JERRY OLEA:
Kikiligin ang fans nina Gabby Concepcion at Sharon Cuneta sa concert nilang Dear Heart.
Read: Gabby Concepcion ribs Sharon Cuneta: "Concepcion nung araw ito, e."
“It’s songs that if you grow up with us… siyempre lahat tayo, all the Sharon-Gabby fans, all our followers, have grown up with us, are now parents also,” lahad ni Megastar sa mediacon nitong Setyembre 15, 2023, Biyernes ng hapon, sa Okada Manila.
“This is a trip down memory lane. It’s our story. And there’s going to be… it will have a thread through it. It will have a story.
“It wil have memorable, memorable moments. If you know us very well, you will recall your teenage years, and the movies that we made that made you love us
“This is an honest-to-goodness concert. At hindi ako magpapaka… parang si Regine [Velasquez].
“When Regine and I performed together, we all know Regine’s voice, right? Her power. And kahit walang mic, kaya niyang kumanta nang madidinig nang hanggang dulo ng Araneta o MoA.
“But Regine is such a generous co-performer. Na pag sinabi kong, ‘OK lang yan, magpa-halimaw ka diyan, kasi ikaw yan!’
“Tapos sasabihin niya, ‘Hindi, Ate, meron naman akong solo, e.’
“So, I will not… kumbaga, Gabby can expect me to have his back. I will work with him, and the show will be great na walang sapawan.
“Aalalay ako kung kailangan. And alam niyo naman, comfort zone ko yung stage. Puwede nga akong humiga dun, matulog.
“Magmula nung nene ako, dun na ako, e. Any stage. So, parang I know he’s not used to a big venue like this, much less a full concert.
“So I will be there for him. I’ll make alalay. Ang request ko lang… buuin niya yung mga kanta. Ha! Ha! Ha! Ha!
“May boses naman si Gab. Oy! Ang vocal coach niya nung ni-record niya yung 'Come What May'… ako.
“Talon ako nang talon pag maganda. Kasi boyfriend ko siya, OK.”
Kabilang sa mga pelikulang pinagtambalan nina Sharon at Gabby ang Dear Heart (1981), P.S. I Love You (1981), My Only Love (1982), Dapat Ka Bang Mahalin? (1984), Sa Hirap at Ginhawa (1984), Pati Ba Pintig ng Puso? (1985), Bakit Ikaw Pa Rin? (1990), Una Kang Naging Akin (1991), at Tayong Dalawa (1992).
Nag-cameo si Gabby sa BFF: Best Friends Forever (2009) kung saan “pinagsaluhan” nina Sharon at Ai-Ai delas Alas si John Estrada.
May isang number si Sharon Cuneta kung saan kasama niya ang tatlong panauhin.
“Sabihin na lang natin na mga established singers yung kasama ko. Dun lang ako… totoong singer na singer, ha!” bulalas ni Ate Shawie.
“Ilalabas ko lahat ng natutunan ko kay Regine at kay Mama Helen [Gamboa]. Dun lang. Pero the whole show will be Gabby and Sharon.
“And by the way… ngayon ko na sasabihin ito. Dapat pag may pelikula, una talaga si Gabby sa billing.
“Kasi it’s been Sharon and then him since Dear Heart. And I feel na… he’s not happy with that. And rightly so.
“Pero sa pagkanta, Sharon muna. Kasi, 12 ako nag-start! Saka singer ako! So yun naman.”
Sa invite para sa mediacon ng Dear Heart concert, ganoon din sa litrato sa LED screen sa mediacon, una ang pangalan ni Gabby. Hindi nilagyan ng “and” ang pangalan ni Sharon.
Pagdidiin ni Mega, “Wala akong problema dun. Diyos ko! I know my place in the business. Anyone knows what I’ve worked for, what I’ve arrived at, where I am.
“There’s nothing I have to prove but I need to give that respect to Gabby. It makes me happy. It will make me happy.
“Pero sa concert, una ako, ha? Kasi dun lang tayo sa totoo. Pero sa pelikula, pag gagawa man kami, dapat talaga mauna siya sa billing.”
