JERRY OLEA
Hopia, asado, at expectorant ang isang female TV personality na bibigay sa pagpapa-cute niya ang isang poging politician.
Panay-panay ang pakikay at paeklay ni female TV personality, pero wah epek iyon sa poging politician na iniidolo ng marami. Nanatili siyang uubu-ubo.
Read: Showbiz personality, siningil ng dating karelasyon sa mga ginastos nito sa kanya
Ang naulinigan ng PEP Troika, may pinupuntirya si poging politician na isang pretty and smart girl.
Disente ang dating ni smart girl, at walang bahid ng kagaslawan. Ibang-iba sa female TV personality na kung minsan ay may pagkahitad ang arrival.
Sikat si smart girl sa isang prestihiyosong pamantasan. Kagaya ni poging politician, maraming umiidolo sa kanya.
Hahabul-habol si poging politician kay smart girl. Ang masaklap, hindi bet ni smart girl si poging politician.
Walang kilig sa puso ni smart girl kapag nagpapahiwatig sa kanya ang poging politician, kaya iniiwasan na niya ito.
Ayaw ni smart girl na ma-link kay poging politician, at ang nais niya ay tahimik na buhay.
Kaakibat ay limelight at stress sakaling magkatuluyan sila ni poging politician, at hindi iyon kabilang sa life goals niya.
Read: Sikat na artista, clueless sa kabulastugan ng dyowang aktor
GORGY RULA
Ang theme song daw ni female TV personality ay kanta ni Sharon Cuneta…
“Mahal kita, mahal mo siya, mahal niya ay iba/ Mas mapalad ka, mahal kita/ Sa 'ki'y walang nagmamahal…”
Isang kaibigan namin ang nagtsika na kaibigan daw niya ang mommy nung smart girl na ayaw ma-link sa mga sikat na personalidad.
Pero masigasig si poging politician na minsan ay nakukulitan na raw si smart girl. Naniniwala raw kasi si poging politician na mapapaoo niya si smart girl, magtiyaga lang siya.
Kaya lalo sigurong na-challenge si poging politician dahil sa ibang-iba si smart girl sa ilang female personalities na na-link sa kanya.
Read: Dakilang aktor na hiwalay na sa magandang aktres, may bago nang kasintahan
NOEL FERRER
Sana, mahanap ng magaling at poging politician ang dilag na nababagay talaga sa kanya. Malay mo naman at baka magustuhan din siya ni smart girl in time.
As for the female TV personality, magpakagaling na lang muna siya sa kanyang work at sana rin ay makahanap siya ng katapat niya.
I’m sure, ipinagdarasal si poging public servant ng kanyang ina na madasalin at malapit sa Diyos.
Sana, magka-love life si poging politician sa tamang tao. Kasi, gusto talaga natin siyang mag-succeed sa buhay niya.