JERRY OLEA
Bilang creative consultant ng Regal Entertainment ay nakipag-meeting si Direk Jose Javier Reyes sa Kapatid Network kahapon, Hunyo 22, 2023, Miyerkules.
“Andaming latest development sa Regal. I just came from TV5,” sabi ni Direk Joey nang makatsikahan ng PEP Troika afterwards sa FDCP mediacon ng Pelikulaya filmfest sa Privato Hotel, Sct. Castor St., Quezon City.
“I don’t wanna reveal it yet unless sure deal. There’s something really big that’s going to be open for Regal before the year ends.
“Kaya medyo nalolokah ang lola!”
Sinong lola? Ang Regal matriarch na si Mother Lily, ang Regal heiress na si Roselle Monteverde, o siya?
Natawa ang multi-awarded scriptwriter-director, “Si Mother Lily, wala yang pakialam! Ha! Ha! Ha! Kaming dalawang lola, kami ni Roselle.”
May aspiring entry ba ang Regal sa Metro Manila Film Festival (MMFF) 2023?
Bulalas ng 68-anyos na si Direk Joey, “Shake, Rattle & Roll 237! Shake, Rattle & Roll EXTREME! Kung mapili! Kung mapili siya…”
Kahit hindi mapili sa MMFF ang Shake, Rattle & Roll ay may captive market na ito.
Napapailing na sambit ni Direk Joey, “Pero grabe, ito talaga ang PINAKAMAHAL na Shake, Rattle & Roll. Ang mga direktor ay sina Jerrold Tarog, Ian Loreños, and Joey de Guzman.”
Kung may bonggang partnership ang Regal sa TV5 this year, aalis na ba ang Regal sa GMA-7?
Mabilis na tugon ni Direk Joey, “No! It’s more partnerships. It’s a completely different set-up from what we have with GMA.
“With GMA, nakatatlong Mano Po Legacy na kami. At may gagawin pa kaming isang series, yung Lovers and Liars.
“For late night ito. It’s a little mature. Hopefully it will star… as of now, ‘no… si Rob Gomez, si Kimson Tan, si Yasser Marta, and si Mikee Quintos. Basta, it’s a mature thing.”
Magpapa-sexy si Mikee?!
“Hindi siya sexy, hindi sexy. Basta, iba yung role niya! So it’s a challenging thing, kasi it’s a late-night show na it’s more mature,” pagmamatuwid ni Direk Joey.
“Saka after watching all these, di ba, this HBO Succession, Agency on Netflix, and all that, ansarap-sarap gumawa, hindi ba, na medyo naiiba?!”
Writer or director ba siya ng ma-L na Lovers and Liars?
“Ako ang nagko-conceptualize. Hindi na kaya ng lolang magdirek ng series,” paliwanag ni Direk.
“Alam mo naman ang lolo, by 11:00 o’clock, kailangan namememe na.”
Four times a week ang Lovers and Liars, na tatagal ng eight weeks.
GORGY RULA
Nasa puso rin ni Direk Joey ang Vivamax.
Katatapos lang niyang mag-shooting ng pelikulang Choose (y) Me para sa nasabing streaming platform. Bida roon sina Aerol Carmelo, Yen Durano, Chloe Jenna, at Jaggy Lejano.
Naidirek na ni Direk Joey sina Aerol at Yen sa pelikulang Tag-init, kaya kinuha niya ang mga ito para Choose (y) Me.
Kumusta sina Aerol at Jaggy sa first time maging bidang lalaki sa pelikula?
“OK! They’re really smart. At pag ang mga artista mo ay smart, you won half the battle,” pahayag ni Direk Joey.
“At saka si Aerol is really enthusiastic to be good at what he is doing. Same with Jaggy, Yen, and Chloe.
“May susunod na ako sa Vivamax, alam mo naman ako, I work hard. I’m doing another four-part series, Secret Campus The Series.
“Bida rito sina Clifford Pusing, Azi Acosta, Angelica Hart, and two other girls.”
Unang nagbida si Clifford sa Vivamax movie na Tag-init, katambal si Franki Russell. Napanood ni Direk Joey si Clifford sa BL series ni Direk Darryl Yap na Sakristan.
“Tinawagan ko si Darryl Yap. Discovery ni Darryl si Clifford. Sabi ko, ‘Darryl, kaya ba niyang umarte?’ ‘Marunong yan, marunong yan, Direk!’ Kaya kinuha ko siya.”
Si Clifford din ang bidang lalaki sa Vivamax series na High on Sex 2, na magpi-premiere sa Hulyo 2.
Ang limang bidang babae rito ay sina Angelica Hart, Apple Dy, Aiko Garcia, Audrey Avila, at Cess Garcia. Nasa cast din sina Jamilla Obispo, Fracine Garcia, Jason Evans, at Van Allen Ong, sa direksyon ni GB Sampedro.
Siyanga pala, nakausap namin si Rob Gomez sa mediacon ng Magandang Dilag. Excited na raw syang simulan ang bagong Shake, Rattle & Roll. Makukumpleto na raw ang pagiging artista niya kapag napasama siya sa horror franchise ng Regal.
NOEL FERRER
Imagine, katatapos lang ni Direk Joey ng isang lock-in shooting sa Pampanga, tapos bilang technical consultant ng Film Development Council of the Philippines (FDCP) ay tambak din ang trabaho ni Direk Joey.
Paano pa ang pagtuturo niya sa De La Salle University (DLSU)?
“Ay! Importante yun. Yun at saka CSB. Nandudun ang puso ko,” sabi ni Direk Joey, na senior professional lecturer ng DLSU, at chairman ng Digital Film Program ng College of Saint Benilde (CSB).