JERRY OLEA
Young lover ni Luningning (Pia Moran) ang Daks character ni Carlo San Juan sa pelikulang Lola Magdalena.
“May aabangan na eksena. Ayun ang abangan nating lahat,” napapangiting sambit ni Carlo sa storycon ng horror movie na The Vigil noong Hulyo 2, 2023, Linggo, sa Max’s Sct. Tuason, Brgy. Laging Handa, Quezon City.
Ang multi-awarded na si Joel Lamangan ang direktor ng Lola Magdalena kaya hindi nag-inarte si Carlo.
“Noong una, siyempre nagulat. Pero nakapag-cope up naman ako. And nagawa ko naman nang maayos,” sabi ng Kapuso hunk actor.
“Hindi naman ako napagalitan. Walang nasabing masama. So, OK naman.”
Read: Carlo San Juan, "natuwa at natawa" sa pangalan niyang "Daks" sa pelikulang 'Lola Magdalena'
Kumustang katrabaho si Pia Moran? Matagal kasing hindi ito umarte sa pelikula.
“Si Miss Pia Moran, magaang katrabaho and lagi ka niyang inaalala. Maasikaso siya. Laging nagtatanong kung OK lang ba ako, ganun,” lahad ni Carlo.
“So comfortable. Comfortable ako with Miss Pia.”
Hindi ba mahirap isipin na ang isang katulad niya na nasa 20s ay pumatol sa isang babaeng sixtysomething ang edad?
“Siyempre at the end of the day, aktor tayo and yung ginawa natin, kasama sa work yun. Kasama sa pagiging aktor natin,” pagmamatuwid ni Carlo.
“So, kailangan ko talagang i-accept and mahalin na sa story na yun, nagmahal ako ng isang matanda, ng isang lola.”
Pia Moran and Carlo San Juan in a scene from 'Lola Magdalena'
Hanggang saan ang kaya niyang gawin o ipakita sa mga susunod niyang movie project?
“Actually, I’m very open sa lahat ng mga ipapagawa sa akin. Magkakatalo lang yan if papayagan tayo ng network,” tugon ni Carlo.
“Pero alam ko sa sarili ko na marami pa akong kayang ibigay. Marami pa akong kayang ipakita.”
Specifically, hanggang saan ang kanya niyang ipakita? Hanggang anong level ang kapangahasan niya, if ever?
“Topless, ganun. Kaya, kaya namang mag-topless,” sagot ni Carlo.
Butt exposure, kaya na niya?
“Siguro, hindi pa tayo dun. Topless pa lang… naka-base yan sa kung anong role ang ibibigay sa akin,” sabi ni Carlo.
“And kung lead role ba yung gagawin ko, I will do it.”
NOEL FERRER
Feel na feel ni Carlo ang pagka-aktor niya, ha?
Sana, makapagsanay pa siya at mahasa pa, at patuloy na mag-cope sa demands ng kanyang pagiging aktor. Hindi sapat na walang nasabing masama at hindi napagalitan ni Direk Joel Lamangan.
Sana, sa susunod, nasabihan na siyang very good, mahusay! Clap. Clap. Clap.
Good luck, Carlo!
GORGY RULA
Sa horror movie ni Direk Adolf Alix Jr. na The Vigil ay marami silang bidang lalaki.
Andiyan din sina Will Ashley, Bruce Roeland, Abed Green, Prince Carlos, Anjay Anson, Kimson Tan, at Joaquin Manansala.
The Vigil stars (from left) Anjay Anson, Prince Carlos, Abed Green, Will Ashley, Bruce Roeland, Faye Lorenzo, Kimson Tan, and Carlo San Juan
Ano ang lamang niya sa mga kapwa Kapuso young actors na nasa cast ng The Vigil?
“Ahh siyempre alam naman natin and alam ko din na mahuhusay silang aktor din. Kasi, nakikita ko sila, nakakatrabaho ko na sila,” pahayag ni Carlo.
“Pero siguro, para sa akin, lagi lang akong nagpe-prepare for myself. Iniisip ko kung ano dapat yung gawin ng karakter ko, kung ano dapat yung maipakita ng karakter ko na mararamdaman ng tao.
“Kasi at the end of the day, marami kaming lalaki, e. So ang edge ko lang sa kanila siguro, mas minamahal ko yung karakter na meron ako,” lahad pa ni Carlo, na kasama sa Kapuso afternoon drama series na Abot Kamay Na Pangarap.