JERRY OLEA:
Nagbabalik ang Pinoy Playlist Music Festival matapos magpahinga dahil sa COVID-19 pandemic.
Gaganapin ang Pinoy Playlist 2023 sa Setyembre 29 at 30, at Oktubre 1, 2023, sa BGC Arts Center, Taguig City.
Ang curators ay sina National Artist Ryan Cayabyab aka Mr. C, Moy Ortiz, Maria Isabel Garcia, at Ka-Troikang Noel Ferrer.
Read: Singers ng GMA-7 at ABS-CBN, sasabak sa Pinoy Playlist Music Festival 2019
“Ang maganda sa pagbabalik ng Pinoy Playlist ay nagbalik din yung tinatawag namin na… we call it the Ryan Cayabyab Awards,” lahad ni Mr. C noong Setyembre 5, Martes sa CCP Annex, Pasay City.
“Medyo nahihiya ako na ipinapangalan nila sa pangalan ko. But aside from yung gusto naming gawin, na we want all types of music, pero Filipino music.
“So we have classical singers. I’m talking about trained opera singers, singing kundiman.
“Then yung opening namin, merong magkukulintang, merong magbabandurya, ganyan. Para lang to give you a semblance of the diversity of Filipino music.
“But of course, you would understand na maraming popular acts, so iba-iba pa yon. Popular music, band music, jazz music, rock bands. So iba-iba.
“And this is what Pinoy Playlist Music Festival wants to do.”
Ang Ryan Cayabyab Awardees ng nasabing musicfest ngayong taon sina Regine Velasquez, Mel Villena, at Alfonso “Coke” Bolipata.
Sabi ni Maestro Ryan, “Mel Villena is the head of AMP, and a very good jazz musician, and conductor-arranger.
“We are honoring Coke Bolipata for championing education. Meaning, training young violinists, string players in the province. Sa probinsiya nila.
“So iyan, binibigyan natin ng importansya yung… if you notice, laging parang may educators. Hindi lang yung entertainers.”
Kabilang sa previous Ryan Cayabyab Awardees ng Pinoy Playlist sina Jose Mari Chan, Pilita Corrales, Jonathan Velasco, Mrs. Carmencita Arambulo, at Onofre Pagsanghan o Mr. Pagsi ng Dulaang Sibol.
Dagdag ni Mr. C, “We want to honor everyone who has contributed. So I’m very, very happy with the movement of Pinoy Playlist.”
Read: Ryan Cayabyab still uncomfortable with National Artist title
View this post on Instagram
GORGY RULA:
Ipinagtapat ni Mr. C na marami silang network o galamay kaya nabubuo nila ang line-up ng music artists para sa Pinoy Playlist.
“Tapos yung mga networks na yun, sila yung magbibigay ng suggestions,” saad ni Mr. C.
“Besides marami kaming kilala na you know, yung sa Vis-pop. That’s why we also invited Visayan pop. That’s why we have regional artists. Kasi very important sa amin yun, e, na merong representation ang regional music.
“Kasi, dun manggagaling yung infusion ng magiging bagong Filipino pop music. Hindi naman lahat dito sa Manila galing. Meron silang mga ideas nila, e.
“At case in point, iba ang tunog ng Visayan songs na pop. Iba yung tunog ng Ilocano songs in pop. Iba yung tunog ng Kapampangan songs na pop.
“Iba siya dahil reflection ng language nila. Very unique. Hindi siya puwedeng maging tunog na parang Tagalog lang, kasi hindi pareho ng inflection.
“Which is why we’re always excited to listen to new songs coming from the regions because nag-e-experiment na sila ng kanilang tunog. They have embraced their language to communicate pop music.
“I will tell you why this is important. Kasi dati, lahat… kahit kami, nung umpisa lahat kami, nag-i-English songs. Kasi, gusto naming makilala, we want to penetrate international market. Everybody thinks that way.
“So the regional composers, they want to make it big in Manila, they try to write in Tagalog.
“But we told them, ‘Write in your language because it’s very facile in you. Ang dali-dali nyong i-express.’
“Di ba, kung ikaw ay Visaya, and you write your songs in Visaya, it’s so natural. Hindi siya tunog-kaiba. Kasi yun ang natural inflection mo, e.”
Magpapakitang-gilas sa Day 1 (Setyembre 29, Biyernes) ng Pinoy Playlist 2023 sina Abby Clutario, Adjeng, Jasmine & Noel, Joey Ayala, Mijon, Pauline Cueto, Raven, Sam Concepcion, Simon Tan Walotao, Sitti, at Tamara.
Magpapasiklab sa Day 2 (Setyembre 30, Sabado) sina Autotelic, Ebe Dancel, Haru, Kammerchor Manila, Leanne and Naara, Of Mercury, Rivermaya, The Edralins, Viñas Deluxe with Winter Sheason Nicole & Tiny Deluxe, Viva, Vicor, & Wild Dreams Records Artists: Amiel Sol, Matt Wilson, Nicole Abuda & Rob Deniel, at Young Cocoa.
Tampok sa Day 3 (Oktubre 1, Linggo) sina Arman Ferrer, Davey Langit, Debonair District, Gary Granada, Jenine Teñoso, Lara Maigue & Gian Magdangal, Nica del Rosario, Room for Cielo, Therese Villarante’s Girl With A Broken String featuring Ivy Gallur & James Gulles, at The Nightingales.
Pagpupugayan si Regine Velasquez-Alcasid, at may special tribute performances sina Katrina Velarde, Phi Palmos, Trina Belarmide, Ima Castro, Sweet Plantado-Tiongson, Jona, at Jed Madela.
NOEL FERRER:
Ito na ang pagbabalik ng actual face-to-face festival talaga ng Pinoy Playlist! Ang saya lang at buhay na buhay ang live concert scene!!!
Kaalinsabay ng mga gigs at awarding, magkakaroon din ng iba’t ibang fora or conversations sa festival. Ito’y gaganapin araw-araw.
September 29, Friday 4:00-5:30 p.m.: "Filipino Songwriting: From Dreams to Sheet" with Jonathan Manalo, Trina Belamide and Moy Ortiz.
September 30, Saturday 5:00-6:30 p.m.: "AI: Friend or Foe in Filipino Music?" with Gino Cruz, Marlon Barnuevo, Thyro Alfaro, and Maribel Garcia.
October 1, Sunday 4:00-5:30 p.m.: "The Difficult Filipino Audience (Perfect Ka, Teh?)" with Floy Quintos, Dexter Santos, Paolo Valenciano, and yours truly.
Buung-buo ang programa ng festival: may performance, may parangal at may education component pa.
Hanggang Sabado, September 16, na lang ang early bird passes, tapos magiging regular prices na ang available sa Ticketworld para sa Pinoy Playlist Music Festival.
Magkita-kita tayo sa BGC Arts Center sa katapusan ng buwang ito hanggang October 1!!!
Mabuhay ang Musikang Pilipino!!!