JERRY OLEA:
Hindi sukat akalain ni Dimples Romana na sa edad nila ni Christian Vazquez ay saka sila magiging magka-“love team” sa teleseryeng The Iron Heart.
"It’s so weird, di ba?" sabi ni Dimples sa katabing si Christian sa final mediacon ng The Iron Heart noong Setyembre 28, 2023, Huwebes, sa Seda Vertis North Hotel, Quezon City.
"Like Kuya and I, we’ve been very good friends since Lorenzo’s Time pa, and then Bagani. Dun mas maiksi pa ang skirt niya kesa sa skirt ko. Di ba, Kuya?"
Ang Lorenzo's Time ay Kapamilya prime-time series na pinalabas noong 2012.
Kaya proud si Dimples na maganda ang resulta ng trabaho nila ni Christian sa The Iron Heart.
Kinausap pa raw niya ang director ng serye na si Lester Pimentel Ong tungkol rito.
"Last night I was talking to Direk Lester because they have just opened Wangfu in SM Sucat, ‘no?
"So, I was talking to him and I said, ‘Direk, grabe! Ang lakas pala ng SerCus, ‘no? Yung parang Selene and Orcus.
"And I think it’s very nice that we welcome love in all ages because it really happens like that naman in real life.
"Kagaya na lang si Kuya, hindi mo naman masabing 62 na siya, di ba? Ha! Ha! Ha! Ha! Kuya!" pagbibiro ni Dimples sabay hawak sa balikat ni Christian.
Napayuko at napailing si Christian sa hirit ni Dimples.
Paglilinaw ni Christian, "Natutulog ako nang maaga pero hindi naman ako 62. Forty-six lang, forty-six."
Sambot ni Dimples, "At looking good!"
Pagpapatuloy ni Christian, "Ikaw na ang nagsabi niyan. Pero tama nga naman, di ba? Yun naman talaga, yung love naman, wala namang pinipiling age, e.
"Sa lahat ng edad, di ba, andun naman yung love. Lahat naman, nakaka-experience ng kilig.
"So, nakakatuwa. Very unexpected na may lumabas na ganyan sa ating dalawa."
Hirit ni Dimples, magaling si Christian.
Sabi naman ng simpatikong aktor, "Hindi, hindi naman yun. It takes two to tango, remember."
Sundot ni Dimples, "Pero kasi, the whole time naman, iritang-irita lang ako sa kanya! Di ba? Cute ba kami?"
Dalawang linggo na lamang ang The Iron Heart at magwawakas na.
GORGY RULA:
Andaming magagandang memories si Christian sa The Iron Heart. Andiyan ang bonding moments nila sa breakfast, sa pool, at sa taping.
Salaysay ni Christian, "I think, ang pinaka-memorable dito is yung relationship talaga na na-build naming lahat. Mahirap isa-isahin, e. Kasi, sa sobrang dami.
"Magkaiba kami ng ideas. Ang ideologies namin, iba’t iba, pero we have so much respect for each other na hindi kami nagkakaroon ng conflict pagdating sa trabaho.
"Siguro, minsan meron, normal lang naman yan. Pero we have so much respect for each other, at yan siguro ang hindi ko makakalimutan at dadalhin ko habang buhay.
"Kasi sa next project mo, yun ang matatandaan mo, e. Yun ang dala-dala mo, yung respect talaga, e.
"Kasi kung hindi kami siguro ganyan, na wala kaming respect, baka puro gulo siguro. Kasi mahirap yung ginagawa namin. Yun.
"At saka ang memorable din yung isang beses, may eksena kami ni Dimples, ang lapit ko sa kanya, bigla na lang natawa siya.
"Lahat ng laway niya, pumunta sa mukha ko! Ha! Ha! Ha! Ha!
"Hindi, hindi, hindi! Joke lang! Joke lang… joke lang. Hindi naman lahat. Konti lang.”
NOEL FERRER:
Ibang klase rin ang na-achieve ng The Iron Heart, ‘no? Tumagal din siya at napangatawanan ng ABS-CBN kahit logistically, very demanding siya.
Nag-shoot sila sa Cebu, Iloilo at sa ibang bansa. Congratulations kina Dimples at Christian na naging magka-love team bilang SerCus.
Magaling naman silang mga artista kaya naitawid nila iyan kahit make believe lang naman talaga!!! May follow-up project na ba ang kanilang tambalan?
Ang balita namin, balik-GMA 7 si Christian, samantalang inaayos na ang next project ni Dimples sa ABS-CBN.
Keep up the good work and all the best to the hardworking The Iron Heart team!