JERRY OLEA
Number one na ang Kidnap for Romance nina Cristine Reyes at Empoy Marquez sa talaan ng Top 10 Movies in the Philippines Today sa Netflix.
May tatlo pang Pinoy movies sa listahan — ang MMFF 2022 entry na Mamasapano: Now It Can Be Told, ang huling KathNiel film na The Hows Of Us, at ang KathDen movie na Hello, Love, Goodbye.
Read: Netflix Top 10 Movies: The Hows of Us ng KathNiel pababa, Hello Love Goodbye ng KathDen pataas
Ang Top 10 Movies in the Philippines Today sa Netflix — Kidnap for Romance, Sing 2, Mamasapano: Now It Can Be Told, Spider-Man: Into The Spider-Verse, The Hows Of Us, The Fast and the Furious, Hello, Love, Goodbye, Family Switch, The Fast and the Furious: Tokyo Drift, at Underwater.
Dalawa naman ang gawang-Pinoy sa most watched TV shows ng Netflix PH, ang Replacing Chef Chico nina Alessandra de Rossi, Sam Milby at Piolo Pascual, at ang DonBelle series na Can’t Buy Me Love.
Ang Top 3 sa talaan ay gawang-Koreano. Iyong pansampu ay mula rin sa South Korea.
Ang Top 10 TV Shows in the Philippines Today sa Netflix — Sweet Home, My Demon, Welcome to Samdal-ri, Replacing Chef Chico, Squid Game: The Challenge, Obliterated, Can’t Buy Me Love, Blood Coast, World War II: From the Frontlines, at Castaway Diva.
GORGY RULA
More Filipino films ang streaming soon sa Netflix.
Iyong I Love Lizzy nina Carlo Aquino at Barbie Imperial ay streaming umpisa Disyembre 15.
Tingnan natin kung magna-number one din ito this year gaya ng iba pang movies ni Carlo na Seasons with Lovi Poe, Love You Long Time with Eisel Serrano, at Third World Romance with Charlie Dizon.
Ang Video City nina Ruru Madrid at Yassi Pressman ay streaming umpisa Disyembre 20, at ang A Very Good Girl nina Kathryn Bernardo at Dolly de Leon ay streaming umpisa Disyembre 27.
NOEL FERRER
Napansin ko ngayong Immaculate Conception break na yung mga bagong pelikulang Pilipino na nasa streaming ay may pagkamaliit din pala ang scope. Understandable dahil ang hirap bumawi sa puhunan ng pelikula ngayon.
Parang output deals na lang yata kaya tuluy-tuloy pa rin ang paggawa ng mga content ng mga production houses, pero calculated risks talaga.
Bibihira na ang malalaking pelikula na ginagawa ngayon… sana, makabawi na tayo soonest.