JERRY OLEA
Ayaw na ni Carlo Aquino gumawa ng daring movie, kahit katambal pa ang kasintahang si Charlie Dizon.
Matanda na raw siya for that.
“At saka may anak ako, babae,” sambit ng 38-anyos na aktor sa Chinese New Year celebration ng Beautederm noong Pebrero 10, 2023, Sabado, sa headquarters ng beauty brand sa Angeles City.
Ano ang non-negotiable sa kanya kung magsasama sila muli ni Charlie sa pelikula?
Mabilis na tugon ng multi-awarded actor, “Huwag lang yung masyadong sexy siguro. At saka… wala naman. Gusto ko lang, yung macha-challenge ako, tsaka si Charlie.”
Para kay Carlo, pinaka-sexy niyang ginawa sa pelikula ay iyong sa Tuli (2005) at Mater Dolorosa (2012).
Sa Porno (2013) ay may dobol siya sa masturbation scene.
Read: Carlo Aquino, ratsada ang mga pelikula sa sinehan man o online
Dahil uso ang hiwalayan sa showbiz couples, napag-uusapan ba nila iyon ni Charlie?
“Hiwalayan? Hindi namin napapag-usapan yun.”
Payag ba siya sakaling magpa-sexy sa movie si Charlie? Or OK sa kanya basta OK kay Charlie ang project?
“Oo, pag OK naman sa kanya, siguro naman, nasa tamang edad na siya. Alam na niya yon.”
Wala raw ipinagbabawal si Carlo kay Charlie.
“Personal mo na yun. Ako, nandito ako to support her. Siya din, ganun din sa akin,” saad ni Carlo.
Noong nakaraang taon, apat na pelikula ni Carlo ang nag-No. 1 sa listahan ng Top 10 Movies in the Philippines Today sa Netflix.
Ang mga ito ay ang Seasons with Lovi Poe, I Love Lizzy with Barbie Imperial, Third World Romance with Charlie Dizon, at Love You, Long Time with Eisel Serrano.
Read: 14 local movies, 3 teleseryes nag-No. 1 sa Netflix PH noong 2023
Sa Pebrero 24 ay streaming na sa Netflix ang animated film na Iti Mapukpukaw, na pinagbidahan nila nina Gio Gahol at Dolly de Leon.
Nag-shoot sila ni Barbie Imperial ng Whispers in the Wind sa Japan.
May naka-lineup din siyang another movie with Julia Barretto after Expensive Candy. Baka Abril daw simulan ang shooting nito.
Kasama rin siya sa Karnabal with Gina Alajar and Ricky Davao.
At nasa cast din siya ng Pinoy adaptation ng It’s Okay Not To Be Okay with Anne Curtis and Joshua Garcia.
Read: Anne Curtis, Joshua Garcia, Carlo Aquino to star in PH adaptation of It’s Okay Not To Be Okay
Nag-pitch na ang Black Sheep para sa follow-up movie nila ni Charlie Dizon.
May mga naghihintay rin sa reunion movie nila ni Vilma Santos.
Business is good, huh?!
“Hindi lugi ang negosyo,” pakli ni Carlo.
Nakontak ba siya para sa second season ng Netflix series na Squid Game?
“Hindi na. Nakakainis yung pandemic na ‘to!”
Read: Carlo Aquino almost joined Korean Netflix series Squid Game
Siyanga pala, aside from Carlo ay present sa Chinese New Year celebration ng beauty company ang iba pang brand ambassadors: Sina Sam Milby, Sylvia Sanchez, Alma Concepcion, Sunshine Garcia...
Patricia Tumulak, Ynez Veneracion, Darla Sauler, DJ Jhai Ho, Gillian Vicencio, Kimson Tan, Ervic Vijandre, Menggay Vlog, at Ann Feo.
NOEL FERRER
We love Carlo and Charlie, bukod sa parehong magaling na aktor, magaan kasama at taung-tao.
May usapan na ba sila ni Charlie tungkol sa kasalan?
“Wala pa. Hindi ko pa alam yan,” pangiti-ngiting sabi ng multi-awarded actor.
But hopefully soon?
“Sana, oo,” kaswal na pag-ayon ni Carlo.
“Kasi, ilang taon na ako. Ilang taon na si Charlie.”
Nakita kasing may suot na singsing si Charlie, kaya may mga nag-akala na engagement ring iyon.
“Lagi naman yung… tingnan niyo, ngayon. May suot din siya. Hindi galing sa akin yon.”
Sinamahan ni Charlie si Carlo sa Chinese New Year celebration.
Nag-stay lang si Charlie sa isang function room. Hindi brand ambassador si Charlie ng ini-endorse na beauty product ni Carlo kaya hindi nagpa-picture ang aktres sa nasabing event.
GORGY RULA
Hindi nila priority ni Charlie magpakasal this year?
Natigilan sandali si Carlo bago sumagot, “This year? Let’s see. Tingnan natin.”
Kailangan bang mauna this time ang kasal bago siya magkaroon ng pangalawang anak?
“Wala akong sinasabi. Siguro depende sa tao yan. Wala ako para magsabi ng kung anong gusto nilang gawin sa buhay nila,” pahayag ni Carlo.
Read: Charlie Dizon says her parents approve of boyfriend Carlo Aquino
Emotionally and financially ready na ba siya para lumagay sa tahimik?
“To get married? Yes,” walang gatol na tugon ni Carlo.
Si Charlie na ang gusto niyang pakasalan?
“Yes.”
Kailan niya na-realize na si Charlie na talaga?
Ilang seconds na natigilan muli si Carlo bago nagsalita, “Siguro day by day, hindi ko ine-expect na ganun. Pero sobrang… iba lang.
“Yung outlook sa buhay, nagbago.”
Anong qualities ni Charlie ang nagustuhan niya nang lubos?
“Palaban kasi. Palaban sa tamang paraan. At saka ang gaan, ang sarap tumawa,” tugon ni Carlo.
“Naririnig niyo naman pag tumatawa, dinig… At saka pag may problema, uupuan. Pag-uusapan nang maayos.”
Read: Relasyon ni Carlo Aquino kay Charlie Dizon, may kakaibang epekto sa aktor
Wala silang mga away?
“Nag-aaway. Nag-aaway pero pag-uusapan nang maayos. Yun naman, e. Yun naman ang pinakaimportante,” pagtatapat ni Carlo.
“Maglalakad kami. Lalabas kami, pag-uusapan namin.”
Second Valentine’s Day na nila bilang magsyota sa Miyerkules. Ano ang plano nila?
“Wala, e. Andami kasing lumalabas, e. Andaming tao, ang traffic. Kesa ma-relax kang mag-date, kaka-stress yung traffic,” himutok ni Carlo.