JERRY OLEA
“George Clooney” ang tawag ni Gladys Reyes kay Tonton Gutierrez, na co-star niya sa pelikulang Unspoken Letters.
Read: Why Tonton Gutierrez tells daughters Aneeza and Aneeka to be like Janine Gutierrez
Sa edad ni Tonton na 55, paano ba niya napapanatili ang kanyang kakisigan?
“'George Clowny' nga ang sinasabi ko, parang patawa lang!” sambit ni Tonton sa mediacon noong Nobyembre 30, 2023, Huwebes, sa B Hotel, Quezon City.
“I don’t know, wala naman akong sekreto. Wala naman akong beauty regimens.
“Ginagamit ko lang yung mga Beautederm products, yung mga sabon nila. Well…
“Ang ano lang siguro, the secret behind it is to be relaxed with life. Kung meron mang mga problemang dumarating, hanapan mo ng solusyon ngayon.
“Hindi dumating, OK lang, let it pass. And darating at darating din yung sagot sa solusyon na yun.
“So I guess I sleep early. Mga eight o’clock, nine o’clock, ten o’clock, tulog na ako. Ha! Ha! Ha! Ha! May edad na rin talaga, dahil sa edad.
“Anyway, wala. Wala! I just stay relaxed and… be happy with my family. I mean, being happy with my family, yun lang ang sikreto.”
Showing na ang Unspoken Letters umpisa Disyembre 13, Miyerkules, sa mga sinehan.
Bukod kina Tonton at Gladys, nasa cast ng movie sina Jhassy Busran, Simon Ibarra, Glydel Mercado, Matet de Leon, Orlando Sol, MJ Manuel, Daria Ramirez, at Deborah Sun.
NOEL FERRER
Bagamat nasa cast din ng Unspoken Letters si Glydel Mercado, hindi sila ang magka-partner dito ni Tonton Gutierrez. Hindi sila mag-asawa sa istorya.
Kuwento ni Tonton, si Simon Ibarra ang tatay niya sa movie.
“At gusto mong malaman kung sinong stepmother ko? Si Glydel Mercado,” lahad ni Tonton.
“Kaya nga paumanhin po sa inyo kung bakit wala siya dito dahil masama ang loob niya.
“Dahil hanggang ngayon, hindi niya matanggap na stepson niya ako. Ha! Ha! Ha!”
Nagbibiro lang siyempre si Tonton. Ang totoo ay nasa lock-in taping ang maybahay niyang si Glydel.
GORGY RULA
Ipinakilala si Tonton Gutierrez sa Viva movie na Sana’y Wala Nang Wakas (1986) kung saan nag-partner sila ni Sharon Cuneta.
Kabilang pa sa Sharon-Tonton movies ang Nakagapos Na Puso (1986), Kung Aagawin Mo Ang Lahat Sa Akin (1987), Pasan Ko Ang Daigdig (1987), Jack and Jill sa Amerika (1988), 3 Mukha ng Pag-ibig (1989), Kahit Wala Ka Na (1989), at Kaputol ng Isang Awit (1991).
Ngayon ay kasama si Tonton sa MMFF 2023 official entry na Family Of Two (A Mother And Son Story), kung saan bida sina Sharon at Alden Richards.
May kilig pa rin kina Sharon at Tonton sa trailer ng nasabing movie.
“Ton has aged so well! Napakaguwapo ni Anton!” sambit ni Sharon sa mediacon noong Disyembre 3, Linggo, sa Novotel hotel, Quezon City.
Kumusta na ang pagtatrabaho muli nila sa pelikula after more than three decades?
“Masaya! Kasi never naman kami… well, we didn’t necessarily keep in touch. Everyone started doing other work,” lahad ni Megastar.
“And then nagkapamilya siya, nagkapamilya ako. Yung di kami nagkikita sa trabaho, so it was nice catching up sa set.
“Ang pinag-uusapan na namin, mga anak namin. Ang joke nga pagkaedad namin… parang dati kunyari kami ni Jackie [Lou Blanco], ‘Oh, who’s your boyfriend? Do you have a crush on…?’
“Ngayon parang… ‘May maintenance ka? Ano’ng maintenance mo? Mataas ang blood sugar ba?’
“Nung araw, hindi namin alam yun, e! ‘Kumusta yung cholesterol mo? Kumusta yung tuhod mo?’ Ha! Ha! Ha! Ha!”
Nagkakahingahan sila ng sakit ng balakang, at kung anu-ano pang struggles ng kanilang katawan.
Dagdag ni Sharon, “Sabi ko, ‘What am I doing in this body? I’m only 19 in my head!’ No, pero it was wonderful working with Ton again.
“Siyempre mas humusay pa siya bilang artista…”