GORGY RULA
Competitors sa Metro Manila Film Festival (MMFF) 2022 ang film companies na Rein Entertainment (Nanahimik Ang Gabi), Viva Films (Deleter), at Cineko Productions (Family Matters).
Nagsanib-puwersa kapagkuwan ang tatlong kumpanya sa pelikulang Elevator na bida sina Paulo Avelino, Kylie Verzosa, at Adrian Pang.
Natapos na ang 10-day shooting sa Singapore ng nasabing romance-comedy, na isinulat at idinirek ni Philip King. Nasa post production stage na ito.
Read: Lino Cayetano, proud na award-winning ang mga ipinoprodyus ng Rein Entertainment
“Yung Rein, gusto namin na pag tiningnan mo yung mercato, hindi tayo magkakalaban,” sabi ni Direk Lino Cayetano noong Oktubre 18, 2023, Miyerkules, sa office ng Rein Entertainment sa Malingap St., Quezon City.
Sina Direk Lino, Direk Philip, at Direk Shugo Praico ang magkakasosyo bilang producers ng Rein.
Pagpapatuloy ni Direk Lino, “Parang we really want to collaborate. Parang kung wala ang ABS-CBN, wala si Heaven [Peralejo] sa Nanahimik Ang Gabi.
“Kung wala yung Viva, wala yung Elevator. Parang… ang bumuhay nga sa maraming mga taga-industriya noong pandemic, Viva. Kasi, gawa sila nang gawa.
“May mga pelikula kami na hindi papansinin kung hindi binigyan ng artista ng ABS-CBN.
“So, parang early on, na-realize namin, collaboration talaga… We really think na yung partnership is key.
“So kunyari, dito, maaga pa lang, in-engage namin yung Viva. Kasi, gusto ni Direk Philip, si Kylie.
“Kasi, yung konsepto namin dito, para siyang Pretty Woman [1990]. Para siyang Indecent Proposal [1993].
“Kasi si Kylie, merong… may sikat na Singaporean actor kaming katrabaho, si Adrian Pang. Sobrang galing! He has appeared in Hollywood movies. And then si Paulo Avelino is an elevator boy.
“But anyway, nung pinitch po namin yung project para makuha namin si Kylie from VAA [Viva Artists Agency], nagustuhan ni Boss Vic [del Rosario] yung project.
“Sabi niya, ‘Paano niyo mapopondohan yan?’ Sabi namin, ‘Meron kaming investor round, umiikot ho kami, pini-present namin.’
“Sabi niya, ‘O sige, present nyo sa akin.’ So, nagustuhan ho nila. So Viva is our partner here.
“And then through Ms. Mel del Rosario, nakilala ho namin yung Cineko. And we pitched as well kina Mayor Enrico [Roque]. And they liked the idea as well.”
Si Mel Mendoza-del Rosario ang scriptwriter ng Family Matters, na prinodyus ng Cineko Productions ni Mayor Enrico Roque ng Pandi, Bulacan.
Si Mel ang kinuhang scriptwriter ng Rein Entertainment para sa eight-part series na Etiquette for Mistresses.
Nakipag-collab na ang Rein with Vivamax (streaming platform ng Viva) sa seryeng Secrets of A Nympho na tinampukan nina Rhen Escaño, Ayanna Misola, Arron Villaflor, Gold Aceron, Josef Elizalde, at Jiad Arroyo.
NOEL FERRER
Umayon si Direk Philip King kay Direk Lino Cayetano na super-lucky sila sa co-production partners nila.
Pahayag ni Direk Philip, “Kasi, they really trust us. They give us free rein. Parang hindi sila nakikialam creatively.
“So, as a writer and director, you feel free to do what you think is right for the story.”
Susog ni Direk Lino, “Sabi nga namin, kung kami naman ang makakatulong sa Cineko at sa Viva balang araw, magpahiram ng artista or kami naman ang sumosyo, why not, di ba?
