GORGY RULA
Ayaw pang kumpirmahin ng ilang sources ng PEP Troika kung totoo bang This Is Eat! ang magiging title ng noontime show nina Tito Sotto, Vic Sotto, at Joey de Leon sa TV5.
Marami pa raw pinagpipilian kaya hindi pa nila masabing ito na ang gagamiting title.
Tinext din ng PEP Troika si former Senator Tito Sotto — “still contemplating” ang kanyang sagot.
Ibig bang sabihin nito ay nasa TAPE, Inc. na talaga ang pag-aari ng trademark ng Eat Bulaga!?
Tinanong uli namin si Tito Sen kung sa July 1 na ba sila magsisimula sa TV5. Ang dinig kasi namin, magkakaroon ng presscon sa susunod na linggo.
Ayon kay Tito Sen, kung hindi sa July 1, Sabado, ay maaaring sa July 3, Lunes, magsisimula ang noontime show nila sa TV5.
May ilan pa kaming narinig na magagandang balitang posibleng ihahatid ng TVJ, at iyan ang ilan sa aabangan natin sa kanilang pagbabalik.
Read: TVJ at Dabarkads, nag-pictorial na para sa noontime show nila sa TV5
JERRY OLEA
Maaring dito sa bago nilang noontime show sa TV5 ay mapapanood natin ang mga sikat nilang games at segments kagaya ng "Pinoy Henyo" at "Bawal Judgmental."
Itong "Pinoy Henyo" ang isa sa inabangan namin sa revamped Eat Bulaga! sa GMA-7, pero hindi nila malaro dahil naka-copyright pala ito kay Jeny Ferre na sumama sa grupo ng TVJ.
Ano kaya ang magiging aksyon ng taga-TAPE, Inc dito? At ano na ang mangyayari sa It’s Showtime?
Para sa local noontime shows, these are interesting times.
NOEL FERRER
Ang gandang pag-aralan at pagtuunan ng pansin ngayon ang issue ng copyright. Buti at napa-copyright ni Jeny ang sikat na segment na hanggang ngayon ay nilalaro sa parties.
Parang ganito rin ang naging issue sa dance steps ng "Tala" ni Sarah Geronimo na pinagtatalunan kung kanino — kay Teacher Georcelle ba o sa producer?
Read: G-Force's Teacher Georcelle breaks silence on alleged rift with Sarah Geronimo
Tuloy, mahalagang may consciousness tayo sa mga pag-aari natin. Sa panahon ng credit-grabbing at intellectual dishonesty, matuto tayong mag-stick sa totoo at may pagpapahalaga sa creators.
Anupaman ang kaakibat na mga isyu, doon ako sa bagong show ng mga tunay na Dabarkads.