GORGY RULA
Dalawang pelikula sa 49th Metro Manila Film Festival (MMFF) ang binigyan ng G rating ng MTRCB.
Ito ay ang Family of Two (A Mother And Son Story) nina Sharon Cuneta at Alden Richards, at ang Penduko ni Matteo Guidicelli.
Fantasy-action movie na parang may pagka-comedy ang Penduko kung ibabase sa trailer.
Kakaibang Penduko itong gawa ni Direk Jason Paul Laxamana na sinadya niyang ibang-iba sa mga nakaraang Pedro Penduko movies, pati sa series ni Matt Evans.
Ang lakas ng dating ni Matteo na sa nakaraang media conference pa lang ay nagpakitang-gilas na sa arnis. Pero hindi maiwasang ma-impress ang media people sa kaseksihan nito.
Sabi nga ng veteran entertainment journalist Mario Bautista, si Matteo ang pinaka-buff na Pedro Penduko. Agree naman kami dun.
Natawa na lang si Matteo nang binanggit naming ang lakas ng eksenang may pakili-kili reveal siya!
Sabi ng Kapuso actor, probinsyano kasi si Pedro Penduko at talagang napaka-physical ng mga ginawa niya sa pelikulang ito.
Ani Matteo, “I think the role Penduko is very physical na character, no? Kagaya ng sinabi ni Direk Jason Paul Laxamana, countryside siya. He's hardworker to begin with.
"Hardworker, very physical. He works for his father. Lahat ng mga trabaho, very physical. So, kumbaga, kailangan paghandaan din yung pelikula.
"Kailangan matigas din tayo, di ba? Physically fit for the role. But specifically, hindi yung bodybuilder.
"Yung talagang ordinaryo na matigas na... kasi he's everyday worker. He likes martial arts, very hyper."
Ang isa pang talagang nagmumura ang kaseksihan ay si Kylie Verzosa, na gumaganap bilang Liway.
Mala-Black Widow ang costume ni Kylie, na sa totoo lang, mas sexy pa siya kay Scarlett Johansson nang humarap siya sa entertainment media.
Pero hindi matanggap ni Kylie na makilala siyang sexy dahil marami naman daw siyang nagawang pelikulang hindi siya nagpa-sexy sa mga eksena.
"I beg to disagree that most of my films are sexy. If you watched my recent film, by Direk Jason Paul Laxamana, Baby Boy, Baby Girl na nag-number one sa Amazon Prime, which had no sexy scenes at all," bulalas ni Kylie.
Nilinaw namin sa kanya na kahit ang simple lang ng suot niya, ang sexy pa rin ng dating niya.
Reaksiyon niya, "Sometimes it's not my fault anymore. Baka po sa pag-perceive niyo na lang or something. But... I don't know why. I don't try to be sexy or anything.
"I guess it's, ou know... it's just natural. I don't try to be anything more than I am. "Feeling ko kahit sino magsuot ng costume na ito, sexy pa rin siya.
"Feeling ko sa personality, sexy, hindi lang po sa damit, hindi lang po sa pagpapakita ng katawan. It's the way you talk, it's the way you carry yourself.
"And si Liway po, hindi po siya sobrang sexy. Feeling ko nga, hindi niya alam na maganda siya.
"Pero malakas yung dating, malakas yung... she fights for something she holds... she believes in Pedro.
"For me, parang simple na woman, hindi lang lalaki ang puwedeng makipag-away. May mga babae na puwedeng mag-excel in different forms of let's say martial arts.
"Ako po, valedictorian dun sa klase namin. So, It's a representation na kayang maging malakas ang mga women. And given the way like this, pinaghihirapan ko naman yun.
"It's not that sexy lang yung tawag sa akin. I feel like more than that," sabi pa ni Kylie Versoza.
NOEL FERRER
Hindi naman daw nao-offend si Kylie kapag tinatawag siyang sexy star o ikabit siya sa mga magaganda at seksing aktres.
Pero para sa kanya, meron pa siyang maipapakita at kayang patunayan, hindi lang ang pagpapa-sexy.
"I would take it as a compliment, but at the same time I don't want it to define me.
"Hindi ko gusto na, 'Sino ba si Kylie?' Hindi ko gusto na sexy. Gusto ko matalino, magaling na aktres, mabuti na kaibigan, daughter, mabait na tao, with respect," sambit ni Kylie.
