JERRY OLEA:
Dalawang araw nang nangunguna ang three-episode Comedy Island Philippines sa listahan ng Prime Top 10 in the Philippines.
Noong Agosto 31, Huwebes nag-umpisang mag-streaming sa Prime Video Philippines ang nasabing palabas, kung saan host si Drew Arellano.
Sa istorya, sunud-sunod na napunta sa Lulubog-Lilitaw na Isla ng Tawa-tawa ang pitong personalidad.
Una, si Carlo Aquino, The Nation’s Forever Crush. Pangalawa, ang nakatuwalya lang na si Jerald Napoles, Theater and Indie Film Chameleon.
Pangatlo, ang pinapangit na Soap Opera Princess na si Andrea “Blythe” Brillantes. Pang-apat, The Nation’s Favorite Bestie, Cai Cortez.
Panlima, ang Super B na si Rufa Mae Quinto. Pang-anim, The British Chismosa na si Justine Luzares aka Marites.
At pampito… Awra Briguela, Viral Sensation turned Comedy Superstar!!!
Ang logline ng Episode 1 na The Mysterious Island, “Carlo Aquino is hiding in a comic bookstore one minute. The next, he finds himself on a mysterious island, along with six other celebrities, being forced to participate in a game of life and death.
“They are then thrust into the first round of the games — a pageant where they must pass the crucial question and answer portion, using their wits to improvise, or else face dire consequences.”
Ang Prime Top 10 in the Philippines ngayong Setyembre 2, Sabado ay Comedy Island Philippines, The Wheel of Time, The Killing Vote, Red, White and Royal Blue, The Summer I Turned Pretty, Rurouni Kenshin, Heartbeat, Jujutsu Kaisen, Adik Sa ‘Yo, at Will You Be My Ex?.
Tatlo sa mga iyan ay pelikula, ang bromance na Red, White and Blue, Adik Sa ‘Yo nina JM de Guzman at Cindy Miranda, at Will You Be My Ex? nina Julia Barretto at Diego Loyzaga.
NOEL FERRER:
At least, umariba pa rin sa Prime Video Ph ang Comedy Island Philippines kahit kasama ang kontrobersyal na si Awra.
May forthcoming movie pa si Awra, ang Huling Sayaw kung saan bida sina Bugoy Cariño at Belle Mariano. Aarangkada kaya ito sa takilya?
At ang kaso niya, umuusad kaya?
GORGY RULA:
Yung movies ni Carlo Aquino na Seasons (with Lovi Poe) at Love You Long Time (with Eisel Serrano) ay parehong seven consecutive days na number 1 sa Top 10 Movies in the Philippines Today ng Netflix.
Maka-one week din kaya ang Comedy Island Philippines na nangunguna sa Prime Video?