JERRY OLEA
Ginunita ang ika-152 taon ng pagkamartir nina Padre Mariano Gomes, Padre Jose Burgos, at Padre Jacinto Zamora nitong Pebrero 17, 2023, Sabado.
Noong umaga ay dumalo sina Cedrick Juan at Direk Pepe Diokno sa isang programa sa Paco Park sa Maynila kung saan pinaniniwalaang nakalibing ang GomBurZa.
Noong hapon ay dinaluhan naman nina Cedrick at Direk Pepe ang free screening ng pelikulang GomBurZa sa Metropolitan Theater MET. May talkback session kapagkuwan.
Read: GomBurZa as OG of Pinoy pride and identity
Facebook post ni Cedrick nitong Pebrero 18, Linggo ng gabi, “Emosyonal ako kahapon ng makita na may mga nanonood na mga hindi ko kadalasan nakikita sa mga sinehan, ang espesyal dito ay sa The Metropolitan Theater pa.
“Naitanong ko ito sa mga organizers ng screening sa MET na sila daw ay mga street vendors sa paligid ng MET at Intramuros.
“Nagpipigil ako umiyak bago umakyat ng entablado. Naiiyak dahil sa galak dahil sila ang mga mas mahahalaga ding makapanood ng mga pelikulang Pilipino at lalo na ng GOMBURZA.
“Naisip ko kasi na sila yung mas direktang apektado ng ekonomiya natin kung maayos ito o hindi.
“Sila yung hindi na naiisip ang kasaysayan dahil kailangan na lang magkaroon ng makakain, maiinom at matitirhan na maayos araw araw.
“Sila yung marginalize group na mulat sa katotohanan pero walang pribilehiyong tumawid sa survival instincts.
“Sana ay mas maging bukas pa sa lahat ang access sa edukasyon, basic necessities, dula at mga pelikula, kagaya ng free screening ng GOMBURZA kahapon sa MET.
“Para sa mas inklusibong industriya at bansa.”
Nakipagtulungan ang Jescom Films, MQuest Ventures at CMB Film Services sa National Commission for Culture and the Arts, National Historical Commission of the Philippines, Local Historical Committees Network, at The Metropolitan Theater para ihandog ang GomBurZa sa bagong edisyon ng “KaSAYSAYan sa MET.”
GORGY RULA
Nitong Sabado ng gabi ay um-attend naman si Cedrick sa 2024 Asia Tour Fan Meeting ni Park Hyung-sik na SIKcret Time sa Araneta Coliseum sa Cubao, Quezon City.
Dalawang beses ipinakita si Cedrick sa LED screen.
Read: Concert ni Ryan Gallagher at fan meet ni Park Hyung Sik, nagpakilig sa Pinoy fans
Nitong Pebrero 18, Linggo ng hapon, ay nagkaroon naman ng free showing sa MET ang pelikulang Kita Kita nina Alessandra de Rossi at Empoy Marquez.
Bahagi ito ng programa ng Film Development Council of the Philippines (FDCP) para sa Sine Sinta: Pag-ibig at Pelikula at Mga Hiyas ng Sineng Pilipino.
Hanggang Pebrero 23, Biyernes, pa ang free screenings ng Sine Sinta: Pag-ibig at Pelikula sa iba’t ibang venue.
Libreng mapapanood ang mga pelikulang One More Chance, Radio Romance, Love You To The Stars And Back, Isa Pang With Feelings, That Thing Called Tadhana, at I’m Drunk, I Love You.
Ang Sine Sinta: Pag-ibig at Pelikula ay hatid ng FDCP katuwang ang National Commission for Culture and the Arts (NCCA), The Metropolitan Theater (MET), Ayala Malls Cinemas, at TriNoma.
Suportado ito ng ABS-CBN, ABS-CBN Film Restoration (Sagip Pelikula), ABS-CBN Film Productions Inc. (Star Cinema), Cinema One, LVN Pictures Inc., TBA Studios, VIVA Films, JuanFlix: The FDCP Channel, at FDCP Cinematheque Centres.
Meron ding libreng pa-screenings ang Cultural Center of the Philippines (CCP) sa pamamagitan ng Lakbay Sine program na nasa ilalim ng Film, Broadcast and New Media Division.
Ipapalabas ang Liway ni Glaiza de Castro sa Pebrero 22, Huwebes ng 1:00 p.m., sa Buenaventura Garcia Paredes, O.P. Building ng University of Santo Tomas.
Back-to-back ang screenings sa Pebrero 23, Biyernes, sa St. Paul University sa Quezon City.
8:30 a.m. ang screening ng Blue Room nina Elijah Canlas, JK Labajo, at Soliman Cruz. 1:00 p.m. naman ang screening ng Anak.
After ng screening ay may talkback session kung saan tampok sina Vilma Santos, Claudine Barretto, at National Artist Ricky Lee.
Ayon sa Vilmanian for All Seasons na si Jojo Lim, si Ate Vi mismo ang kumausap kay Claudine para dumalo rito.
Inaasam daw ni Ate Vi na um-attend din dito ang direktor nilang si Rory Quintos. Kaso, reclusive na raw si Direk Rory, at nagpa-farming sa Benguet.
Sa Pebrero 24, Sabado ng 5:00 p.m. naman ang screening ng Dinig Sana Kita sa ValACE Roofdeck sa Valenzuela City.
NOEL FERRER
At alam ba ninyong sa Wednesday ay may Ateneo Grade School showing naman ang GomBurZa at malamang na may mga messages din ang filmmakers at artista nito.
akakatuwa lang at ang 49th MMFF movie na ito ay nagagamit sa mga klase at nagpapalalim pa ng pag-aaral ng kasaysayan at pagmamahal sa bayan.
As for Cedrick, everybody’s waiting for his next big step. Aside from being part of EDJOP The Movie, may isa pa siyang project na may non-disclosure agreement.
At tingnan natin kung saang network siya mapupunta, kung sa TV5, GMA 7 o ABS-CBN 2. Ano sa tingin ninyo?