JERRY OLEA:
Nanguna ang Love You Long Time nina Carlo Aquino at Eisel Serrano sa Top 10 Movies in the Philippines Today ng Netflix.
Ang nasabing movie ay isa sa walong official entries ng 1st Summer MMFF noong Abril 8-18, 2023.
Ang huling Pinoy movie na nanguna sa Netflix Philippines ay ang Seasons nina Carlo Aquino at Lovi Poe. Number 1 ito sa Netflix PH noong Hulyo 9-15, 2023. Nasa Top 10 ito hanggang noong Agosto 2.
Read: Seasons nina Carlo Aquino at Lovi Poe, nawala na sa Top 10 Movies ng Netflix PH
Take note na ang topgrosser sa Cinemalaya XIX: ilumiNasyon (Agosto 4 -13) ay ang animated movie na Iti Mapukpukaw, kung saan bida si Carlo Aquino. Co-stars niya rito sina Dolly de Leon at Gio Gahol.
Read: Mikoy Morales, Pat Tingjuy bag top acting awards in Cinemalaya 2023
Ang closing film ng Cinemalaya 2023 filmfest ay ang Third World Romance na ipinalabas noong Agosto 12, Sabado, sa PICC Cinema Rizal. Bida roon sina Carlo Aquino at Charlie Dizon.
Read: Cinemalaya 2023: 'Marupok AF' is opening film, 'Third World Romance' is closing film
Nag-theatrical release ang Third World Romance umpisa Agosto 16, Miyerkules.
Ang siyam pang pelikula na nasa Top 10 movies list ng Netflix Philippines ngayong Agosto 23, Miyerkules, ay Heart of Stone, The Monkey King, Jurassic World: Fallen Kingdom, Hard Target 2, Battleship, 47 Ronin, Street Kings, Dora and the Lost City of Gold, at 65.
Nasa Worth The Wait section ang Netflix film na What If? (coming September 7) nina Alessandra de Rossi at JM de Guzman, ganoon din ang 2016 movie nina Bea Alonzo at Gerald Anderson na How To Be Yours (wala pang streaming date).
Mula Hunyo 21 hanggang ngayon ay wala pang gawang Pinoy na nasa talaan ng Top 10 TV Shows ng Netflix Philippines.
Ang huling seryeng Pinoy na nasabing talaan ay ang Maria Clara at Ibarra.
Ang Top 10 TV Shows sa Netflix Philippines ngayong Agosto 23 ay Mask Girl, The Uncanny Counter, Behind Your Touch, Depp v. Heard, Mushoku Tensei: Jobless Reincarnation, King the Land, The Chosen One, When I Fly Towards You, My Happy Marriage, at Zombieverse.
Iyong Top 3 TV shows ay gawang-South Korean. Ganoon din ang dalawa pa, iyong King the Land at Zombieverse.
NOEL FERRER:
Ratsada si Carlo Aquino sa presence niya be it sa theaters o sa online.
Sana talaga, with all these projects — at tuluy-tuloy iyan, ha — they have made Carlo a bankable leading man and has established his mark as a good actor really!
Sana, tuluy-tuloy nang magbalik-sigla ang TV at pelikula sa lalong madaling panahon.
Ano na kaya ang nangyari sa Carlo-Ate Guy movie? Sana, matuloy pa rin yun… para pareho na niyang makasama ang Superstar at Star For All Seasons.
Way to go, Carlo!
GORGY RULA:
Streaming na rin sa Netflix ang Cinemalaya 2022 film na Blue Room nina Elijah Canlas at Juan Karlos Labajo.
Ang topgrosser ng 1st Summer MMFF na Here Comes the Groom ay kasama pa rin sa listahan ng Prime Top 10 in the Philippines.
Kaugnay sa founding anniversary ng Regal Entertainment ngayong Agosto, streaming na sa JuanFlix: The FDCP Channel ang siyam na provocative Regal films.
Ang mga ito ay Scorpio Nights ni Peque Gallaga; Waikiki at Isang Gabi, Tatlong Babae ni Elwood Perez; Sa Paraiso ni Efren at Laman ni Maryo J. de los Reyes; Sinner or Saint ni Mel Chionglo; Live Show at Minsan May Isang Puso ni Jose Javier Reyes; at Babae sa Bintana ni Chito S. Roño.
Ang subscription sa JuanFlix ay P99 kada buwan, at P499 kada taon.
Sa Setyembre ay ipagdiriwang ng FDCP (Film Development Council of the Philippines) ang 3rd Philippine Film Industry Month, kung saan pagpupugayan ang local comedians, kabilang sina Dolphy, Vice Ganda, Michael V, Eugene Domingo, at Ai-Ai dela Alas.
Read: Dolphy, Michael V, Vice, Ai-Ai, Eugene to be honored at 3rd Philippine Film Industry Month