Three-part ang grand reunion nina Sharon at Gabby.
Ang centerpiece ng spectacular reunion ay sa Oktubre 27 sa SM MoA Arena. Available ang tickets sa SM Tickets outlets nationwide.
Kasunod nito ang special VIP Night sa Oktubre 30 sa Grand Ballroom ng Okada Manila. May ticket booth ito roon, o makipag-alam sa NY Entourage Products, 0977 081 1006 (Globe) or 0999 909 7610 (Smart).
Para sa mga taga-South, ang Dear Heart concert ay gaganapin sa Nobyembre 17 sa NuStar Hotel ng Cebu City. Para sa tiket, makipag-alam kay Cathy Ngo (0999 108 4162, or 0917 177 7469), o Beatriz Cabahug (0925 777 1843).
GORGY RULA:
Kasama sa gimmick at sa publicity ng Dear Heart concert nina Sharon Cuneta at Gabby Concepcion na hindi sila magkikita sa promo ng kanilang concert, kundi sa mismong concert na.
Kahit sa pictorial nito ay hindi rin sila magkasama, at pati sa mediacon at mga promo guestings nila.
"Yun ang plano kasi. Part of the plans, publicity sa gimmick na hindi kami magkikita until the show. In fact, wala kaming rehearsals together.
"So, yeah, sa show na lang kami magkikita para yung reaction namin para..." pahayag ni Gabby sa mediacon ng concert nila.
Challenge nga sa kanilang dalawa dahil may mga duets sila sa concert, pero hindi sila magkasama sa rehearsals.
"Magkakaroon kami ng duets. Yun siguro ang mahirap pag hindi kami magkakasama, iisipin mo na lang na parang karaoke ito.
“Kasi pag nagkakaraoke tayo, di ba, hindi nga natin alam kung sino ang ka-duet natin e. Mga barkada, mga kaibigan, walang rehe-rehearsal, but we managed. Hopefully, we can do this.
"With enough practice on our own, we can deliver something that has value. Challenge din para sa amin, because we've never done anything like this," dagdag niyang pahayag.
Pero hindi rin naiwasan, nagkita naman sila sa mediacon, dahil bago nagpaalam si Gabby ay lumabas na si Sharon kaya nakunan din sila ng litratong magkasama.
Hanggang doon na lang daw, dahil ang susunod nilang pagkikita ay sa mismong concert na sa October 27 na gaganapin sa SM MoA Arena.
Read: Sharon Cuneta, Gabby Concepcion nagkita uli nang personal for the FIRST TIME!
NOEL FERRER:
Natawa si Sharon nang tinanong kung anong klaseng challenge sa kanya na si Gabby ang kasama niyang mag-perform sa stage.
Ibang-iba ito sa mga nakakasama niya noon na talagang mga kilalang concert performers.
"Malaki! Malaki in a happy way," natatawang pakli ng Megastar.
"Alam ko lang na magtatrabaho talaga ako... na kakanta ako. Pero in terms of preparation, hindi ako nagpi-prepare ng vocal gymnastics.
"Ano lang, relax lang. Feel good lang. Good vibes lang.
"Looking forward lang ako na mapasaya yung audience. Yun lang talaga yung gusto ko, mapasaya lang talaga yung audience, magpakilig, mag-memories kayo, magpa-reminisce kayo," sabi pa ni Sharon.
Ibang-ibang show nga raw ito, sabi ni Gabby.
"Pag nagsu-show ako, hindi ako yung typical show na ginagawa nina Ogie, nina Martin, nina Gary, ganyan!” sey ni Gabby.
"Siyempre ako, I started out as an actor, and yun ang aking first love. Pero meron akong disclaimer. Lahat po ng gagawin kong kanta, I will just turn into acting out.
"So, pakinggan na lang ho ninyo kung magiging okay yung ano, mga kanta ko, pumalakpak na lang kayo kung okay yung acting ko.”
Basta, sa wakas natuloy din ito…. At tayong mga lumaki na kasama sila, hopia that everything will go well… Love, love, love forever!!!