JERRY OLEA:
Isang linggo nang namamayagpag ang pelikulang Love You Long Time nina Carlo Aquino at Eisel Serrano sa Netflix Philippines.
Numero uno ito sa talaan ng Top 10 Movies in the Philippines Today ng Netflix mula Agosto 23 hanggang 29, 2023.
Ang Love You Long Time ay isa sa official entries ng 1st Summer MMFF noong nakaraang Abril.
Ang pelikula nina Carlo at Charlie Dizon na Third World Romance ay nag-open sa local cinemas noong Agosto 16, Miyerkules. Nakadalawang linggo na ito sa mga sinehan.
Samantala, ang seryeng Kung Hindi Lang Tayo Sumuko ay nag-streaming sa Viva One umpisa noong Agosto 21, Lunes. Katambal dito ni Carlo si Coleen Garcia, at co-stars nila sina Jerome Ponce, Rhen Escaño, Ryza Cenon, at Kiko Estrada.
At sa Agosto 31, Huwebes, ay aawra na ang seryeng Comedy Island Philippines sa Prime Video. Kasama naman dito ni Carlo sina Andrea Brillantes, Rufa Mae Quinto, Jerald Napoles, Cai Cortez, Drew Arellano, Justine Luzares, at ang kontrobersyal na si Awra Briguela.
Abang-abang tayo kung magna-number 1 sa Prime Video itong Comedy Island Philippines kung saan bida-bida si Awra.
Read: Carlo Aquino, ratsada ang mga pelikula sa sinehan man o online
At any rate, ang Top 10 Movies sa Netflix Philippines ngayong Agosto 29, Martes, ay Love You Long Time, Killer Book Club, Heart of Stone, Jurassic World: Fallen Kingdom, The First Purge, The Monkey King, You Are So Not Invited To My Bat Mitzvah, Battle Ship, Street Kings, at 47 Ronin.
Ang Top 10 TV Shows in the Philippines Today sa Netflix ay Who Is Erin Carter?, The Uncanny Counter, Mask Girl, Destined With You, Baki Hanma, Behind Your Touch, Ragnarok, King the Land, Bleach, at Depp v. Heard.
GORGY RULA:
Ang huling Pinoy movie na rumatsada sa Netflix ay ang Seasons, kung saan katambal ni Carlo si Lovi Poe.
One week itong number 1 sa Netflix PH, mula Hulyo 9 hanggang 15.
Tingnan natin bukas kung malalampasan ng Love You Long Time ang record ng Seasons!
Read: Seasons nina Carlo Aquino at Lovi Poe, nawala na sa Top 10 Movies ng Netflix PH
NOEL FERRER:
Ang maganda, hindi man masyadong pinalad sa takilya ang Love You Long Time, ratsada naman ito sa Netflix. Pero hanggang kailan, malalaman natin!
So it seems with the current releases, it’s Carlo Aquino who is emerging as the most prolific actor in all the platforms.
Gawa lang nang gawa ng maganda, Caloy!!!