GORGY RULA
Tawang-tawa ako nang nakausap ko sa telepono si Butch Francisco ng Manunuri ng Pelikulang Pilipino (MPP) ngayong Nobyembre 23, 2023, Huwebes ng hapon.
Kinumusta ko ang kanilang 46th Gawad Urian na gaganapin sa November 30, Huwebes ng 5:00 p.m., sa Film Studio ng UP Film Institute, UP Diliman, Quezon City.
Read: 46th Gawad Urian nominees, inilantad na; may humakot ng nominations?
Nalaman ko kay Butch na hindi pala holiday yun, dahil inilipat sa November 27, Monday, ang holiday para long weekend.
Parang naramdaman kong lalong nahirapan ang mga Manunuri nang inilipat nila ang date ng awarding para mapagbigyan ang Eddys Awards ng SPEEd.
Hindi available ang UP Theater, kaya ginawa na nila sa studio ng UP Film Institute.
Ginawa na nilang dinner ito at nagpa-cater na sila na ni-level up naman ang paghahanda.
Read: 6th EDDYS Awards postponed muna; ililipat ang petsa at venue
Pero sabi ni Butch, simple but elegant na very intimate ang pamamahagi ng awards.
Siya pa rin ang host pero hindi na sila kumuha ng co-host, dahil na rin sa availability ng mga celebrity na gusto sana nilang makasama sa pagtitipong iyon.
Kahit sa pag-iimbita sa ibang artista, hindi na rin daw nila kinakarir dahil ang mahalaga ay yung kailangan lang talaga.
"Only the people who matter will be there," pakli ni Butch.
Ever since naman daw simple lang talaga ang Gawad Urian.
"Noon pa man, simple lang talaga. Hindi naman kami humihingi ng sponsors, e. Hindi talaga kami kumukuha ng sponsors," sabi pa ni Butch.
Ang mahalaga raw, makakasalamuha nila ang mga inaasahan nilang makakadalo at ma-enjoy ang inihanda nilang dinner.
Ang nakakatawa pa kay Butch, dagdag pa raw sa pagkakaabalahan niya ang ihahanda sa dinner. Meron mang catering, pero hindi naman daw nila dadalhin lahat.
Kaya magdadala raw silang members ng wine, at pati wine glass ay pagkakaabalahan pa ni Butch. Nagkalkal na nga raw siya ng mga matagal nang nakaimbak na kopita at dadalhin pa niya sa dinner na ipapagamit sa mga guests.
Kaya baka habang naghu-host siya, binibilang pa niya ang mga wine glass sa mesa.
"Hindi lang yan," hirit ni Butch. "Pagkatapos ng awarding, liligpitin ko pa ang mga kopita, huhugasan ko pa," natatawa niyang pakli.
"Basta fun-fun-fun na lang.”
JERRY OLEA
Mabituin ang ikaanim na edisyon ng The EDDYS o Entertainment Editors' Choice ng Society of Philippine Entertainment Editors (SPEEd) sa Nobyembre 26, Linggo ng 6:00 p.m., sa Aliw Theater, CCP Complex, Pasay City.
Read: 6th EDDYS: Kim, Nadine, Janine, Heaven, Max, Rose magtatagisan para sa Best Actress
Bukod sa Ultimate Leading Man at award-winning actor-producer na si Piolo Pascual, isa pa sa magsisilbing host sa 6th The EDDYS ay ang premyadong aktres na si Iza Calzado.
Kaabang-abang ang production numbers nina Pops Fernandez, Erik Santos, at Darren Espanto.
Ang pagpaparangal ng 6th The EDDYS sa mga natatanging artista, filmmakers at pelikulang Pilipino nitong nagdaang taon ay mula sa direksyon ni Eric Quizon.
Ito'y ihahatid ng Airtime Marketing Philippines ni Tessie Celestino-Howard.
Magkakaroon ito ng delayed telecast sa Disyembre 2, Sabado sa A2Z Channel.
Nais iparating ng SPEEd sa mga nominado na lahat sila ay imbitado at very much welcome sa awards ceremony na ito.
Ang mga nominado sa kategoryang best film ay ang Netflix film na Doll House, Cinemalaya 2022 films na Bakit ‘Di Mo Sabihin at Blue Room, at MMFF 2022 entries na Family Matters at Nanahimik Ang Gabi.
Nominado sa pagka-best director sina Marla Ancheta (Doll House), Ma-an L. Asuncion-Dagñalan (Blue Room), Real S. Florido (Bakit ‘Di Mo Sabihin), Nuel Crisostomo Naval (Family Matters), at Shugo Praico (Nanahimik Ang Gabi).
Nagwagi si Nadine Lustre na best actress sa MMFF 2022 para sa Deleter. Nominado siya sa Eddys ay para sa Greed.
Katunggali niya ang Cinemalaya best actress na si Max Eigenmann (12 Weeks), ganoon din sina Kim Chiu (Always), Janine Guttierez (Bakit ‘Di Mo Sabihin), Heaven Peralejo (Nanahimik ang Gabi), at Rose Van Ginkel (Kitty K-7).
Bukod-tanging sa best actress category may anim na nominado sa 6th Eddys. Sa iba pang mga kategorya ay lima lamang ang nominado.
