JERRY OLEA
Ini-announce ng MMFF ExeComm ang First 4 entries ng 49th Metro Manila Film Festival noong Hulyo 10, 2023, sa bagong gusali ng MMDA sa Doña Julia Vargas Avenue, Pasig City.
Mula sa 26 screenplays ay apat ang napili.
Ang mga ito ay ang Penduko (FANTASY ACTION), (K)ampon (HORROR THRILLER), Rewind (ROMANCE DRAMA) at Family of Two: Mother and Son Story (DRAMA).
Read: Sharon-Alden, Dingdong-Marian starrers among first four official entries at MMFF 2023
Alden Richards and Sharon Cuneta of 'Family of Two'
Iyong mga naligwak na screenplay ay puwede pang lumahok bilang finished film. Tatlumpong (30) finished films ang nag-aspire na makasama sa Final 4.
Nagpasya ang MMFF 2023 ExeComm na magdagdag ng dalawang slots. Kaya Final 6 ang ini-announce ni Atty. Romando Artes, Overall Chairman ng MMFF 2023 ExeComm, nitong Oktubre 17, Martes ng hapon, doon pa rin sa bagong gusali ng MMDA.
Ang mga ito ay When I Met You In Tokyo (ROMANCE), Becky & Badette (COMEDY), Mallari (HORROR), Firefly (FANTASY), Broken Hearts’ Trip (COMEDY), at GomburZa (HISTORICAL).
Read: Six remaining MMFF 2023 official entries announced
Sabi ni Atty. Artes, “Ang rule natin ever since, dalawa maximum per genre.”
Sa First 4 pa lang ay dalawa na ang madrama — Family of Two: Mothen and Son Story nina Sharon Cuneta at Alden Richards, at Rewind nina Dingdong Dantes at Marian Rivera — bagama’t may elemento ng fantasy iyong Rewind.
Marian Rivera and Dingdong Dantes in 'Rewind'
Hindi kataka-taka na sa second batch ay ligwak na iyong mga drama lang ang bentahe, kagaya ng Pieta nina Nora Aunor at Alfred Vargas, Ang Ina Mo nina Lotlot de Leon at Charlie Dizon, In His Mother’s Eyes nina Maricel Soriano at LA Santos, at Unspoken Letters nina Simon Ibarra at Jhassy Busran.
Sa First 4 ay meron nang horror, iyong (K)ampon nina Derek Ramsay at Beauty Gonzalez.
Beauty Gonzalez in '(K)Ampon'
Kaya isang horror na lang ang puwede, at ang napili ay ang first ever horror film ni Piolo Pascual na Mallari.
Co-stars ni Piolo sa Mallari sina Gloria Diaz, JC Santos, Elisse Joson, Janella Salvador, at Mylene Dizon. Sa trailer pa lang ay mukhang pinagkagastusan na talaga ito ng Mentorque Productions, at binusisi ng direktor na si Derick Cabrido.
Piolo Pascual in 'Mallari'
Ang isa pang genre na nasa First 4 ay fantasy action, iyong Penduko ni Matteo Guidicelli, kung saan co-stars sina Albert Martinez at Kylie Verzosa, sa direksiyon ni Jason Paul Laxamana.
Matagal nang project ng Viva itong remake ng Penduko, na dapat sana ay si James Reid ang bida, at tampok din si Nadine Lustre bilang Maria Makiling.
Matteo Guidicelli in 'Penduko'
Sa Final 6, parehong comedy drama ang Becky & Badette nina Pokwang & Eugene Domingo, at Broken Hearts’ Trip ni Christian Bables. May mga hugot ang kanilang mga karakter, pero andiyan ang elemento ng comedy.
Facebook post ni Lex Bonife matapos ihayag na kasali ang Broken Hearts’ Trip sa December filmfest, “Nakapasok ang mga Bakla sa MMFF! Congratulations sa aming director na si Lem Lorca at ang mga artista nito!
“Pagpupugay sa lahat ng entries at sa buong indusriya ng pelikulang Pilipino!”
