GORGY RULA
Hindi nakadalo si Paolo Contis sa premiere night ng pelikulang Ikaw at Ako na ginanap sa SM Megamall nitong Martes, December 5, 2023.
Si Paolo ang lead actor sa naturang pelikula na idinirek ni Rechie del Carmen.
Ang lead actress na si Rhian Ramos ang dumalo kasama si Boots Anson Roa-Rodrigo.
Nung araw na yun ay pumutok ang balitang binawi ng Intellectual Property Office ang trademark registration ng TAPE Inc. para sa Eat Bulaga! at EB. Ibinalik ito sa tunay na nagmamay-ari na sina Tito Sotto, Vic Sotto, at Joey de Leon o TVJ.
Ibig sabihin, maaari na muling gamitin ng TVJ at ng legit Dabarkads ang Eat Bulaga!.
Ang TAPE ang producer ng longest-running noontime show sa bansa.
Read: TVJ wins Eat Bulaga! trademark case; IPO cancels Eat Bulaga!/EB trademark of TAPE
Malakas ang duda naming hindi na tumuloy si Paolo sa premiere night dahil tiyak na ito ang itatanong sa kanya.
Ngayong Miyerkules ng umaga, December 6, tinanong ang Kapuso actor kung totoo bang umiwas siyang tanungin tungkol sa'trademark issue ng TAPE at at TVJ.
"Korek!" mabilis na text sa akin ni Paolo.
"Pag pumunta kasi ako, yun lang ang itatanong. Hindi na yung sa movie,” dagdag niyang text.
Sinuportahan naman si Rhian ng close friends niya kagaya nina Michelle Dee at Max Collins.
Ani Michelle tungkol kay Rhian, “She's my number one supporter. For her to be there present in El Salvador, it's an amazing support system as well.
"Kaya I mean, you know, I'm here to just make my country proud and I really give justice to how we are so proud to be back home."
Sabi naman ni Paolo, itotodo na lang niya promote ang pelikulang Ikaw at Ako nila ni Rhian dahil ngayong December 6 na ang showing nito sa mga sinehan.
"Tuloy lang kami ng trabaho dito," sabi pa ni Paolo.
NOEL FERRER
Love story ang Ikaw at Ako. Sa premiere night, inusisa si Rhian kaugnay sa mga showbiz couple na nagkakahiwalay.
Ani Rhian, “Andami kong nababalitaan na hiwalayan, alam mo na yun, in general. And especially at a time like this na ganito yung mga naiisip naming thoughts.
“Because of ano, my movie nga is a love story and everything. I just hope that everything ends in peace.
“If it must end, may it end in peace. And I hope that everyone just deserves to be happy kasi.
“So I just want everyone to get their true happiness.”
Patuloy na pinag-uusapan ang hiwalayan nina Kathryn Bernardo at Daniel Padilla, kung saan dawit si Andrea Brillantes.
Read: Kathryn Bernardo confirms breakup with Daniel Padilla
Pumupukaw rin ng pansin ang “love triangle” umano nina Sean Tristan, Raven Rigor, at Gelo ng BGYO.
Trending sa X (dating Twitter) ang topics na “Raven” at “APOLOGIZE TO BGYO GELO.”
Post ni Sean Tristan sa X ngayong Disyembre 6, Miyerkules ng umaga, “the truth will always prevail. i’m not afraid to stand my ground. goodluck”
JERRY OLEA
Nanguna sa takilya ng North America noong nakaraang weekend, Disyembre 1-3, ang concert film na Renaissance: A Film by Beyonce.
Ayon sa Box Office Mojo, ang opening weekend gross nito sa U.S. at Canada ay $21.8M.
Malayo iyan kumpara sa opening weekend gross ng Taylor Swift: The Eras Tour na $92.8M.
Sa ngayon ay panlabinsiyam sa pinakamalalakas ang worldwide gross this year ang Taylor Swift: The Eras Tour, with $249.6M so far.
Noong Disyembre 1, Biyernes, din nag-open sa local cinemas ang Renaissance: A Film by Beyonce, at hindi natin ito gaanong naramdaman.
Kasabay ng pelikulang Ikaw at Ako ang showing today sa mga sinehan natin ang Wonka, When Evil Lurks, The Sacrifice Game, Next Goal Wins, Journey to Bethlehem, at Digimon Adventure: The Beginning.
Naka-line up naman sa December 13 playdate ang launching film ni Jhassy Busran na Unspoken Letters, at ang ikalabinlimang pelikula ni Direk Darryl Yap na Para Kang Papa Mo.
Kasabay ng mga ito sa Disyembre 13 ang If I Could Ride, Nightmare Resort, The Breaking Ice, at Hopeless.
Sa Disyembre 20-24 naman matutunghayan ang Aquaman and the Lost Kingdom.
Disyembre 25-Enero 7 ang 49th Metro Manila Film Festival, kung saan sampu ang official entries.