GORGY RULA:
Dumating ang model/actress na si Maureen Wroblewitz nung Biyernes, February 9, sa red carpet premiere ng pelikula niyang Take Me To Banaue.
Galing siyang Japan dahil nagbabakasyon sila roon ng kanyang boyfriend na si Noah Steinbuch.
Babalik din siya sa Japan bukas dahil magkasama na sila ng boyfriend niya pabalik ng Amerika.
(Maureen with Take Me To Banaue co-star Brandon Melo)
Huling premiere showing na raw kasi ito ng pelikula niya bago ito mag-start ng streaming sa website nilang www.takemetobanauefilm.com sa February 12.
Kasama ni Maureen dito sina Thea Tolentino, Boobay, MJ Lastimosa at ang dalawang Hollywood actors na sina Brandon Melo at Dylan Rogers.
(L-R) Royce Cabrera, Danny Aguilar, Brandon Melo, Maureen, Sheryl Cruz, Thea, Claire Castro, Conrado Peru, Inah de Belen, Jake Vargas, Teejay Marquez
Dinirek ito ni Danny Aguilar na siya ring nagsulat at nag-produce ng pelikulang ito.
Sabi ni Maureen nang nakatsikahan namin doon sa red carpet premiere ng Take Me To Banaue, puwede naman daw siyang bumalik kapag may magandang trabaho.
Pero sa ngayon ay sa Amerika muna siya at nag-aaral daw siya ng acting sa Los Angeles at nagmu-model na rin.
Napatawa na lang siya nang sinabi naming pinag-uusapan pa rin siya rito lalo na kapag lovelife ang isyu.
“I don’t want the people to people feel that I'm completely leaving the Philippines. The Philippines is with me in my heart.
“I’m always coming back to the Philippines. It’s just kinda like for personal growth. And just wanna try out something new while I’m young,” pakli ni Maureen.
Okay naman daw sila ng dating boyfriend niyang si JK Labajo, pero hindi pa niya masasabi sa ngayon na puwede na silang maging friends.
“Maybe one day,” pakli ni Maureen.
“But I think we’re kinda like trying to find ourselves separately. And he’s been doing really great with his music and he’s going back to acting.
“And you know, I finally moved to L.A. where I haven’t gone back for a very long time. So, we’re doing well individually.”
JERRY OLEA:
Magkasintahan pa sina JK at Maureen nung ginawa itong Take Me To Banaue.
Ibinigay pa ng singer/actor ang kanta niyang Buwan at ginawan pa niya ng isa pang kanta.
Magaling si Maureen sa Take Me To Banaue.
Naiarte niyang parang nangangapa siyang magsalita ng English kahit Englisera naman talaga ito.
Ang haba rin ng mga eksena niyang purong Tuwali na native language ng Ifugao ang dialogue niya.
Magaling din sa pelikulang ito si Thea Tolentino na ngayon lang daw talaga siya nakakapag-comedy.
(L-R) Claire Castro, Thea Tolentino and Juancho Trivino
“It’s something new for me kasi hindi ko pa nata-try talaga yung comedy side. So, may bits of comedy yung character ko dito,” sabi naman ni Thea.
NOEL FERRER:
Hindi dumalo si JK Labajo sa red carpet premiere ng Take Me To Banaue kahit siya ang kumanta ng soundtrack nito.
Napatawa si Maureen nang hiningan siya ng reaksyon na tila para pa rin sa kanya itong latest hit song na Ere.
“Yeah! It’s gonna kinda of like a delayed… a delayed song,” kaswal niyang sagot sa amin.
“Coz it takes very long to actually release a song. So it’s just happened to be last year, but for sure it’s like it should have been before,” sabi pa niya.
Ibig sabihin ba nito, hindi pa rin ito nakapag-move on sa kanya?
“No naman. It’s just like it takes really long to release a song,” pakli ni Maureen.
Happy raw siya sa dating nobyo nang ibinalita namin sa kanyang may dini-date ito ngayon na isang Miss Universe Philippines candidate.
Masaya siya ngayon sa kasalukuyang lovelife, at pinili muna niyang mamalagi sa Amerika kasama ang kanyang boyfriend.
“We’re happy. It’s more of like… I feel like I’ve been working a lot of myself.
“I discovered so much about me, and I’ve grown so much. It helps me grow and I prioritize myself which is great,” sabi pa ni Maureen.