Marvin Yap, Teejay Marquez, Christian Bables, Andoy Ranay, Petite, and Iyah Mina of 'Broken Hearts' Trip'
Parang alingawngaw niyon ang hanash ni Pokwang aka Marietta Sibong sa FB, “PASOK TAYO SA MMFF!!!! See you po sa lahat ng sinehan nationwide ngayon DECEMBER 25 #BeckyandBadette CONGRATULATIONS @theideafirstcompany”
Nyoklang-nyokla ang mga pangalang Becky at Badette, di ba, mga ineng?! Katuwaan ang mga eme at kiyeme latik kinemfer ng Becky & Badette at Broken Hearts’ Trip.
Eugene Domingo and Pokwang in 'Becky & Badette'
Iyong isang aspiring comedy na Lola Magdalena starring Gloria Diaz, Liza Lorena, Perla Bautista, Pia Moran, and Sunshine Cruz ay medyo maselan ang tema.
Meron ding drama ang When I Met You In Tokyo nina Christopher de Leon & Vilma Santos, Cassy Legaspi & Darren Espanto, pero mas lamang ang romance o pakilig.
Light lang ang drama niyon, pagmamatuwid ni Ate Vi. Akma sa edad nila ni Boyet ang ginawi ng mga karakter nila sa istorya — na kabahagi sila sa pagbuo.
Vilma Santos and Christopher de Leon in 'When I Met You In Tokyo'
May elemento rin ng drama ang Firefly nina Alessandra de Rossi at Euwenn Mikael, sa direksiyon ng premyadong si Zig Dulay. Pero matimbang ang fantasy element nito bilang isang fairy tale adventure.
Euwenn Mikael and Alessandra de Rossi in 'Firefly'
Historical naman ang GomBurZa nina Dante Rivero, Enchong Dee, at Cedrick Juan, kasama sina Piolo Pascual, Elijah Canlas, Khalil Ramos, Tommy Alejandrino, Ketchup Eusebio, Epy Quizon, at Jaime Fabregas.
Facebook post ng direktor na si Pepe Diokno nang ilunsad ang teaser trailer ng GomBurZa ilang araw na ang nakalipas, “Many of us know ‘Gomburza’ as the three martyr priests.
“But there is so much more to their story that surprised me. Like, how much their death inspired Jose Rizal, and how the term ‘Filipino’ originated from the struggle of the native priests.
“Grateful for the opportunity to make this film — not just for younger Pinoys who know them as ‘Majoha’ but for all of us.
“May the story that helped ignite the revolution also ignite our ‘alab ng puso’ today.”
Enchong Dee, Dante Rivero, and Cedrick Juan in 'GomBurZa'
Sundan kaya ng GomBurZa ang mga yapak ng Jose Rizal na humakot ng awards sa MMFF 1998?
Nasa cast ng Jose Rizal si Jaime Fabregas bilang Luis Taviel de Andrade, at nagwagi siyang best supporting actor sa MMFF 1998 for this movie.
Ang best supporting actress ay si Gloria Diaz na gumanap bilang Teodora Alonso, ang ina ng ating pambansang bayani (na ginampanan ng MMFF 1998 best actor na si Cesar Montano).
Read: Bakit ginawang sampu ang official entries sa MMFF 2023?
NOEL FERRER
I can honestly say na I am proud of the choices this year, at meron talagang pelikula for every member of the family.
Merong mabibigat na pangalan sa industriya na naglaan talaga ng oras at effort para gumawa ng pelikulang kagigiliwan ng ating mga kababayan at puwede pang ipagmalaki abroad.
Tama! Kasi, hindi lang dito sa atin ipapalabas ang mga MMFF entries kundi pati na sa ibang bansa via the Manila International Film Festival na ilu-launch sa November 2 sa Hollywood. Laban ka? Hehe.
But really, nakaka-proud ang selection ngayon dahil walang puwedeng magreklamo sa kalidad nito. Kahit marami ang ligwak sa 30 finished films na pinagpilian.
May ilang nagsasabi tungkol sa politika at palakasan, pero kahit kaming nasa MMFF ExeComm ay walang kinalaman sa pagpili at pag-impluwensiya sa entries.
For example: si Tito Boots Anson Roa-Rodrigo na kasali sa GG ni Donny Pangilinan ay hindi napasama sa final list.
Ang Blood Brothers ni Sir Roy Iglesias ay di rin naisali.
