcase lang for other people.
“May limitations po. Siyempre po to the extent na yung mga hubad, hindi po talaga.”
Mapapanood ang Episode 8 (“Great Expectations”) ng Ang Lalaki Sa Likod Ng Profile bukas, Hunyo 10, Sabado ng 7 p.m., sa Puregold Channel sa YouTube.
Kasama sa cast ng nasabing digital series sina Migs Almendras, Kat Galang, Marissa Sanchez, Anjo Resurreccion, at Moi Marcampo.
Idinirek iyon ni Victor Villanueva, at prinodyus ni Chris Cahilig.
NOEL FERRER
Tuwang-tuwa si Yukii nang sinabi raw sa kanya na magiging regular na siya sa FPJ’s Batang Quiapo. Dati kasi ay guesting lang yun, pero okay naman daw ang tandem nila ni McCoy.
Wish din daw niyang makaeksena ang mga bigating cast sa teleseryeng ito ni Coco Martin.
“Hindi ko pa po nakaka-work yung mga bigating artista natin dun. Yung nakaka-work ko pa lang po si McCoy. Sobrang bait niya pong tao at ang dami ko pong natutunan sa kanila.
“Sa mga hindi ko pa po nakakatrabaho, siyempre sina Miss Charo Santos po, si Ms. Cherry Pie [Picache].
"Sobrang honored po and I’m so excited to work with them, to act with them, and as well as to learn a lot of things in the industry,” pakli ni Yukii.
Na-enjoy rin daw niya ang participation niya sa pelikulang Ang Pangarap Kong Oskars. Parang baby raw siya roon sa Mavx, pero ang dami niyang natutunan sa pagpapatawa kina Paolo Contis at Joross Gamboa.
“Grabe! Sobrang saya nilang katrabaho. Kasi, kahit behind the scenes, nakakatawa talaga sila.
"And there are times pa nga na kahit yung eksena simple lang, they make it sobrang nakakatawa.
“Parang they really put their heart into it. Magaganda na nasusubaybayan ko yun, kasi natutunan ko rin yung mga ganung bagay.”