Sabi naman ni Direk Jason Paul Laxamana, wala silang intensiyong palabasing sexy ang mga pangunahing karakter ng Penduko. Wala raw silang magagawa kung sexy talaga ang dating nina Matteo at Kylie sa pelikulang ito.
"I think yung pagiging sexy nila this time... sexy talaga sila. Hindi yung parang kinuha natin dahil sexy sila, this is supposed to be a family movie. E, sadyang sexy lang talaga sila.
"Kumbaga, hindi naman naging factor yun kaya natin sila sinexualize to attract the viewers.
"Di ba sa mga superhero movies din naman from the US, sina Captain America, sina Thor, buff din sila, sometimes sexy. Si Scarlet Johansson, Black widow, sexy sila," saad ni Direk Jason Paul.
Excited si Direk dito sa Penduko, dahil talagang hiningi niya pala talaga ito kay Boss Vic del Rosario ng Viva nang naantala ang pagsasapelikula nito ng ilang taon.
Kilala naman natin si Direk Jason sa mga romance films na pawang magaganda at nagustuhan ng mga manonood. Kaya sa tipong ganung pelikula siya nalilinya.
"Kung ako talaga yung papipiliin, gagawa ako ng pelikula, mas at home po talaga ako sa mga fantasy, sci-fi, horror. So, yung opportunity, ginrab ko po," pakli niya.
JERRY OLEA
Mapangahas si Kylie sa Vivamax movies na My Husband, My Lover (2021) with Marco Gumabao and Luis Alandy, at Ikaw Lang Ang Mahal (2022) with Zanjoe Marudo.
Iyong Baby Boy, Baby Girl (2023), nakipagtuos sa John Wick: Chapter 4 sa takilya noong Marso 22. Nag-showing din sa playdate na iyon ang D’ Aswang Slayerz.
At least, sexy actress ang turing kay Kylie — hindi sexy starlet.
Tinagurian din noong sexy actress si Lorna Tolentino, na kapagkuwan ay naging multi-awarded actress, at naka-grand slam.
Maraming naeskandalo sa pagpapaseksi ni Vilma Santos sa MMFF 1977 entry na Burlesk Queen, directed by Celso Ad. Castillo. Kontrobersiyal! Pero naging multi-awarded actress si Ate Vi, naka-grand slam din, at kinilala bilang Star For All Seasons.
Ekstra sa Burlesk Queen si Rio Locsin, na ngayon ay isa sa mga respetado nating aktres.
Ang dating sexy actress na si Jaclyn Jose, naging best actress sa Cannes. Ang Cannes ang pinaka-prestigious filmfest sa buong mundo.
Sa inauguration ng MMFF Auditorium kahapon sa New MMDA Bldg., Julia Vargas Ave., Pasig City, seksi at maalindog si Kylie.
Read: MMFF 2023 stars, magsasama-sama sa inauguration ng MMFF Auditorium sa Pasig City
Abang-abang tayo kung kahali-halina at kaakit-akit pa rin si Kylie sa MMFF 2023 Parade of Stars bukas, Disyembre 16, Sabado ng hapon, sa CaMaNaVa area.
Samantala, anim sa MMFF 2023 official entries ang nagtamo ng PG (Parental Guidance) rating.
Viewers below thirteen (13) years old must be accompanied by a parent or supervising adult when admitted into a “PG” film.
Ang mga ito ay ang Becky & Badette nina Eugene Domingo at Pokwang; Broken Hearts Trip ni Christian Bables; Firefly nina Alessandra de Rossi at Euwenn Mikaell; GomBurZa nina Dante Rivero, Cedrick Juan, at Enchong Dee; Rewind nina Dingdong Dantes at Marian Rivera; at When I Met You in Tokyo nina Vilma Santos at Christopher de Leon.
Dalawa ang R-13 (Restricted-13), ang horror movies na Mallari ni Piolo Pascual, at Kampon nina Derek Ramsay, Beauty Gonzalez, at Erin Espiritu.
R-13 movies may contain Themes, Language, Violence, Nudity, Sex, Horror, and Drugs which may not be suitable for children below Thirteen (13) years old.
Read: MMFF 2023 Top 10 official entries: Pinaghalu-halong romance, drama, horror, comedy, fantasy, action
Pahayag ni MTRCB Chairperson Lala Sotto, “We encourage everyone to support the MMFF and experience the magic of cinema that promotes family bonding and cultural appreciation.
“MMFF is a celebration best experienced with family and friends. Sama-sama, manumbalik po tayo sa sinehan tungo sa Responsableng Panonood.”