JERRY OLEA:
Ratsada ang maaaksyong pelikula sa talaan ng Top 10 Movies in the Philippines Today ng Netflix.
Mula Agosto 13, Linggo, hanggang ngayon ay number 1 sa nasabing talaan ang spy action thriller ni Gal Gadot na Heart of Stone.
Rachel Stone ang pangalan ng karakter dito ni Gal. Hindi po ito inspired ng kantang "Pusong Bato."
Sumunod ang 2013 fantasy action film ni Keanu Reeves na 47 Ronin, ang Hard Targets, at ang sci-fi action thriller na 65.
Ang anim pa sa Top 10 Movies ng Netflix Philippines ngayong Agosto 19, Sabado ay A Quiet Place Part II, The Mist, Eye of the Storm, Zom 100: Bucket List of the Dead, Home for Rent, at That Time I Got Reincarnated as a Slime The Movie.
Samantala, sa Top 10 TV Shows in the Philippines Today ay two consecutive days nang nangunguna ang three-episode documentary na Depp v. Heard.
Logline ng Netflix sa seryeng ito, “Showing both testimonies side-by-side for the first time, this series explores the trial that set Hollywood ablaze and the online fallout that ensued.”
Ang iba pang serye na nasa talaan ay Behind Your Touch, The Uncanny Counter, My Happy Marriage, King the Land, Zombieverse, Zom 100: Bucket List of the Dead, When I Fly Towards You, Mech Cadets, at ang HBO Original na Ballers.
NOEL FERRER:
Medyo relaxed ang mga tao sa panonood ng Netflix ngayon dahil parang bumalik na sa normal na ikot ng buhay at sa iba’t ibang pinagkakaabalahan.
Parang pati TV viewing ay nag-dip din ang ratings.
Paano kaya makakaahon ang pelikula nang tuluyan kung ang mga libreng platforms din ay pawang nag-i-struggle sa audience?
God help us!!!
GORGY RULA:
Ang nakakatuwa lang sa mga film producers natin, hindi pa rin sila nawawalan ng pag-asa. Tuloy pa rin sila sa paggawa ng pelikula na ipalalabas sa mga sinehan.
Hindi pa rin kampante ang karamihan na papanoorin sa mga sinehan. Pero may ilang pelikulang inaasahan nilang makakabawi.
Umaasa sila sa A Very Good Girl ni Kathryn Bernardo na magsu-showing sa September 27. Sana nga, para meron naman tayong local film na mag-hit sa mga sinehan this year.
Noong nakausap namin si Romnick Sarmenta, talagang nakikiusap siya na sana panoorin ang pelikula nilang Wish You Were the One.
Pati sina Gina Alajar at Ricky Davao ay todo sa pagpu-promote ng Monday First Screening na magsu-showing sa August 30.
Si Sen. Bong Revilla naman ay sinabi na sa aming ang gagawin niyang pelikula ay pang-cinema at hindi pang-streaming apps.
Umaasa pa rin siyang babalik ang dating sigla ng mga sinehan.
Mahirap sa kanyang tanggaping tuluyan nang magsara ang mga sinehan at mamamayagpag ang streaming platforms.