JERRY OLEA
Kilig na kilig ang plantitas at plantitos ng Pinoy BL series na My Plantito sa fan meet sa Puregold QI Central, E. Rodriguez Sr. Avenue, Quezon City, noong Setyembre 16, 2023.
Sweet-sweet-an sina Charming Charlie (karakter ni Kych Minemoto) at Miko Plantito (karakter ni Michael Ver).
Read: Kych Minemoto, totoong kinilig sa 'My Plantito' leading man na si Michael Ver
Present din ang iba pang cast members ng first BL series ng Puregold Channel na sina Ghaelo Salva, Devi Descartin, Elora Espano, and Derrick Lauchengco.
Sa video message ni Michael na natanggap ng PEP Troika nitong Oktubre 2, Lunes, via Messenger, sinabi niyang, “Actually it was a fun experience, seeing all the cast of My Plantito once again, and it was a memorable one, kasi it’s our first time seeing together with Kych onstage and being there with the cast of My Plantito, the Puregold family, Sir Chris Cahilig, Direk Lem Llorca, and the people behind My Plantito.
“I was so happy and it was really a memorable experience.”
Via audio file, ang lahad naman ni Kych, “Actually, masaya po ako na muling makita po si Michael, especially matagal na rin po kaming hindi nakakapagkita.
“Yung last na pagkikita pa po namin is yung shoot lang po namin sa My Plantito. Pero from time to time, nagkukumustahan naman po kami through Instagram.
“At the same time, masaya rin po ako, kasi nakasama rin po namin yung cast ng My Plantito, at yung mga solid supporters ng My Plantito na laging nagpapa-trending sa amin every time na may episode. Grabe! Sobrang salamat talaga!
“Yun na rin ang way namin para makapag-give back sa kanila, mapasaya sila. Yung mga grocery hakot award, grabe! Dream come true talaga para maghatak-hatakan ng grocery in one minute.”
Anu-anong beautiful memories ang naiwan sa kanila ng TikTok series na My Plantito?
Sagot ni Kych, “Ang masasabi kong masasayang memory namin… isa sa masasayang memory namin is pag nag-aantay kami ng set-up during break. Yung mga kuwentuhan namin, especially yung mas makikilala mo yung co-actors mo, co-workers mo. Kasi dun yung time talaga na ano, e.
“Medyo busy sa work, busy sa work, kasi aral sa script. Pero may mga times din kasi na dun kayo magkukuwentuhan, dun kayo mas magkakakilalanan ng co-actors mo.
“Mas nakilala ko talaga si Michael dun, kung ano ang ginagawa niya sa life niya, kung ano ba ang trip niya. Mahilig din pala siya sa sports, marami siyang ginagawang sports.
“So, yung mga ganung simpleng bagay. Pati every lunch time, ang dami naming pagkain lagi!”
NOEL FERRER
Lubos ang pasasalamat nina Michael at Kych sa ardent viewers and supporters ng kanilang BL series.
Pahayag ni Michael, “My supporters naman sa Michael and Kych, please do keep on supporting My Plantito.
“And grabe, grabe yung support niyo, guys, from the TikTok and throughout social media, always tayo trending sa X.
“Maraming-maraming salamat po and please do continue to support our next episode.”
Sabi naman ni Kych, “Muli, gusto ko pong magbigay ng libu-libong pasasalamat sa lahat ng sumusuporta at naniniwala sa My Plantito.
“At the same time, subaybayan niyo pa po ito. Gusto ko muling magpasalamat sa mga pa-trending ninyo. Lagi kaming nagte-trending sa X every time na magda-drop ng episode. Sobrang maraming salamat.
“Nakikita rin po namin yung mga sine-share niyo, saka yung mga ine-edit ninyong photos, videos for us. Sobrang maraming salamat po.
“And sana abangan nyo pa ang mga susunod na mangyayari. Kasi hindi natin alam kung ano ang gagawin ni Charlie. So, abangan po natin yan lahat! Muli, salamat po!”
GORGY RULA
Present din sa My Plantito fan meet ang producer na si Direk Chris Cahilig, ang direktor na si Lemuel Lorca, at ang Puregold senior marketing manager na si Ms. Ivy Hayagan-Piedad. Ang nag-host ay si VJ Mendoza.
Tuwang-tuwa si Ms. Ivy sa pagdagsa ng fans sa event. Aniya, “My Plantito’s multitude of fans —BL lovers and plantitos and plantitas — showed up to express their heartwarming support for the series, proving that Puregold is on track with its retailtainment efforts.
“Trust that we will continue to connect with our customers and followers with more stories that resonate with Filipino romcom lovers.”
Highlight ng event ang performance nina Kych at Michael, who brought the characters of Charlie and Miko to life right before the eyes of their adoring fans.
Siyanga pala, may upcoming endorsement and commercial si Michael pero confidential pa iyon. Sundan na lang daw ang social media accounts niya sa Instagram, Facebook at TikTok.
Kuwento naman ni Kych, “May ilan pa po akong pelikulang lalabas pero hindi ko pa po puwedeng sabihin. Pero sana po, this year, ilabas na rin po siya.
“At the same time, nagsu-shoot po ako ng show ko, ‘Sama Ka Sa Kych,’ ayan. Dito po, sumasama sa akin ang mga random strangers at nakikipagkuwentuhan tayo sa kanila.
“Nagbibigay sila ng kuwento ng buhay nila na puwedeng mapulutan natin ng aral. At the same time, puwede po tayong makakuha dito ng mga nakakatawang energy.
“Kasi, medyo fun-fun lang po talaga ito. Gusto ko lang pong mag-enjoy tayo, at the same time, may natututunan tayo.
“At ayun, meron din po kaming gagawin na isang content na ‘Kych or Tell,’ so sana abangan niyo yan, at makita nyo ang aming gagawin. Thank you so much!”