“Like ako, I’m excited for the Sharon-Alden movie. I’m excited para sa Penduko ng Viva. So, sabi ko, tingin ko yung mercato natin dito, baka wala pang kalahati yung pinag-aawayan natin, e.
“Yung buong mundo, hinihintay yung mga gawa natin. So I think it’s nice that we’re collaborating.”
Ang Cineko ang producer ng MMFF 2023 entry na Family of Two (A Mother and Son Story) kung saan bida sina Sharon Cuneta at Alden Richards. Ang direktor ay si Nuel Naval.
Co-stars dito sina Miles Ocampo, Jackielou Blanco, Tonton Gutierrez, Soliman Cruz, Pepe Herrera, Justine Luzares, Chris Tan, Donna Carriaga, Carla Guevarra, at Adriana So.
Ang Viva naman ang producer ng MMFF 2023 entry rin na Penduko, kung saan tampok sina Matteo Guidicelli, John Arcilla, Albert Martinez, at Kylie Verzosa. Ang direktor ay si Jason Paul Laxamana.
Co-stars dito sina Annika Co, Mark Anthony Fernandez, Candy Pangilinan, Andrea del Rosario, Arron Villaflor, Phoebe Walker, Zombie Tugue, Marissa Sanchez, JC Tiuseco, TJ Valderrama, at Gene Padilla.
Read: MMFF 2023 Top 10 official entries: Pinaghalu-halong romance, drama, horror, comedy, fantasy, action
But I am really so excited na makapanood ulit ng obra ni Direk Lino na medyo nami-miss nating makagawa ng pelikula. All the best!
JERRY OLEA
Ang buod ng Elevator, “Trapped inside the elevator of a hotel casino complex, a LOWLY ELEVATOR BOY falls in love with his investor’s MISTRESS that forces him to choose between his love for her, or his dreams for a better future.”
Half English, half Filipino ang mga dialogue sa movie. Ninety percent (90%) nito ang kinunan sa Singapore. Iyong 10% ay sa isang studio sa Kamaynilaan.
Pahayag ni Direk Shugo Praico, “Itong Elevator na ginawa ni Direk Philip, matagal na nasa incubation stage. Maraming pinagdaanan.”
Sambot ni Direk Lino Cayetano, “Kasi yung Elevetor po, may Singaporean co-production partner kami, yung Dogma Films.
“Ang co-star nina Paulo Avelino at Kylie Verzosa, Singaporean, parang Richard Gere nila sa Singapore, si Adrian Pang. Albert Martinez ang tingin ko. Yun ang ka-love triangle nina Paulo at Kylie.
“And then ang cast, yung ibang mga nagtatrabaho. Kasi, immigrant story siya. Story ng migrant workers, mga nagtatrabaho sa hotel.”
Dagdag ni Direk Shugo, “Theater actor si Adrian Pang. Magaling. So professional. Masarap katrabaho.”
Bilib na bilib sina Direk Shugo, Direk Philip, at Direk Lino kay Paulo Avelino. Inaasam nilang makatrabaho muli ito sa Rein.
Pagmamalaki ni Direk Lino, “Si Paulo dito, pag pinikit mo ang mga mata mo, hindi mo maano na si Paulo Avelino yun. Kasi, inano niya yung Pinoy accent.
“Hustler kasi yung karakter niya dito, e. Yung mga kilala nating ibang Pinoy na nasa abroad na kaliwa’t kanan, kapag may oportunidad, kukunin.
“So, ganun si Paulo dito sa pelikula, laging may raket.”
Kumusta naman si Kylie?
Mabilis na tugon ni Direk Philip, “Sobrang OK, sobrang OK. Basta feeling ko suwerte ako sa kanilang tatlo, e. Adrian, Kylie, Paulo.”
Gaano ka-sexy ang role ni Kylie sa Elevator?
“Hindi masyadong sexy. There’s no need to force sexuality out of Kylie, kasi, naturally sexy siya,” sey ni Direk Paulo.
“Hindi naman risque yung movie. Nothing bomba. Baka nga people will be surprised, e.”