JERRY OLEA
Wagas ang pagpupugay ni Jed Madela kay Regine Velasquez sa Pinoy Playlist Music Festival 2023 noong Oktubre 1, 2023, Linggo ng gabi, sa Globe Auditorium ng BGC Arts Center, Taguig City.
Read: Regine Velasquez, humulas ang makeup sa pa-tribute sa kanya
Pagtatapat ni Jed, “Haay, ninenerbiyos po ako. Kasi normally pag inia-announce yung pangalan ko, kanta agad.
“Pero I just wanna take this chance to thank Ate Reg. Thank you very much for opening so much for all of us.
“A lot of opportunities, a lot of doors, windows and a whole lot more. Maraming-maraming salamat! Hindi mo lang alam kung gaano ka ka-influential sa aming lahat.
"Isang example, yung isang bata na galing Iloilo, na… humanga sa isang Regine Velasquez.
“I remember collecting my baon when I was in high school. Kasi gusto kong bumili ng cassette ni Ate Reg.
“Yung unang-unang cassette na nabili ko, na pinaghirapan ko, ay ang kanyang 1990 album. Yung may 'Narito Ako.'
“Kasi, yun ang pinaka-goal ko — kailangang maabot ko yung kantang yon.
“Pero ang malas ko, nung time na yun, dun po umiba yung boses ko. Hindi ko na naabot… for a while. For a while.”
Hiyawan at palakpakan ang mga tao.
Read: Jed Madela deeply touched by Cotabato school naming a section after him
Pagpapatuloy ni Jed, “Pero seryoso po, Ate Reg, you have inspired me so much to the point na minsan, naririnig ko na yung boses mo sa boses ko.
“At hinihingi na ng mga audience na sampolin ko yung boses mo lagi. Naging part na ng mga concerts ko.
“But you know what, looking back, it has been a wonderful experience. Looking up to you, listening to your songs, watching your concerts.
“The very, very first concert that I watched was in 1997, your Retro concert sa Folk Arts Theater.
"Siyempre nandun po ako sa pinakalikod. Kasi hindi pa po ako maka-afford ng VIP seats. Galing po akong Iloilo, nag-eroplano pa po ako para makapanood ng concert.
“At hindi ko makakalimutan nung sumasayaw po si Ate Reg, nahulog po siya.
“Sobrang worried po kaming lahat. Pero… pro. The show went on.
“And… andami kong memories. We were talking sa likod, yung mga memories namin. Andami.
“And one memory that I will never ever forget is when I guested in one of your shows. At binato mo ako ng sapatos mo.
“Na inaantay ko pa ngayong yung LV mong denim na bakya, alright.
“So, anyway, andami ko pang puwedeng ikuwento. That little boy in Iloilo who just wanted to sing.
“Hinanap ko ang manager mo, Ate Reg. Yun, naging unang manager ko din, si Tito Ronnie Henares.
“And you know everything just went on, and it’s such a wonderful experience.”
Inawit ni Jed ang bersiyon niya ng Regine Velasquez song na "Kung Maibabalik Ko Lang." Ni-record niya iyon para sa kanyang unang album.
Read: Regine Velasquez, gagawaran ng Ryan Cayabyab Awards sa Pinoy Playlist 2023
NOEL FERRER
Sobrang bilib at genuine ang pagmamahal ni Jed Madela kina Regine Velasquez at Martin Nievera na talagang mabait at sumusuporta sa junior talents na tulad niya.
Kaya sila rin ang gusto ni Jed sana na maging guests niya sa 20th anniversary niya na Here And Now sa The Theater Solaire.
Regine deserves all the honors dahil bukod sa napakagaling na, napakabait pang tao. So generous din sa pagme-mentor sa mga baguhang talents na mark ng isang established at secure na artist.
Regine is truly a good benchmark of artistry and goodwill, isang huwaran para sa isang disipulo ni Ate Reg tulad ni Jed.
Incidentally, Jed is also slated to have his art/toys exhibit entitled VuDu: FINDING THE PURPOSE OF ME by Jed Madela, Coming to Sin•Ta Art Gallery this October 14, 2023.
Multi-talented indeed! Kakaiba rin si Jed Madela talaga!!!
GORGY RULA
Si Jed ang panghuling artist na nagpugay kay Regine noong gabing iyon.
Nauna sina Katrina Velarde, Phi Palmos, Jona, Trina Belamide, Iwa Castro, at Sweet Plantado-Tiongson.
Lahad ni Trina, “Isang malaking karangalan para sa kahit na sinong songwriter ang magsulat ng kanta para kay Ms. Regine Velasquez. What a big honor!
“And ako, sobrang suwerte ko. Kasi si Regine, hindi lang isang kanta ko, dalawang kanta, not three, not four, not five.
“Alam niyo kung ilan? Kung tama ang aking bilang… nineteen! So I am so honored to call her my suki. Ha! Ha! Ha! Suking-suki.
“And you know, working with Reg behind the scenes is always such a pleasure. Kasi napakahusay ho talaga ni Regine mag-recording.
“Trivia: yung 'Reason Enough'… Pag pinakinggan nyo yun, that was one take, I still remember. Meron lang siyang kyinur nang konti sa bandang huli siguro.
“Pero grabe, ang galing! Nung time na yun, ino-observe ko siya. Hinihintay ko siyang magkamali, e.
“Pero tumuluy-tuloy hanggang dun sa adlib, dire-diretso. Sabi ko, ‘Ay! Ang ganda na! OK na siya.’ So, ang galing.
“Si Regine, we all know, has so many talents. Bukod sa pagkanta… acting, pagluluto.”
“Dancer,” hirit ni Regine.
Dagdag ni Trina, “Dancer, yes, I know. Ahh make-up, ano pa? Marami siyang talents pero buti na lang, hindi kasama yung songwriting.
“My God! Hindi kasama ang songwriting.
“Pero eto na, itong si Ogie [Alcasid], sabi ba naman sa akin, ‘Yung asawa ko nga, you know she was really good, ha? I wanna encourage her, you know. I wanna encourage her songwriting.’
“Sabi ko, ‘Huwag mo nang i-encourage! Huwag na! Iwan mo na sa amin yun! Ogie naman, e! Mawawalan kami ng negosyo.’
“Alam niyo, sa sobrang bait ni Reg, hindi na lang siya magsusulat ng songs. Para pagbigyan kami.
“Di ba, Reg? Please don’t write songs. Huwag na! Iwan mo na lang sa amin yun!
“Seriously, sa sobrang bait ni Reg, I’ve seen her, she’s so generous with her music and her time.
“Niyaya ko siyang mag-record dati ng isang song for an advocacy album, yung Pagbabago. A song called 'Ako Na.' She said yes.
“Tapos nung niyaya ko rin siya nung 25th anniversary ko, e, sino ba naman ako? Munting celebration sa 12 Monkeys.
“And sabi ko, ‘I cannot celebrate my 25th without Regine.’ Hindi puwede. Kasi, if there is one artist who has made the biggest impact to my career, isa lang tao lang… si Reg lang yun.”