GORGY RULA
Matagal-tagal na rin naming naririnig ang reklamo ng ilang co-stars ni Herlene Budol sa Magandang Dilag dahil hindi umano nasusunod ang regular schedule ng taping at napa-pack up.
Ang ilan daw sa dahilan ng pagka-pack up ay ang mga natatanggap na raket ni Herlene.
Ayon sa ilang napagtanungan ng PEP Troika, panay raw ang tanggap ng mga raket ng manager ni Herlene na si Wilbert Tolentino.
Co-managed si Herlene sa Sparke ng GMA Artist Center, pero wala umano silang magawa sa mga tinatanggap na raket ni Wilbert — mga personal appearance out of town, mga Santacruzan, ribbon-cutting, at kung anik-anik.
Minsan daw, pagdating sa taping ng Magandang Dilag ay naiiyak na lang si Herlene sa sobrang pagod. Hindi naman daw siya makaangal sa mga raket na natatanggap ni Wilbert.
Dahil dito, nagkukumahog na raw ang mga taga-Magandang Dilag na matapos na ang taping ng buong season ng bagong drama series na ito para magawa na ni Herlene ang ibang raket, at mapaghandaan na nito ang pagsali niya sa Miss Grand Philippines 2023.
Read: Herlene Budol pinupuntiryang makuha ang Miss Grand Philippines crown
Gusto na rin daw ng production staff na makapag-move on sa mga susunod na project na gagawin, at ganun na rin sa co-stars ni Herlene.
Sinubukan naming i-text si Wilbert Tolentino para sagutin ang kuwentong nasagap namin, pero hindi pa siya sumasagot.
JERRY OLEA
Nawa’y maging masigasig si Herlene Budol, aka Hipon Girl, sa promo ng unang TV show na bida siya. Wala na sanang mga aberya.
Nawa’y maging maganda ang ratings ng Magandang Dilag, para worth it ang pag-a-adjust ng staff at co-stars kay Herlene.
“Naghangad ng kagitna, sansalop ang nawala,” kasabihan ng matatanda.
Nawa’y i-prioritize ng team ni Herlene ang dapat nilang pahalagahan bago mahuli ang lahat.
NOEL FERRER
Nagsalita na ang mga institusyon sa ating industriya.
Kailangang igalang at sundin ang magandang payo ng mga nakatatanda, Herlene. Dahil kung hindi, nasa huli ang pagsisisi.
Sana talaga ay may napakagandang magaganap sa kabila ng paghihirap ng lahat ng nga nasa produksiyon ng palabas na Magandang Dilag. Sana talaga!