Kung hindi ako nagkakamali, ito ang best actress nomination ni Rose, at ito’y para sa Vivamax film na Kitty K-7. May iba pang nominasyon ang Vivamax — sa mga kategoryang best supporting actor at best screenplay.
Bakbakan sa pagka-best actor sina Elijah Canlas (Blue Room), Baron Geisler (Doll House), Noel Trinidad (Family Matters), Ian Veneracion (Nanahimik ang Gabi), at JC de Vera (Bakit ‘Di Mo Sabihin).
Paglalabanan nina Mylene Dizon (Family Matters), Matet de Leon (An Inconvenient Love), Althea Ruedas (Doll House), Ruby Ruiz (Ginhawa), at Nikki Valdez (Family Matters) ang tropeyo para sa kategoryang best supporting actress.
Ang best supporting actress ng Eddys last year ay si Lotlot de Leon para sa On The Job: The Missing 8. Abangan natin kung lotlot o winwyn this year ang younger sister niyang si Matet.
Best supporting actor ng Eddys last year si Mon Confiado for Arisaka. This year ay nominated naman siya sa kaparehong kategorya para sa Nanahimik Ang Gabi. Katunggali ni Mon si Dido de Paz (Ginhawa), na nagwagi sa 2nd Eddys for Respeto.
Nominado ring best supporting actor this year sina Nonie Buencamino (Family Matters), Soliman Cruz (Blue Room), at Sid Lucero (Reroute).
Para sa best screenplay, nominado sina Anna Isabelle Matutina (12 Weeks), Mel Mendoza del Rosario (Family Matters), Shugo Praico (Nanahimik ang Gabi), Onay Sales-Camero (Doll House), at Racquel Villavicencio (Lampas Langit).
Para sa best cinematography, nominado sina Neil Daza (Blue Room), Yam Laranas (Greed), Tom Redoble (Doll House), Noel Teehankee (An Inconvenient Love), at Moises Zee (Nanahimik ang Gabi).
Para sa best production design, nominado sina Marxie Maolen Fadul (Blue Room), Marielle Hizon (Nanahimik ang Gabi), Erik Manalo (Doll House), Cheska Salangsang (An Inconvenient Love), at Elfren Palpan Vibar Jr. (Family Matters).
Para sa best editing, nominado sina Vanessa de Leon (Blue Room), Michael Lacanilao and Anna Isabelle Matutina (12 Weeks), Noah Tonga (Doll House), Noah Tonga (Mahal Kita Beksman), at Moises Zee (Nananahimik ang Gabi).
Para sa best musical score, nominado sina Teresa Barrozo (An Inconvenient Love), Pipo Cifra (Katips), Jesse Lasaten (Doll House), Jazz Nicolas and Mikey Amistoso (Blue Room), at Emerzon Tecson (Mahal Kita, Beksman).
Para sa best sound, nominado sina Aizen Andrade (How to Love Mr. Heartless), Andrea Teresa Idioma and Emilio Bien Sparks (Nanahimik ang Gabi), Janina Mikaela Minglanilla and Michael Keanu Cruz (Blue Room), Immanuel Verona (Reroute), at Immanuel Verona and Fatima Nerikka Salim (LiveScream).
Para sa best visual effects, nominado ang BB Studio (Deleter), Carl Regis Abuel, Tricia Bernasor and Geraldine Co (LiveScream), Gaspar Mangarin and Walter Monte (Reroute), John Anthony Wong (Nanahimik ang Gabi), at Visual Magic (Bahay Na Pula).
Para sa best theme song, nominado ang “Aking Mahal" (Mamasapano: Now It Can Be Told, composed and sang by Atty. Ferdinand Topacio), “Hihintayin Kita (Broken Blooms, composed by Louie Ignacio and sang by Jeric Gonzales), “Nais Ko" (Yorme: The Isko Domagoso Story, composed by Joven Tan), “Sa Hawak Mo" (Family Matters, composed by Paulo Zarate and sang by Floyd Tena), “Unang Araw ng Pag-iisa", (Blue Room from the poem of Jeng Plata, composed by Mike Dagnalan and sang by Rebel Rebel).
NOEL FERRER
Bibigyang-pugay din ng SPEEd ngayong taon ang kontribusyon sa industriya ng pelikulang Filipino ng EDDYS Icon awardees na kinabibilangan nina Aga Muhlach, Richard Gomez, Gabby Concepcion, Niño Muhlach, Snooky Serna, Jaclyn Jose, Barbara Perez, at Nova Villa.
Kabilang sa bibigyan ng Isah V. Red Award sina Herbert Bautista, Coco Martin, at Piolo Pascual para sa walang sawa nilang pagtulong at pagbibigay ng inspirasyon sa mga kababayan nating nangangailangan.
Igagawad ang Joe Quirino Award sa veteran entertainment columnist, former TV host at content creator na rin ngayon na si Aster Amoyo, habang ang beteranong manunulat at dati ring entertainment editor na si Ed de Leon ang tatanggap ng Manny Pichel Award.
Ngayong taon, ipagkakaloob ang Producer of the Year sa Viva Films habang ang Rising Producer of the Year ay ibibigay sa MavX Productions.
Congratulations sa SPEEd at kaisa namin kayo ni Iza sa patuloy ninyong serbisyo sa ating industriya!!!