JERRY OLEA
Ipinost ng Cinema Exhibitors Association of the Philippines (CEAP) sa kanilang Facebook page ngayong Nobyembre 8, 2023, Miyerkules ng umaga, na showing umpisa today sa local cinemas ang The Marvels, City Hunter The Movie: Angel Dust, at Nagalit Ang Patay Sa Haba Ng Lamay: Da Resbak.
Ano ang nangyari sa period movie ni Bea Alonzo na 1521: The Quest for Love and Freedom?
Ngayong Wednesday dapat ang showing ng pelikulang ito, na noong Oktubre 2 pa nag-special screening sa USA.
Noong Nobyembre 5, Linggo ng hapon, ibinalita ng SM Cinema sa kanilang Facebook page na November 8 ang playdate ng Nagalit Ang Patay Sa Haba Ng Lamay: Da Resbak, na tinatampukan nina Jeric Raval, Ali Forbes, Bembol Roco, Ricardo Cepeda, Rey “PJ” Abellana, Mike Pekto, Aurora Sevilla, Amay Bisaya, at Alfred Montero, sa direksiyon nina Karlo “Conge” Montero at Zaldy M. Munda, KDPP.
Wala pa tayong balita kung kailan na ipapalabas iyang 1521: The Quest for Love and Freedom.
Bahagi ng post ng Facebook page ng 1521 The Movie ngayong Wednesday morning, “EUROPEANS LOVE 1521 The Movie!!!
“#1521movie scores another international award! This time, BEST FEATURE FILM at the ATHENS IMA FILM FESTIVAL!!!
“Yet another testament to the amazing 1521 Cast & Crew, history-making Production Partners, and the Filipino BAYANIHAN spirit!!!
“From the Swedish (Sweden Film Awards: Feature Film & Best Cinematography Feature Film) to the British (London Independent Film Awards: Best Feature Film) and now the Greeks!!!”
NOEL FERRER
Dati na raw naka-sked ang Nagalit Ang Patay Sa Haba Ng Lamay: Da Resbak, habang ang 1521: Quest for Love and Freedom ay jump nang jump ng playdate at naghahanap pa siguro ng tamang timing para maipalabas.
Ngayong nanalo na ito ng international awards, magkakaroon kaya ng interes ang mga Pilipino particularly ang mga fans ni Bea Alonzo pagkatapos ng kung anu-anong lumabas tungkol dito?
We’ll see! Good luck na lang!
GORGY RULA
Ewan kung itong Nagalit Ang Patay Sa Haba ng Lamay: Da Resbak ay remake, o sequel ng pelikulang Nagalit Ang Patay Sa Haba Ng Lamay (1985) na pinagbidahan nina Chiquito, Panchito, at Melissa Mendez.
Ang common denominator ng dalawang movie ay si Amay Bisaya, na kamakailan ay nabiktima ng fake news na kesyo pumanaw na siya.
Nasa cast din ng OG Nagalit Ang Patay Sa Haba Ng Lamay sina Dencio Padilla, Paquito Diaz, Tintoy, Don Pepot, Palito, Balut, Matimtiman Cruz, Tatlong Itlog, Vic Diaz, Joseph de Cordova, Larry Silva, Avel Morado, Angel Confiado, at Roland Montes. Ang direktor ay si Jose “Pepe” Wenceslao.
Obviously, ang nasabing movie title ay inspired ng Danny Zialcita film na Nagalit Ang Buwan Sa Haba Ng Gabi (1983) na pinagbidahan nina Laurice Guillen, Dindo Fernando, Gloria Diaz, Janice de Belen, at Eddie Garcia.
At any rate, nadagdagan ang Pinoy movies na kasado ang playdate ngayong buwan.
Nasa November 15 playdate ang Para Kang Papa Mo at Ma’am Chief: Shakedown in Seoul.
Tampok sa Para Kang Papa Mo sina Mark Anthony Fernandez, Nikko Natividad, Jao Mapa, Eric Fructuoso, Ruby Ruiz, Zeus Collins, Kid Yambao, at Rose Van Ginkel, sa panulat at direksiyon ni Darryl Yap.
Nasa cast ng Ma’am Chief: Shakedown in Seoul sina Melai Cantiveros-Francisco, Karylle, Alora Sasam, Jennica Garcia, at Bernadette Allyson-Estrada, sa direksiyon ni Kring Kim.
Kasabay ng mga ito ang showing ng The Concierge, Trolls Band Together, at The Hunger Games: The Ballad of Songbirds & Snakes.
Maghahasik ng lagim sa November 22 ang Marita nina Louise de los Reyes at Rhen Escaño. Kasabay nito ang showing ng Wish, Thanksgiving, Tokyo MER: Mobile Emergency Room The Movie, Dancing, at Not Friends.
Nasa November 29 playdate ang horror trilogy na Shake, Rattle & Roll Extreme, Asian Persuasion nina Dante Basco at KC Concepcion, at In His Mother’s Eyes nina Maricel Soriano, L.A. Santos, at Roderick Paulate. Iyon din ang playdate ng bagong obra ni Hayao Miyazaki na The Boy and the Heron.
Nasa cast ng Shake, Rattle & Roll Estreme sina Iza Calzado, Jane de Leon, Jane Oineza, RK Bagatsing, Paul Salas, Paolo Gumabao, Miggs Cuaderno, AC Bonifacio, Elle Villanueva, Rob Gomez, Ninong Ry, Donna Cariaga, Angel Guardian, Phi Palmos, Esnyr Ranollo, Sarah Edwards, Bryce Eusebio, Dustin Yu, Mika Reins, Jana Taladro, Jewel Milag, Francis Mata, Girlie Ejercito, Jericho Ejercito, at Ian Gimena. Ang mga direktor ay sina Jerrold Tarog, Joey De Guzman at Richard V. Somes. Para sa updates, bisitahin sa tuwi-tuwina ang Facebook pages ng Cinema Exhibitors Association of the Philippines at SM Cinema, ganoon din ang website ng Click The City.