JERRY OLEA:
Nag-showbiz na ang 21-anyos na si Atasha Muhlach, daughter nina Aga Muhlach at Charlene Gonzalez. Pumirma na ito sa Viva.
Read: Atasha Muhlach, tinapos muna ang pag-aaral bago sumabak sa showbiz
Sabi ni Charlene, ayaw niyang tanungin ang kakambal ni Atasha na si Andres Muhlach kung papasukin din ba nito ang showbiz.
Mag-aartista na rin ba ang 6’2” na si Andres?
“E, siyempre iniisip ko pa, e,” sambit ng binata sa huling gabi ng lamay ni Manay Ethel Ramos nitong Setyembre 13, 2023, Miyerkules, sa Nacional Chapels & Crematory, G. Araneta Avenue, Quezon City.
“So, kung may possibilities, may options, that’s it. That’s all I can say.”
Ten years old pa lang si Atasha ay gusto na nitong mag-artista. Nagsabi ito sa parents nila ng pangarap nito.
Si Andres ba, ipapaalam din kina Aga at Charlene kung gusto na niyang pasukin ang pag-aartista?
“We’ll see if the opportunity is there na, why not, di ba? Pero I’m still thinking about the options and opportunities, so we’ll see.”
May isang taon pa bago matapos ni Andres ang kursong Business and Communication sa isang university sa Spain. Online na lang ang classes niya, kaya sa Pilipinas na siya mananatili. Nakatuon muna ang pansin niya sa studies.
Read: Aga Muhlach proud of Atasha, Andres living abroad: 'Natututo silang mag-budget ng pera nila.'
Kahit wala siya sa showbiz, isa siya sa mga Crush ng Bayan. Anong nararamdaman niya dun?
Natawa at napailing si Andres, “Well, you know, first I appreciate the love. I appreciate the love a lot. Thank you, that’s a lot of love.
“But… I don’t know. I got that from my dad, I guess, and my mom.”
Sabi pa ni Aga, mas mabait siya kesa rito!
“Ahhhwww!” tila nahihiyang bulalas ni Andres.
“Depende, depende, depende. Pero we’ll see.”
Paano lumaki ang isang Andres na ang parents ay showbiz royalty?
“Honestly it feels normal lang. I never really saw them na showbiz talaga. I just saw them as my parents,” lahad ni Andres.
“That’s really how it was. I grew up normally lang.”
Sabi ni Charlene, nabalanse ang pagpapalaki sa kambal na sina Andres at Atasha dahil sa probinsya ng Batangas sila nakatira, at sa BGC nag-aral.
Si Aga naman, mula 2011 ay nag-lie low na sa showbiz para matutukan ang growing up years ng mga supling.
“Yeah, yeah, yeah. So we grew up in Batangas, probinsiya, you know. We just grew up playing outdoors a lot outside,” pagtatapat ni Andres.
“Away from technology. Growing up, I got my cellphone… end of Grade 9. First year high school.
“So I grew up playing sports, you know, playing outside. Biking. Hiking, doing things like that, yan lang.”
NOEL FERRER:
Ang cute-cute ni Andres sa Tiktok video na nagsasayaw. Mana sa parents!
@aamuhlach their first tiktok vid together ???????? #andresmuhlach #atashamuhlach #twins #twinstiktok #muhlachtwins ? original sound - Andres Muhlach
“I love to dance, you know. I learned it from my mom and my dad. So I just love to move, I love to dance,” sabi ni Andres.
Pagdating sa singing, pakiwari ni Andres ay hindi niya kaya.
Favorite sports ni Andres ang basketball. Halos araw-araw ay nagba-basketball siya.
Bago nag-New York si Grae Fernandez ay nakakalaro ito ni Andres sa basketball. Kaibigan din ni Andres si Benj Pangilinan, singer na kapatid ni Donny Pangilinan. Nakaka-basketball din ni Andres ang relative niyang si Andoy Muhlach.
Nakakatuwa na friendly ang mga anak nina Aga at Charlene sa press, at may instant crush ng press in Andres. The tradition continues.
GORGY RULA:
Andaming nagpa-picture kay Andres Muhlach sa unang pa lang gabi ng lamay ni Manay Ethel Ramos noong Setyembre 11, Lunes.
Biniro tuloy ng press people si Aga na inuna pa ang pagpapa-picture kay Andres kesa sa kanya.
6’2” si Andres, mas matangkad sa parents niyang sina Aga at Charlene.
Sa edad na 21 ay hindi pa siya nagkaka-girlfriend.
Kumusta ang pamumuhay niya noon nang independent sa Spain habang nag-aaral siya?
“Ang saya! Super-saya! That’s the best part talaga. Like, being able to walk to school every day,” lahad ng Andres.
“Forty minutes to go to school, forty minutes to go back.”
Maganda ang transpo system ng Spain, ah?
“Yeah, maganda. Pero I really love to walk talaga. Especially in Madrid.”
Tinitipid ni Andres ang kanyang allowance. Bilang na bilang din ang binibili niya sa grocery. Pati mga barya ay binibilang niya para mapagkasya niya ang budget.
“I do my own laundry. I cook my own food.”
Proud siya sa niluluto niyang chicken mechado. Mahilig siyang kumain ng chicken.
Nag-aadobong baboy siya?
“No, no. I usually eat chicken and rice everyday, ganun lang,” sey pa ni Andres.