JERRY OLEA:
Nanguna agad ang Wish You Were The One sa talaan ng "Top 10 Movies in the Philippines Today" sa Netflix Philippines.
Reunion movie iyon nina Bela Padilla at JC Santos, sa direksyon ni Derick Cabrido. Ang nagsulat ng screenplay ay si Enrico Santos.
Read: Drama stars Bela Padilla at JC Santos, pinatunayang kaya ring magpatawa
Ipinalabas iyon sa mga sinehan noong Agosto 23, 2023. Si JC ay MMFF 2023 best supporting actor para sa horror movie na Mallari, kung saan magka-tandem din sina Direk Derick at Enrico.
Nasa cast din ng Wish You Were The One sina Romnick Sarmenta, Kean Cipriano, Franki Russell, Jervi Li, Andrea Babierra, at Andrew Muhlach.
Ang logline ng pelikula, "Astrid poses as Ellis’ fiancee to crash a wedding and make her ex jealous. But sparks fly when their pretense reveals a surprising connection."
May isa pang Pinoy movie sa Top 10, ang Mga Kuwentong Barbero ni Eugene Domingo. Nag-peak iyon sa third place, at three consecutive days na nanatili sa puwestong iyon.
Ang Top 10 Movies in the Philippines Today sa Netflix — Wish You Were The One, Lift, The Equalizer 3, Final Destination 5, The Wolf and the Lion, Marry Me, Mga Kuwentong Barbero, Batman v Superman: Dawn of Justice, No Hard Feelings, at Wild.
Ang Top 10 TV Shows in the Philippines Today sa Netflix — American Nightmare, Solo Leveling, My Demon, Gyeongseong Creature, Welcome to Samdal-ri, Yellowstone, Can’t Buy Me Love, Bitch and Rich, Berlin, at Fool Me Once.
Read: Bela Padilla now based in the UK; explains how she's able to sustain living abroad
NOEL FERRER:
In fairness, maganda at relatable ang Wish You Were The One nina JC at Bela ha!
At mukhang ok talaga ang tandem nina Derrick Cabrido at Enrico Santos. The next project na pagsasamahan nila (among many more I guess) ay iyung sa Regal dahil nakita ko ang post na kasama nila si Roselle Monteverde.
Sana, makagawa sila ng marami pang magagandang projects. All the best!
Read: Bela Padilla, sentimental na binalikan ang six-year friendship nila ni JC Santos
GORGY RULA:
Nagustuhan ko rin ang Wish You Were the One, at nagagalingan ako dun kay Bela.
Ang galing nga ni Direk Derick Cabrido, na akala ko ay horror lang ang forte niya. Okay pala siyang mag-romcom at iba ang istilo niya sa pelikulang ito.
Nakini-kinita kong mas magiging busy ang 2024 kay Direk Derick. May time pa kaya siyang mag-gym na madalas ay nakakasabay ko siya roon?
May nakausap din akong isang movie producer na gusto rin niyang subukan si Derick Cabrido dahil nagagalingan din siya.
Natutuwa rin ang mga movie producers sa Netflix dahil ang laki ng nagawa nito para mabawi nila ang ipinuhunan nila sa kanilang pelikula.
Kung so-so lang ang kita sa takilya, mababawi nila ito kapag nabili na ng streaming service kagaya ng Netflix?
Sayang nga at hindi na makipagkumpetensya ang Amazon Prime Video dito sa atin, kaya lalong namamayagpag ang Netflix.
Pero huwag naman sanang baratin na ng Netflix ang mga pelikula natin dahil sila na lang ngayon ang aktibo sa pamimili sa mga local films.