JERRY OLEA
Walang Summer Metro Manila Film Festival (MMFF) ngayong 2024.
Magpo-focus ang MMFF ExeComm sa 50th edition ng Metro Manila Film Festival sa Disyembre.
Pahayag ni MMDA Acting Chairman and concurrent MMFF ExeComm Chairman Atty. Romando “Don” Artes sa mediacon nitong Enero 9, 2024, Martes, sa New MMDA Bldg., Doña Julia Vargas Avenue, Pasig City,
“Ako po ay humihingi ng paumanhin dahil hindi na po kami magsa-Summer, ang Metro Manila Film Festival.
“Dahil gusto po naming mag-concentrate sa 50th edition natin. Pero marami din naman po tayong activities na naka-lineup.
“Nag-usap ho kami ng FDCP sa pangunguna ni Chair Tirso Cruz III. Na kung puwede instead na Summer MMFF ay magkaroon ng Pista ng Pelikulang Pilipino para ma-sustain po natin yung momentum.
“At kami po sa MMFF ay nag-offer ng tulong kung sakaling magko-conduct po ang FDCP ng Pista ng Pelikulang Pilipino.”
Ngayong Enero 10, Martes, ay naglabas ng official statement ang FDCP kaugnay sa usapin ng revival ng Pista ng Pelikulang Pilipino (PPP) in lieu of the Summer MMFF:
“The Film Development Council of the Philippines (FDCP) finds the need to clarify the statement that is now making rounds in various press releases regarding the mounting of Pista ng Pelikulang Pilipino (PPP) in lieu of the Summer Metro Manila Film Festival (MMFF).
“During the meeting of the FDCP and the MMFF regarding the Manila International Film Festival held at the MMDA, Chairman Romando Artes broached the idea of reviving the PPP in place of the summer film festival.
“FDCP Chairman Tirso Cruz III responded that the proposal has to be extensively studied. Apart from a reduced budget, the PPP is not part of FDCP programs lodged for 2024.
“The concept of bringing back the PPP was a suggestion of the MMDA Chairman during a conversation which was taken out of context in a recent press conference.
“The FDCP's stand is to support and empower local festivals instead of mounting a festival of its own.”
Maliwanag, wala sa mga programa ng FDCP ang PPP ngayong taon.
Pero magkatuwang ang MMFF ExeComm at FDCP sa “Sine Singkuwenta” this year kung saan ipapalabas ang previous entries ng MMFF sa mga sinehan sa halagang PHP50.
Take note na pinagkalooban ng FDCP ang sampung official entries ng MMFF 2023 ng tig-PHP500,000 para magamit ng mga ito sa kung ano mang puwedeng paggamitan.
Member ng MMFF ExeComm ang chairperson ng FDCP na si Tirso Cruz III.
Read: #FDCPISSUE NO.5: Did Liza Diño attempt to delay Tirso Cruz III's takeover of chairmanship?
NOEL FERRER
Nag-concur ang MMFF ExeComm at MMDA Chair Atty. Don Artes sa inisyung statement ng FDCP.
May this clear the air on the issue and that the MMFF and MMDA just want to keep the momentum in helping the film industry with no intention of stepping over another office’s jurisdiction.
GORGY RULA
Ang Maynila ang host city ng 50th Metro Manila Film Festival sa Disyembre.
“Ang MMFF po ay nagsimula sa Manila. So, gusto naming ibalik sa Manila kung saan nagsimula itong MMFF,” pahayag ni Atty. Don Artes.
“Parang gusto naming gawing nostalgic ito, na walking down the memory lane. That’s why meron din po tayong Sine Singkuwenta para ipakita yung mga nakaraang pelikula.
“Ganun din po yung parade ay gagawin sa Manila tulad noong simula. At iyong awards night ay nag-usap na kami ni Mayor Honey Lacuña, na gagawin sa Metropolitan Theater kung saan unang-una rin po na ginanap yun pong unang awards night ng unang MMFF.”
Katuwang ng MMFF ExeComm ang Film Development Council of the Philippines (FDCP) sa Sine Singkuwenta, kung saan mapapanood ang mga de kalidad na pelikula ng MMFF sa halagang PHP50.
“Pipili po kami ng mga pelikula na available na puwedeng ipalabas. At hangga’t may demand po siguro, magpapalabas po tayo ng iba’t ibang pelikula,” sambit ni Atty. Don.
Extended ang 49th Metro Manila Film Festival hanggang Enero 14, Linggo.
Gaganapin ang inaugural Manila International Film Festival (MIFF) sa Enero 29-Pebrero 2 sa Los Angeles, California.
Kabilang pa sa activities na naka-line up para sa 50th edition ng MMFF ang student film caravan, at coffee table book.
Sabi pa ni Atty. Don, “More than anything else, ang preparasyon po siguro ay nasa mga producers natin.
“Ako po, noong meeting namin with the producers ng sampung entries — at ito po ay ie-extend ko ang panawagan sa iba pang mga producers — na ine-encourage ko po sila na gumawa ng mas magaganda at mas de kalidad na pelikula.
“No, hopefully ipasok po nila sa 50th para magkaroon din po tayo ng lineup whether eight or ten movies na tatangkilikin po ng ating mga kababayan para mas mapalaki pa itong 50th edition natin.
“So I think ito pong results nitong 49th is a good encouragement sa ating mga producers, sa mga artista, na makapaglabas pa or makagawa ng mas magaganda at mas de kalidad na pelikula.”
Ang projection ng MMFF ExeComm ay makaka-PHP700M ang MMFF 2023.
Pleasant surprise na as of January 7, Sunday ay naka-P1.069B cumulative gross ito, nilampasan ang record ng MMFF 2018 na P1.061B.
Read: MMFF 2023 nalampasan na ang box-office record ng MMFF 2018
Maaaring umabot sa PHP1.2B ang total gross ng MMFF 2023 pagsapit ng Enero 14.
Excluded diyan ang international earnings ng Rewind na showing na rin sa U.S., Guam, at Saipan, at coming soon sa Italy, Australia, at New Zealand.
Iyon namang Firefly ay sa Enero 18 ang umpisa ng showing sa United Arab Emirates.