Si Direk Laurice Guillen na bida sa pelikulang Moro ni Direk Brillante Mendoza ay hindi nag-qualify.
At kahit ako na spokesperson ay ingat na ingat ako dahil ang entry ni Iza Calzado na talent ko na Shake, Rattle & Roll Extreme ay hindi rin pinalad mapabilang sa final cut (dahil may quota na dalawa per genre).
Bakit walang Ate Guy at Marya sa roster? Gustuhin man ng Selection Committee, quota na sa drama.
Sa comedy talaga medyo nag-struggle this year. Sana, maituloy ni Vice Ganda ang nabalitaan naming paggawa ng isang kakaibang comedy kasama ang isang premyadong direktor.
For this year, okey naman dahil matutuwa ang mga tao kina Uge at Pokwang at Christian Bables sa mga comedy films na kasali.
Natutuwa rin ako at may pambatang entry na Firefly, at may historical film na GomBurZa.
All said, nandiyan nang nakahanda ang mga pelikulang Pilipino para sa taunang MMFF.
Forty-ninth (49th) edition na ito. It’ll only get better.
The ball is now on the audience’s court! Tangkilikin po natin ito, at magtulungan tayo sa pagbangon at pagpapasigla sa industriya ng pelikulang Pilipino!
Read: MMFF 2023 Update: Dalawa na ang nasa post production, dalawa pa ang nagsu-shooting
GORGY RULA
Disyembre 16 or 17 ang Parade of Stars sa CaMaNaVa. Mag-uumpisa ang parada sa Navotas, at magtatapos sa Valenzuela.
Sa Disyembre 27 pa rin ang Gabi ng Parangal.
Pahayag ni Atty. Artes, “Nakita niyo naman po, magaganda po yung entries. So, pipili po tayo ng magagaling din na jurors para po sa pagpili ng awards.
“Gusto ko rin pong maidagdag, sa November 2, may signing tayo sa Hollywood. Tuloy na tuloy na po yung Metro Manila Film Festival sa Hollywood.
“Ang dates po ng showing nitong sampung pelikula sa Hollywood ay January 30 and 31, and Febuary 1 and 2.
“Magkakaroon din po ng sariling awards night at red carpet sa Hollywood.”
Read: MMFF 2023 official entries, ipalalabas sa Amerika at magkakaroon ng sariling awards night
Naibalita na natin dito na ang November 2 launch ay gaganapin sa sinehan ng Director’s Guild of America (DGA) sa 7920 Sunset Blvd., Los Angeles, California. Ipapalabas doon ang tatlo 1st Summer MMFF entries — Here Comes the Groom (12:00 pm), Love You Long Time (2:00 pm), at About Us But Not About Us (7:00 pm).
Inaasam ni Atty. Artes na pumunta sa Hollywood ang karamihan sa mga bida ng MMFF 2023 entries pag ipinalabas na roon ang kanilang movies next year.
Ani Atty. Artes, “Sana po. We cannot compel but we will request. Dahil ito po ay magandang opportunity para sa pelikulang Pilipino na ma-showcase abroad.
“Ito po ang mag-o-open ng doors sa atin pong movie industry para maka-penetrate sa Hollywood.
“Kausap po namin yung team sa U.S. na ka-partner po natin. Kung ang napili po na entry natin sa Oscars ay About Us But Not About Us, dapat po gagastusan natin.
“Unfortunately, hindi po siya napili. Wala naman po kaming hand doon. So, again… this will open the door for Filipino movies. Maganda po yung partnership namin sa MIFF [Manila International Film Festival].
“At hopefully, eventually ma-break po natin yung barriers at magkaroon po tayo ng nominee sa Oscars.”
Ang aspiring entry ng Pilipinas sa kategoryang best international feature ng 96th Academy Awards o Oscars ay ang animated film na Iti Mapukpukaw na bida sina Carlo Aquino, Dolly de Leon, at Gio Gahol.
Sa Disyembre 21 ia-announce ang shortlist ng labinlimang (15) semi-finalists. Ang mga nominado ay ia-announce sa Enero 23, 2024.
Read: Pagpili ng Iti Mapukpukaw bilang Oscars 2024 entry, kuwestiyunable?