GORGY RULA
Isa sa naaliw kami sa cast ng bagong GMA-7 fantasy-drama na My Guardian Alien ay ang partisipasyon nina Kiray Celis at Kirst Viray.
Nakakatuwa pa rin talaga si Kiray na pinaglalaruan nila nang rumampa siya sa media conference ng My Guardian Alien sa Luxent Hotel nung Huwebes, Marso 21, 2024.
View this post on Instagram
Naalala naming na-link sina Kiray at Kirst, pero pareho nilang nilinaw na wala talagang namagitan sa kanila.
Related Stories:
- Kirst Viray comes clean on relationship with Kiray Celis: "Wala talaga."
- Kiray Celis reveals she now has a non-showbiz boyfriend: "Hindi po si Kirst."
- Kiray Celis clarifies gamitan issue with Kirst Viray: "Mas ako yung nanggamit."
- Kirst Viray masaya sa love life ni Kiray Celis: "Sobrang in love siya..."
Natuwa ang dalawa nang malamang magkasama sila sa My Guardian Alien at madalas nga raw na sila ang magkasama sa eksena.
Kuwento ni Kirst, “Magkasama po kami ilang beses sa eksena. And comfortable naman ako kaeksena siya kahit lagi niya ako inaasar minsan.
“Siya din nagtuturo sa akin paano ang tamang pag-arte, kaya malaking tulong sa akin yun. Kaya na-excite ako nung nakaka-work ko na siya sa My Guardian Alien.”
Hindi naman daw sila nakaramdam ng pagkailang nang magkita sila sa set.
Natatawang sabi ni Kiray, “Halos magkakaeksena kami ni Kirst. Wala naman pong awkwardness, kasi work po yun.
“Saka super close sila ng boyfriend ko in real life. In fact, halos every week magkalaro sila sa basketball.”
Sa April 1 na magsisimulang umere sa GMA-7 ang My Guardian Alien, na bale pagbabalik-drama series ni Marian Rivera.
Kasama rin sa cast sina Gabby Concepcion, Max Collins, Gabby Eigenmann, Marissa Delgado, at marami pa. At si Zig Dulay ang director.
NOEL FERRER
Ang ganda ni Kiray!
May boyfriend na nagpapaligaya sa kanya.
May regular show at trabaho at may presence sa social media.
At may isang piging modelong nali-link din sa kanya.
Ibang klase ang alindog ni Kiray! Ang ganda at ang saya lang niya!
JERRY OLEA
May sariling karisma si Kiray na kanyang-kanya.
Nawa’y tumatak sa televiewers ang pagsasanib na itong muli ng KirKir tandem nila ni Kirst.