JERRY OLEA
Balik-akting si Cath Ventura ng Batchmates sa Kapuso afternoon drama series na Abot-Kamay Na Pangarap.
Read: GMA Drama execs personally apologize to Baliwag mayor over Abot Kamay Na Pangarap episode
“Kasama ako sa Lotus Gang,” sambit ni Cath sa first anniversary celebration ng Gigil Cafe nitong Pebrero 28, 2024, Miyerkule, sa BMA St., Brgy. Tatalon, Quezon City.
Ang Lotus Gang ay mga kasangga ni Leticia “Lotus” Madrigal (Jackie Lou Blanco) sa kulungan.
Dagdag ni Cath, “Kami ang gumaganti para sa taumbayan na naiinis kay Moira [Pinky Amador].
“Marami kaming natatanggap na message na, ‘Yan, sige! Bugbugin niyo pa si Moira!’ Kami ang kontrabida ng kontrabida.”
Kumusta ang pagbabalik-akting niya sa isang drama series?
Napangiti si Cath, “OK naman po, masaya naman po. Nagulat din ako ngayon, kasi parang yung dati na… akala ko, hindi ko na kaya ngayon, na mas nagalingan ko pa pala.
“Na maraming taong nagustuhan yung ginagawa ko, ganun.”
Ipinagmalaki rin ni Cath na kasama siya sa Vivamax movie na Mapanukso, na streaming na umpisa Marso 15, Biyernes.
Iprinodyus iyon ni Lito de Guzman para sa kanyang LDG Productions. Si Lito ang talent manager na bumuo ng all-female group na Batchmates noong 2012.
Ang papel ni Cath sa Mapanukso ay businesswoman na sugar mommy ni Calvin Reyes. Dahil Vivamax, naturalmente may breast exposure si Cath.
“First time kong magpakita ng ganun... Siyempre, kinabahan po ako dahil first time ko yun,” pagtatapat ni Cath.
“Baka kung anong sabihin sa akin nung nanay ko. Ipinakita ko naman sa kanila, OK naman po. Kasama naman po talaga yun sa pag-arte. Kaya OK lang naman po.”
Kumustang kaeksena si Calvin?
“OK naman po. Mabait naman siya saka masharap. Ha! Ha! Ha! Ha!” pagtawa ni Cath.
Sa totoong buhay ba, mas bet niya na mas bata ang nagdudulot sa kanya ng sharap? Keri niyang magpaka-cougar o sugar mommy IRL?
Mabilis na umiling si Cath, “Ay! Hindi. Mas gusto ko, ako yung ano. Mas gusto ko, may sugardaddy. Charot!
“Ayoko ng bata, kasi parang ano, ikaw pa yung magtuturo sa kanila. Parang hindi masarap.”
Tinuruan ba niya si Calvin?
“Hindi naman. Parang ano naman siya, OK naman siya. Parang sanay, charot!” bulalas pa ni Cath.
Ano ang limitasyon niya sa maseselang eksena?
“Siguro ano, yung hindi masyadong talagang kitang-kita ang buong katawan.”
Iyong iba, ayaw magpahawak ng dibdib, ayaw magpa-breastfeed…
“Ako rin, ayoko. Siguro kung mga ganun, hindi rin po siguro ako. Yung mga nagpapadede or ano.”
Nakaplaster ba sila ni Calvin sa intimate scenes?
“Yes, napakasakit ng plaster! First time ko, first time.”
May naramdaman ba siya kay Calvin?
“Wala. Baka siya, meron. Hindi! Joke lang!”
Hanggang saan ang kaya niyang gawin? Siyempre, mas mapangahas dapat siya sa susunod niyang Vivamax movie.
“Ahhh di ko pa kasi ano, di ko pa alam. Kung ano siguro ang sabihin sa akin ng direktor, kung kaya ko naman, gagawin ko. Yun.”
Maliban kina Calvin at Cath, nasa cast ng Mapanukso sina Sean de Guzman, Marco Gomez, Itan Rosales, Mon Mendoza, Tiffany Grey, Ataska, Rica Gonzales, at Thia Ledesma.
Ang direktor ay si Jose Abdel Langit.
NOEL FERRER
Kasosyo ni Cath Ventura sa Gigil Café ang mga kasamahan niya sa Batchmates na sina Sophy Love, Aura Balington, at Marie Ventura na sister niya.
Inspired ba ang Gigil Café ng Seiko movie na Gigil (2000) na tinampukan nina Nini Jacinto, Leonardo Litton, Bridgette de Joya, at Jethro Ramirez, sa panulat at direksyon ni Mauro Gia Samonte?
O ng Regal movie na Gigil (2006) starring Katrina Halili, Alfred Vargas, Bianca King and Ketchup Eusebio, sa direksiyon ni Jun Lana?
Pahayag ni Cathy, “Si Sophy ang nakaisip ng Gigil para kakaiba. Nag-agree kami dahil magaganda naman ang may-ari ng Gigil Café, nakakagigil nga naman pag pumunta dito.
“Panggigigilan nila.”
GORGY RULA
Iyong ibang mga grupo, nagkawatak-watak na, nagkanya-kanya. At least, silang apat sa anim na members ng Batchmates, magkakasama pa rin hanggang ngayon.
Sabi ni Cath, “Simula nung nag-start kami ng girl group, magkakaibigan na talaga kami. Hanggang tumagal nang tumagal, nandun pa rin kahit hindi na kami magkakasama, nandun pa rin ang kumustahan namin.
“Hindi nawawala. Parang magkakapatid pa rin kami. Kaya hanggang ngayon, buo pa rin.”
Anong nangyari sa dalawa pang member ng Batchmates?
“May sariling business na sila. May asawa na rin. Merong nasa ibang bansa,” sey ni Kath.
“So happy rin naman kami para sa buhay nila ngayon.”